| Passwort vergessen?
Sie sind nicht angemeldet.  Anmelden
Zeitplan...
 1 2 3 4
29.11.07 11:42
jovia

nicht registriert

Re: Zeitplan...

Hi Serry

De Name seihd meh jetzt grad neyd, aber villicht vom gseh, wer weiss .

Ah ja genau, vo dem Bruch mit de Mandle han ich au scho ghört - find ich nu schön und deyni Idee tönt ai nu härzig mit de Namenstäfeli.

Klar kenn ich de Lade, han dett meys Abigchleid für en Hochzeyt i dem Jahr kaift. Bisch zfriede gsi mit em Service?

Ich ha meys bi Bruutmode Wicky in Beromünster kauft. Meyni Schwe, s'Mami und ich sind im September mal spontan go luege und denn han ich grad meys Traumchleid gseh und nateyrlich kauft - jetzt hangts bi de Eltere im Schrank. Bi zwar chli früeh dra, aber das wirklich meys Traumchleid isch han ichs eifach miesse ha . Isch deys eifarbig? Schleppe?

LG

Jovia

29.11.07 12:00
serry 
Re: Zeitplan...

HI Jovia

De Service dete esch ned schlächt, wobi ech d Chefin det mängisch chli "streng" gfende....

Mis Chleid esch eifarbig, nämlech perlefarbig, es hed en Schleppe, esch trägerlos ond hed en grade Usschnett, hed obe vell Bestecktes ond im Rock sälber ide einzelne Bahne au Steckereie....
En Schleier muess mer au no sueche
Be de Schueh wetti äbe settigi näh, wommer au nochhär no cha alegge... zahle ned 300.00 Stotz ond nochhär chamer si nömm alegge...
Hesch du scho Schue?
Hesch denn s Chleid scho lo apasse?
Ech ha mis öppe em Juni bstellt ond es esch emmernonig cho, sie hend gseid es chäm im Dezember. Be scho ganz gspannt....

Kirchliche Trauung 24.05.08

29.11.07 13:13
bambam1978 
Re: Zeitplan...

Hi

Unser Zeitplan sah folgendermassen aus:

07:00 Stylistin kommt zu mir nach Hause. Braut und Trauzeugin werden geschminkt und frisiert

11:00 Abfahrt zum Treffpunkt, Location in Horgen
12:00 Ich treffe meinen zukünftigen (Stand unter einem Efeubogen und hat auf mich gewartet......voll süss)
12:15 Wir beginnen mit dem Fotoshooting auf dem Landgut Bocken
13:00 Wir fahren an den See runter um weitere Fotos zu machen inkl. Trinkpause im Seeresti
14:30 Rückfahrt zum Landgut
15:00 Trauung unter freiem Himmel
16:00 Apero
18:30 Beginn Abendessen, Abendveranstaltung (Planung oblag den Trauzeugen)
23:00 Party non stop!

Das Standesamt haben wir einen Tag vorher erledigt.
Die Fotos haben wir bewusst vor der eigentlichen Trauung gemacht, da wir genug Zeit haben wollten und am Apero voll für unsere Gäste da sein wollten. Es war auch super so. Der Apero war ganz relaxed, nach der ganzen Aufregung erstmal was futtern und was trinken und es einfach genissen Braut zu sein!

Meinen Mann hat es zuerst ein bisschen gestört, dass er mich schon vor der eigentlich Trauung sah, wegen der Fotos ging das aber nicht anders.
Die Trauzeugen haben sich dann was schönes überlegt.
Er hat mich ganz romantisch und ganz alleine unter einem geschmückten Efeubogen erwarte .............war sehr speziell und wunderschön. So konnten wir uns erstmal alleine bestaunen und uns geniessen :-)

Viel Spass Euch weiterhin bei organisieren!
Marina

29.11.07 16:47
jovia

nicht registriert

Re: Zeitplan...

Hi Serry

Ich bi äbe nid ganz so zfriede gsi mit em Service dette, drum hed es mich wunder gnu wie's bi dier gsi isch. Das mit de Chefin isch mier ai sehr ufgfalle und bi mier isch sie denn ai nu schlächt druffe gsi glaub ich... na ja...

Hey, deys Chleid tönt schö und irgendwie ai biz ähnlich wie meys . Ha ai en Schleier, han de bim Wicky kaift, isch ganz en eifache weil ich de nur i de Chile und bim Apéro ah han, nachhär wird ich ihn abzieh.

Ha miesse lache weil wo ich mey Schatz mal gfragt han wie er sich mich vorstelli, was für es Chleid, hed är so ziemlich alles anders gseihd als es isch *gröhl* , aber ich bi überzügt är wird mich mega "schön" finde .

Ja, meys Chleid isch scho apasst, resp. hed mers nid gross miesse apasse nur ufenäh, alles anderi isch grad perfekt gsässe - han rächt Glück gha demit. Eigentlich hend mier fast alli Chleider wo ich probiert gha han passt usser äbe i de Lengi. Meinsch du miessisch vill la ändere? Chan mier vorstelle wie gspannt du bisch, wär ich ai, aber wie seihd me so schön: Vorfreude ist die schönste Freude!

Schueh han ich scho, weil ich eh weyssi das Jahr brucht han. Ha die für Fr. 140.00 imene "normale" Schuegschäft in Luzärn (bim Löwecenter unne inne) kaift. Sie sind vore zue, hend en Absatz (aber nid allzu höch) und hinne bequemi Bändel wo vore über de Rist nu krüzt sind. Bi sehr froh dass ich die gfunde han weil sie sind im Preys gsi und wirklich bequem. Wenn ich dich wär würd ich eifach so im Früelig biz go umeluege i de Schuegschäfter in Luzern - vo dene hed es ja einigi .

Dörf ich frage wie alt ier sind und wie lang ier zäme sind? Eifach so us gwunder...

Liäbs Grüässli
Jovia

30.11.07 10:19
serry 
Re: Zeitplan...

HI Jovia

Jo, werds denn au öppe so mache mett de Schueh. Be mer eschs eifach so, dass wenni öppis sueche s eifach ned gfende. Mol luege, es hed jo werklech gnueg Schuegschäfter.... heheheh

D Chefin idem Lade esch werklech ned grad die sympatischti, scho chli eifach ufs Verchaufe us...... aber met ehre hani soscht bes jetz ned grad mega vell ztue gha....

Ech be 29i ond mi Frönd esch 35i
Zäme semmer 5.5 Johr.....

Ond ehr?

LG


Kirchliche Trauung 24.05.08

30.11.07 11:12
jovia

nicht registriert

Re: Zeitplan...

Hi Serry

Das hed eppis, immer wemmer suecht gfindt mers nid, drum han ich mier eifach agwöhnt immer biz umezluege wenn ich amene Ort bi, denn hesch kei Druck und kei Stress und meistens klappt's denn ai irgendwie... ;o)

Ich bi 33i und mey Fründ 30i, kenne tümmer eys zirka 6 Jahr, hend früener im gleyche Gschäft in Luzärn gschafft, aber zäme simmer "erst" sit 2.5 Jahr . Hed bizzli duuret bis mier gmerkt hend dass mier guet zämepassid .

Muesch mier denn säge wenn deys Chleid in Stansstad acho isch, fiebere grad bizzli mit mit dier . Sind ier eigentlich scho weyt i de Vorbereitige?

elg
Jovia

30.11.07 11:48
serry 
Re: Zeitplan...

HI Jovia

Das esch werklech emmer am beschte, wemmer emmer chli d Auge offe hed, bem Lädele.....

Uf de Arbet gfendid sech no vell Pärli ........ hihihiihih
Ech ha mine dor ne Kolleg im Usgang könneglehrt, s esch aber au ned Liebi uf de erscht Bleck gsi hehehehe...

D Vorbereitige send sowiet abgschlosse.....mer fählid no so chlini Sache wie Bluemedeko, s Ässe , Schleier, Strompfband, SCHUEH HIHI ond d Onderlage + Termin förs Zivile
Mi Frönd hed no kei Azog, er luegt erscht nögscht Johr.... (typisch Männer....)
Was i au no am plane be esch ergend en Sänger oder Chor för id Chele

Ehr send glaubi au scho zemmli noche met Organisiere oder??

LG
Serry

Kirchliche Trauung 24.05.08

30.11.07 15:13
jovia

nicht registriert

Re: Zeitplan...

Hi Serry

Ja, mier hend zäme gschafft, also är hed neu agfange und ich bin scho dett beschäftigt gsi, da ich aber dett nu en Fründ gha han simmer eifach Arbetskollege gsi. E Fründin vo mier wo ich ai durs schaffe kenneglehrnt han hed zwar scho vo Afang ah gseihd ich häbi immer es Strahle im Gsicht gha wenn ich vo ihm gredt heygi... .

Mier sind eppe gleych weyt wie ier mit em Organisiere. Um Bluemedeko kümmerid mier eys denn Afang nächst Jahr mal, dänke so im Februar vömmer mal ah umeluege, wissid äbe scho was für Blueme. S'Ässe tümmer Afang April im Hotel bespräche und e Sängeri für Kile suechemer ai nu - mier hend zwar scho en chleyne Chor wo seyni Eltere mitsingid, aber bruchid nu epper wo 2 - 3 "spezielleri" Liäder singid. Isch aber biz es Problem weil alli d'Fahrspese is Oberengadin berächnid und so s'Honorar eigentlich immer verdopplet wird und Fr. 1000.00 oder meh wemmer nid zahle. Hend ier für d'Abe scho en Musig? Mier hend nu es cools Duo vo St. Erhard, die machid lessigi Musig, ai so biz rockiger was eys nu gfallt .

Mey Fründ hed das Jahr en schöne Azug kaift weil sey Brüeder im Aigste ghürate hed und de leihd är denn ai bi eysem Hochzeyt ah, das isch tiptop. Eifach uf ne Krawatte oder en Weste mümmer nu los, machid mier aber erst im Mai. Was hed denn dey Fründ sich für en Azug vorgstellt?

LG
Jovia

30.11.07 15:26
serry 
Re: Zeitplan...

Er weisses sälber nonig was för en Azog er wett.. ech gfende die wochli en Glanz denne hend no mega cool!

die Musiker verlanged eh scho gnueg.. chamer vorstelle dass met de Fahrspese bes is Engadin das ganze sehr tüür wörd cho... ond vo dere Gägend esch dänk schwerig öppis chönne z organisiere, gäu.....?

För am Obe hemmer en DJ bstellt, de esch flexibel ond cha au alles abloh vom Apero bes zom Schloss... ond choschter au weniger als en LIVE-Band. En live-Band esch secher schöner, aber äbe do zahlsch eifach s Dopplete wenn de ganz Obe Musik wotsch...

Was för Blueme wettid ehr denn? ech wett secher öppis met Lilie (send mini Lieblingsblueme )

Kirchliche Trauung 24.05.08

01.12.07 16:25
jovia

nicht registriert

Re: Zeitplan...

Ja, die sind nu cool mit chley glanz, wäri aber nid de Stil vo meym Fründ. Är hed eigentlich ganz en schlichte, schwarze Azug und de stahd ihm ächt guet. Wett denn eifach dass er biz en "spezielli" Krawatte oder Weste aleid, wo ai bizzli glanz dinne hed .

Äbe, die Sängerinne oder Duetts sind scho hie unne rächt teyr, also under Fr. 500.00-600.00 chunsch eigentlich meynes Wissens nache gar niemer über und denn äbe nu die lang Fahrt is Engadin. Nei, leider hed es äbe i dere Gägend gar neyd so für Kile, es hätti scho Alleiunterhalter und so, aber dass wemmer nateyrlich i de Chile nid . Hend ier eych scho für es I- und Uszugsliäd entschiede?

Stimmt scho, en DJ wäri einiges günstiger gsi als en Live-Band, aber da mey Fründ absolut uf Musig stahd isch dass en grosse Wunsch gsi vo ihm und für mich isch das völlig okay, ai wemmer rächt zahlid - liihd aber doch nu bis jetzt alles im Budget .

Mier hend biz spezielleri Blume gwählt wo nid alli Leyt kennid. Sie heissid Anturium. Kennsch die? Es giihd sie ai in verschiednige Farbe, aber mier wettid sie in grüen mit "beige". Eysi Deko wird eh grüen-weyss sie - grüen für d'Hoffnig . Was hend ier so für Farbe i de Deko? Lilie sind ai sehr schöni Blueme.

 1 2 3 4
Alleiunterhalter   wirklich   Nachberortschaft   Traditionelle   Hochziitschleid   Grüässli   Hochzyts-Homepage   Namenstischchärtli   Trauung   meeeeeegaaaschön   Kutsche   eigentlich   Zeitplan   Weddingplanerinne   Kirchliche   wahrschinlech   Abendveranstaltung   Internet-Adrässene   Bluemelade   Samschtignomittag