| Zeitpanung & Ablaufplan Hochzeit |
|
|
1 2
|
Bordinat  am 21.11.2014
Re: Zeitpanung & Ablaufplan Hochzeit
hahah Budget... das isch echt en seich! Du machsch eis und haltisches den ned ih... so isches zu mindest bi Eus 
Mir hend mol bni 20'000 gstartet, aber irgendwie merkt mer schnell das dass niergends hilanget... es sind so vell chlini Köste...wo sich den ebe au zunere Summer bildet.
Darum hemer eus jetzt gseit... mir lueget wo mer no chli chan spare und sucht wirds den halt türer... dänke so 30'000. 
Egal ...hüratet nur 1x!!! 
Ahhh jo Musik hemmer... Sänger i de Chile und Violonist (Kolleg vo mir)... den am Apéro au wieder de Sänger...und am Abig en DJ (Kolleg vo mir). Gastgschänkli hemer au scho entschiede...ned standart sondern Wii...mir sind ebe echti Wiiliebhaber :-) denn passt das durch und durch.
Unterhaltig suscht am Abig isch meh de DJ und ebe was Trauzüge den vorbereitet...det wetti ned zvell dripfusche :-) hahaha
Torte macht wahrschindlech e gueti Fröndin u herzig...
Jo eh ich wott den vo dir lese do inne :-P
|
|
|
Jea am 21.11.2014
Re: Zeitpanung & Ablaufplan Hochzeit
phoa, 20-30'000.- :) ja, mags eu gönne, nöd dass mi falsch verstahsch, aber bi eus wirds budget um einiges chliner usfalle... ich weiss, dass die meischte soviel gäld usgänd, aber bi eus wird das nöd so sii...
ah, das isch natürli au super, wänns mit fründe und kollege chasch mache :)
hehe, jep, machi dänn, aber ebe, gaht no es ziitli :D
|
Bordinat am 21.11.2014
Re: Zeitpanung & Ablaufplan Hochzeit
Jo es isch verdammt vell Geld... das isch mir au klar...
Aber mir hend eifach au relativ vell Gäst
Das machts ganze au ned günstiger... hihi
Die einzelne Pünkt sind hald eifach tüür, wie Fotograf, s'Esse und z'Trinke... dEhering- do chunt einiges zäme!
Aber ebe.. wemer chönd isparige mache...machemer das natürlich?! :-) Darum isch das au nonig fix mit dem Budget... Mir werdet sicher no bim Esse was mache... den sicherlich bi de Blueme luege das es ned zu tüür chunt...
Mir hend au z.B. bim Fotograf mega vell vergliche... dArbete & dLeistige...und hend verhältnismässig en günstige gfunde... Aber au das isch vell Geld. Aber mir hend au det investiert womer säged das blibt eus... weisch dErinnerige mit em Ring wo mer jo sLebelang hoffenltich treit...dFöteli womer immer wieder chan aluege... :-)
Ah und i dem Budget isch au no die Zivili Trauuig dinne mit Esse 
Jo bim DJ und Violonist hemer hammer Fründschaftspriise becho... Zum Glück suscht währs den am Schluss no tüürer!
|
Jea am 21.11.2014
Re: Zeitpanung & Ablaufplan Hochzeit
hehe, ja, ebe, nöd dass mi faslch verstahsch... ich mags jedem gönne, wo für sich entscheided, dass es ihm das wärt isch, soviel gäld uszgäh :) ich mein, ihr händ au s ganze programm mit chile und auto usw. und vo däm her isch das au klar, dasses tür chunt...
bi eus wirds vermuetli entweder e ziviltrauig verusse gäh oder dänn zum zivile no e freii trauig, wo durch öpper us eusem umfeld gmacht wird... fotograf chömed mer zimli sicher au günstig eweg, sowie au mit band / musig,... dänn blueme, wänd mir beidi nöd würkli und ässe und trinke staht no ide sterne, wie mer das wänn mached... en wunsch vo mim schatz isch dass mer 2 spanferkel nähmed und so... also bi eus wirds meischte gäld fürs ässe und trinke druf gah, wobi mir au da sicher werded luege.
also ebe, das isch sochli das, wo mer mal vor laaaanger ziit mal besproche händ, was mir eus so vorstelled. für eus isch eifach wichtig, dasses en bezug zu dä berge gitt (also drum trauig oder ei trauig verusse) und dass eusi familie und fründe mit eus fiired... dä rest wird sich dänn zeige. mir werded d ring zimli sicher in östrich chaufe und sicher nöd meh tusigi vo franke für das usgäh.
also ebe, a alli wo mitläsed, ich mags würkli jedem gönne, wo viel gäld für dä tag chan und will usgäh. vorallem wänn mers hätt oder druf gspart hätt und s ganze programm will, warum nöd?! ABER es gitt (leider) au sehr viel lüt, wo sich ruiniered, oder i schulde chömed, wägere hochzit und das wärded mir sicher nöd mache! :) drum wirds bi eus au nöd es super riesigs romantischs fäscht oder so. es gitt eifach e party, mit guetem ässe und trinke, lässige lüt und für das brucht mer meistens nöd eso viel gäld :) hihi. aber ja, ich weiss, dasses sich au zählt, halt all das chline (was mer aber mehrheitlich gar nöd händ... )
|
kleinerbrownie  am 21.11.2014
Re: Zeitpanung & Ablaufplan Hochzeit
@Jea: wie du schon schreibst, muss das jeder für auch selber entscheiden. Ich muss dir aber widersprechen, dass ein Fest mit weniger Gästen und kleinerem Budget nicht genauso romantisch sein kann.
Wir hätten uns auch ein grosses Budget leisten können dafür, wollen aber nicht. Wir hätten ein schlechtes Gewissen, für einen Tag soviel Geld rauszurühren, wenn es soviel Elend und Krieg auf der Welt gibt. Wir haben bewusst nur 30 Gäste, damit wir wirklich mal mit jedem in Ruhe reden können und keine " Hallo- gratulieren- tschüss- Gäste" haben. Und für euch als Paar ist es auch intimer und relaxter .. ich finde, das sind ganz gute Faktoren für Romantik.
Wir haben mit 8000 Franken ein verhältnismässig tiefes Budget und kommen bisher gut damit klar. Eine lange Vorbereitungszeit kommt dir da sicher zugute, denn abgleichen, diskutieren und viele Offerten einholen etc. muss man bei einem kleineren Budget sicher mehr.
|
Jea am 21.11.2014
Re: Zeitpanung & Ablaufplan Hochzeit
@ kleinerbrownie, danke für din input... ja das mitem romantische gibi dir sicher rächt... hans eigentli au nöd so gmeint, dass mer mit chlinem budget kei romantischi hochzit chan ha. MIER sind eifach überhaupt nöd romantisch... bezw. da isch halt d frag, wo romantik ahfangt und was dänn kitschig isch... für eus ischs meischte, wo d lüt als romantisch alueged eifach nur kitschig :) und dänn gitts sache, wo i gwüssne auge als romantisch gälted, aber für eus eifach schön sind aber nöd in definition romantisch :) isch chli kompliziert zum usdrucke :) und ich find das super, dass ihrs mit some budget mached. also ebe, es muen für jede stimme, für mich wärs ehrlichgseit au ebe kei 30000 wert, wil ich mit däm gäld viel lieber go reise würd :) aber so hätt jede sini prioritäte (zum glück!!)
also es grosses fäscht wirds bi eus - trotz vermuetli chlinerem budget - glich gäh... aber mir werded halt au eusi fründe chli ibinde und so au bitz spare :)
also schlussäntli chunts ja eh meischtens andersch wie mer dänkt und drum verschrei ichs jetzt nöd... ihr werded mich dänn alli uslache im juni nächst jahr,w änns dänn glich e riiiiese gschicht wird :D 
haha :)
mer werdeds gseh :)
|
Evass  am 09.12.2014
Re: Zeitpanung & Ablaufplan Hochzeit
Jea, ich habe grade gelesen, dass Du draussen eine Ziviltrauung machen möchtest - das ist in der Schweiz nicht möglich, Trauungen müssen in einem offiziellen Trauzimmer abgehalten werden 
Dies nur zu Deiner Info, wir wollten auch zuerst die Ziviltrauung irgendwo machen wo es uns gefällt und haben dann gemerkt dass dies nicht geht. Viele Infos und Locations dazu findest Du auch hier: Ziviltrauung.ch
|
Jea am 09.12.2014
Re: Zeitpanung & Ablaufplan Hochzeit
Hei Evass
Danke für din input, aber das isch noni so klar... mir wüssed ja noni mal ob ide schwiz oder in östrich ghürate wird. bi eus zbsp. chan mer ziviltrauig au ufere burg mache (zivil) aber vilicht gilt das au als trauigszimmer, das weissi natürli nöd.
wil ebe, mir händ ja noni mal richtig ahgfange organisiere, es isch sicher so, dass mer e freii zeremonie irgendwo dusse werded mache... :) alles andere wird sich afangs nächst juni zeige :D
trotzdem danke vielmal für de link!
|
|
|
1 2
|
Anmelden
