Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Hochzeitstag    ›   Wo habt ihr euch kennengelernt?
Wo habt ihr euch kennengelernt?
 1 2 3 4 5
Belle85

nicht registriert

am 27.07.2010

Re: Wo habt ihr euch kennengelernt?

Mer hend eus ganz langwihlig im Usgang dör e Kollegin kenne glehrt. Es Zytli hemmer gäng chli Kontakt ka ond send de när nach öppe 6 Mönert glich no zäme cho.

Ah jo mer si per SMS zäme cho, er esch ir RS gse ond ech ha erscht denn so richtig gmerkt dass ech en eifach scho mega gärn ha ond de hani em gschrebe. Willst du mit mir gehen? ja? nein? vielleicht? ond er het nachem Lachafau aglütet ond JA gseid ond de eschs no öppe 5 Täg gange bes mer eus weder gse hend, das esch e seeehrt längi Zyt gse.

Liebe auf den 1000 Blick deför simer de grad ganz gli zäme zoge ond wohne ez au scho sit 6 Johr zäme.

Wir feiern das Fest unseres Lebens 28.05.2011



Dee  am 27.07.2010

Re: Wo habt ihr euch kennengelernt?

Also mir händ eus bim Schaffe känneglehrt vor chli meh als foif jahr. Ich han damals ime Personalresti gschaffet und er hät inere Bude i de nächi agfange. Sini Kollege händ ihm gseit, grad wo er agfange hät, er müess unbedingt det go ässe, det hegis eini, wo ihm sicher würd gfalle (mir sind ebä beidi über 1.90 gross ) Denn sinds cho, und vom erste moment a hät er mich verzauberet. bin völlig näb de schueh gsi und han eifach nur müesse grinse. nach langem hin und her flirte het er mich denn agsproche, leider han ich det aber no en fründ gha... han ihm das denn gseit und er isch grad ziemlich down gsi... er isch denn au es ziitli nümm cho ässe.... aber nacheme wiili isch er wieder cho... bi mir isch det ziemlich alles drunder und drüber gange, i dere ziit han ich no min papi verlore... das und schribble wenn ich gg gseh han hät mich dezue bewegt, mit mim ex schluss z mache. bin denn us de gmeinsame wohnig uszoge und han mich wieder gsammlet. han denn all min muet zäme gno und ihn gfräget, ob er immer no mit mir wett in usgang. er hät wele, hät mich allerdings zerst e wuche warte lah.... scho bim erste date häts gfunkt, küsst händ mir eus denn aber erst bim zweite date. naja, sit do isch es passiert... mir händ scho immer gseit, mir hüratet nächst jahr und jetzt isch es doch das jahr! bin happy so wies isch, denn jetzt isch d ziit grad richtig!

die Krönung unserer Liebe am 4.6.2010 und 2.10.2010



Ananas

nicht registriert

am 28.07.2010

Re: Wo habt ihr euch kennengelernt?

Wow, Saijca i het ned denkt das mich no öbber mit de Gschwindigkeit topt, hahaha.



°~°~° Zivil 6. August 2010 ~°~ grosses Fest 7. August 2010 °~°~°



Tropicana  am 28.07.2010

Re: Wo habt ihr euch kennengelernt?

Mer händ eus vor bald 7 Johr i de "Party-Ferie" in Spanie kenneglehrt. Er vo St. Gallä, met sinä Kollegä ond ech vo Lozärn mit minä Kolleginnä. Mer send beidi nömme ganz nüchtern gsi. Händ nochhär die ganz Woche, jedä Obig zäme verbrocht. Zerscht hani gfondä, das ganze esch doch eh nor e Ferieflirt, aber mer händ enand nömme chönnä vergässe.



Zerah  am 28.07.2010

Re: Wo habt ihr euch kennengelernt?

Mir hend üs mit 17i i me Partylokal kenne glernt. sind denn au öpe 3.5 Mönet zäme gsi, wenn mer dem scho so chönt säge.

Denn isch das ganzi aber uusgange und öpe 5 Johr spöter simmer wieder in Kontakt cho und s hät wieder gfunket.




wir heiraten am 16.7.2010 zivil und 21.08.2010 kirchlich



eby  am 03.08.2010

Re: Wo habt ihr euch kennengelernt?

Wir haben uns über ebay kennen gelernt. Ich hatte im April 2007 ein paar Bücher von ihm ersteigert. Im Juni trafen wir uns das erste Mal persönlich und es hat gleich am ersten Tag gefunkt. Im Oktober waren wir dann "offiziell" zusammen und seitdem führen wir eine Fernbeziehung mit 850 km Entfernung. Nächstes Jahr ziehen wir zusammen, aber geheiratet wird jetzt im September



Tinytooooon

nicht registriert

am 03.08.2010

Re: Wo habt ihr euch kennengelernt?

Hallo zusammen!

Mein Freund und ich haben uns in einem Skilager im Wallis kennen und lieben gelernt, als er Skileiter war und ich Snowboardleiterin Bereits nach 2 Tagen im Lager waren wir zusammen - alle dachten, dies sei ein harmloser Flirt, nichts Ernstes. Nun sind wir schon 6 1/2 Jahre zusammen und werden am 13.August 2011 heiraten.

Liebe Grüsse, Tinytooooon



Sunny73

nicht registriert

am 06.08.2010

Re: Wo habt ihr euch kennengelernt?

hey zäme

ig würd au säge internet sei dank. mir hei üs im friendscout kenneglernt..beidi hei dänkt mal luege was so use chunnt und nach em erste träffe hei mir gwüsst, dass mir für nander bestimmt si...hürate tüe mir am 4.6.2011



karin83  am 09.08.2010

Re: Wo habt ihr euch kennengelernt?

Ich ha ime Volkstheater dhouptrolle im Stöck " e stobe voll meitli" gspelt, är esch cho luege, i ha vor de Vorstellig spublikum begüxlet, wie immer. Hane det gse setzte ond ha gwösst, dä oder kenne. Bes zom 2.Akt hani use gfonde wiener heisst, werom er do esch, öb är en Fröndin het ondondond
noch de Vorstellig beni eifach zo em zuegöcklet. de hemmer en Woche telefoniert ond gsimslet, am Sonntig nochhär zäme en usflog gmacht ond sett denn onzertrennlech. ond gloubid mers, ich ha emmer alli usglachet wo a liebi ofe erscht blick gloubt hend oder sogar erläbt hend.
GeMeinSAm auf den WEG 28.8.2010



Sandra78  am 25.08.2010

Ich habe meinen Schatz in der WG kennengelernt - er ist als mein WG-Kumpel eingezogen
___________________________________________
* verliebt - verlobt - verheiratet *

~ Dezember 2003 * 30. Juli 2010 * 30. April 2011 ~



 1 2 3 4 5

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.