| Passwort vergessen?
Sie sind nicht angemeldet.  Anmelden
Zeitplan...
 1 2 3 4
03.12.07 10:38
serry 
Re: Zeitplan...

HI Jovia

Mi Frönd stod äbe au ned so uf glänzigi Sache....aber mer gsänd au beidi för ehn donkle Azog, klassisch schwarz oder antrazit gfendi au emmer schön, uf jede Fall werd er kei hellbrune Azog ha, das gfallt üs beidne öberhaupt ned.... hhihiih

I- ond Uszoglied hemmer üs no gar nüüt öberleid, ech dänke s einte werd "O Happy Day" si, das passt no guet, aber soscht hani kei Ahnig...
Hender euch do scho öppis öberleid?

D Blueme stelli mer äbe au grüen-wiis vor, gfende das eifach no en Edli Kombination, met Perlerli ond Glassteindli ufem Tesch. Das mett de Lilie bem Ässe muessi äbe nomol öberlegge, well die äbe en rächt starche Dorft vo sech gänd, ond bem ässe weissi äbe ned öb das denn guet esch, soscht werdi d Lilie secher ide Chele ha......

LG
Serry
Kirchliche Trauung 24.05.08

03.12.07 14:28
jovia

nicht registriert

Re: Zeitplan...

Hi Serry

Ja, gfinde dunkel eifach ai biz eleganter und "edler", v.a. für es Hochzeyt. Mey Schatz isch äbe susch nid wirklich en Azug-Träger, hed nur grad de einti hihihi. Mier gfallt äbe bruin bzw. beige ai nid wirklich so. Also bruin eigentlich für en Azug gar nid und beige find ich okay, aber nid als Brüütigam.

Definitiv wissid miers ai nid, also ich finde "Amazing Grace" superschön wenn's guet gsunge isch und "Das Beste" vo Silbermond wettid mier ai nu ghöre. Uszugsliäd wüssid mier nu gar nid, eventuell eppis vo Bon Jovi :o), de passt mier... hihihi

Ja genai, mier wettid ai nu biz mit Perle eppis mache. Das mit de Lilie stimmt, de Duft isch doch sehr starch und je nachdem vertreihds halt ächt nid jede Gast. Aber es gihd ja afigs soooo vill schöni Blueme, dass ier sichtig nu eppis schöns gfindid. Hend ier scho en Bluemelade usgsuecht vo wo ier Blumedeko wettid ha? Mier hend zwei zur Uswahl und göhnd denn mal go Offertene ihole und bizzli vergleyche.

Hend ier eigentlich d'Iladigscharte scho verschickt? Mier sind dra am umeluege, wettid sie im Januar verschicke, da mier ja im Summer während de Feriezeyt hüüratid wettid mier dass alli rächtzeytig Bscheid wissid :o).

Hend ier ai immer nu kei Sängeri für Kile? Hätti susch paar Internet-Adrässene wenn willsch.

Liäbs Grüässli
Jovia

03.12.07 16:22
serry 
Re: Zeitplan...

Liebi Jovia

Ech ha zwöi zor Uswahl: music4you.ch oder de Gospelchor vo Horw. Die sengid das Wocheändi en Horw ond en Kriens ide Gallus-Chele. Die heissid feel the spirit.. jetz gohni mol go luege, öb das no öppis wär zom bueche, die wärid au chli gönschtiger als die vo music4you aber sie sengt äbe mega schöne. Jo s Lied amazing grace daf be üs au ned fähle... gfendi au mega!!. Ond s Ave Maria wetti au debi ha, wo äbe de Gospel-Chor vo Horw wahrschinlech ned sengt... mol luege..
Musik vo Silbermond ond au Rosenstolz gfallt mer au sehr guet..

Mer hend äbe grad am Weekend en Diskussion gha wäg Sänger ide Chele.... mi Schatz gfendets sehr sehr tüür för nes paar Liedli... hed jo scho rächt, aber ech wett ned druf verzechte... ha denn au beschlosse dassi uf kei Fall meh Gaschtgschänk mache, deför mer de Musik ide
Chele leischtid.. mache nor d Mandle....

Stemmt, es ged velli schöni Blueme, muess mol luege was denn öberhaupt Saison esch. Wägem Bluemelade esch de Suter vo Emmenbrücke no bekannt, macht schöni Sache. Ond ech froge mol imene Lade en Chriens ah, woni emmer go go Strüssli chaufe... sie macht au emmer schöni Gsteck... Ond ide Lade goni au gärn, well det öberall Elfe ond Ängeli omestönd, esch mega härzig.... hihihii

Luegsch du au do omenand för Floreschte?

D Iladigschärtli hani scho Ändi September verscheckt... mega früeh, aber has nömm chönne erwarte, das Zügs z verschecke...ihihhii
Ech wörd au dini chärtli em Januar verschecke, das esch en guete Ziitponkt, denn send d Fäschttäg verbii ond si chönt sech scho weder uf nes neus Fäscht istelle em Sommer !!!
Ond ehr hürotid jo ide Sommerferie, denn esch es sowieso ned zfrüeh zom verschecke....

Wönsch der en wonderschöne Obe!!

LG
Serry
Kirchliche Trauung 24.05.08

04.12.07 10:35
jovia

nicht registriert

Re: Zeitplan...

Guete Morge Serry

Ja, uf de Homepage vo music4you.ch bin ich au mal go inelose - die singid ächt meeeeeegaaaschön . De Gospelchor vo Horw kenn ich gar nid, obwohl ich mal z'Horw gwohnt han... .

S'Ave Maria isch ai mega schön. Mier hend äbe dur de Chor wo mier afigs hend (wo d'Schwiegereltere mitsingid) scho biz traditionelli Chile-Liäder in Deytsch und Romanisch, was mier wirklich guet gfallt. Und jetzt wemmer nu 2 - 3 Liäder wo biz moderner sind. Uf jede Fall muess "Das Beste" vo Silbermond debey sey, weil das isch biz "eyses" Liäd .

Das isch halt eifach so, meh muess immer vor- und nachegäh anere Hochzeyt weil s'finanzielle eifach ai immer en Rolle spielt, isch ja ai normal. Aber eyche Kompromiss find ich doch sehr glunge, denn hend beidi eppis devo.

Ou, ich liäbe Ängeli im Fall . Ha sälber einigi i allne Forme und Farbe bi mier dihei und gfinde das megaschön - de Bluemelade würdi mier sicher guet gfalle . Mier hend zwei Bluemeläde zur Uswahl. Eine isch direkt in Pontresina wo mier hüratid, hed immer schöni Strüss, aber bi nid sicher öb's ai biz originell sind und de ander isch i de Nachberortschaft Samedan wo biz tüürer isch, aber glaub ich äbe biz kreativer. Müend denn mal beidi biz go aluege und düreschneugge. Ihc bi äbe nid wirklich so de 08/15-Typ bi bstimmte Sache...

Hey, hend ier eigentlich e Kutsche oder e Limousine oder so als Bruutauto? Kutsche oder Limo wäri äbe gar nid eyses Ding. Mier chönnd jetzt s'Auto vo meym Papi ha - das isch meeeeegaaaaa schön . Wenn das nid klappt hätt, hättid mier eifach i meym Fründ seys gnu, das wäri ai tiptop gsi.

Ah äbe, ier hends scho verschickt - han ich fast dänkt, weil bi eych gahd es ja nimme soooo lang... . Ja gäll, ha mier äbe ai die Überlegige gmacht und hend eys drum für de Januar entschiede.

So, jetzt isch grad mey Fründ ufgstande... är isch äbe im WK und hed jetzt grad Urlaub . Mal luege was mier hütt nu so machid...

Wünsche uf jede Fall en superschöne Tag!

Liäbs Grüässli
Jovia

04.12.07 11:08
serry 
Re: Zeitplan...

HI Jovia

ech gfends guet, dass er näb de Traditionelle Lieder auchli öppis Moderns a Musik ide Chele drinämid. Wetts äbe au chli so mache.

Offertene esch scho no wechtig, dass mer die ineholt.
Ech ha au no gärn moderns Zügs, wobi ech au uf schlechti ond eifachi Sache stohne.....

Jo mehr hend en Kutsche. Ech ha mega gärn Rösser ond Kutsche esch för mech mega romantisch. Aber die werd üs gschänkt, soscht hätti sie wahrschinlech au ned bstellt, well die send nämlech au so öberresse tüür.. hmhmmh aber ech dänke zom id Chele fahre gohni au nor met mim Vater em Auto dethi. Mini Schwögeri hed zwar gmeint, ech sell mett de Kutsche vom Obernau bes id Stadt fahre... aber ech chom mer denn scho chli usgstellt vor, so ohni Ma uf de Siite.. heheh ond zodem hätti eh kei Närv, weisch wie lang hesch do bes ide Chele vom Obernau...hahahha...

Limo gfallt mer au ned.... gfend au wenn öpper es schöns grosses Auto hed ide Familie denn esch das au super. Mer gfallid die dekorierte Autos met Blueme au mega guet....!!

Ha geschter grad erfahre, dass vo minnere Siite 9 Persone vo Italie chömid. Freu mi riisig !! Au wenni zwar jetz chli i Stress inechome, well zom Teil schloffeds äbe au be üs dehei... hoffe ha denn gnueg närve.... chasch der jo vorstelle....

Hey, ech wönsch der en wonderschöne Tag mett dim Schatz...

LG

Serry
Kirchliche Trauung 24.05.08

04.12.07 11:16
serry 
Re: Zeitplan...

Zitat:



HI Jovia

ech gfends guet, dass er näb de Traditionelle Lieder auchli öppis Moderns a Musik ide Chele drinämid. Wetts äbe au chli so mache.

Offertene esch scho no wechtig, dass mer die ineholt.
Ech ha au no gärn moderns Zügs, wobi ech au uf schlechti ond eifachi Sache stohne.....

Jo mehr hend en Kutsche. Ech ha mega gärn Rösser ond Kutsche esch för mech mega romantisch. Aber die werd üs gschänkt, soscht hätti sie wahrschinlech au ned bstellt, well die send nämlech au so öberresse tüür.. hmhmmh
aber ech dänke zom id Chele fahre gohni au nor met mim Vater em Auto dethi. Mini Schwögeri hed zwar gmeint, ech sell mett de Kutsche vom Obernau bes id Stadt fahre... aber ech chom mer denn scho chli usgstellt vor, so ohni Ma uf de Siite.. heheh ond zodem hätti eh kei Närv, weisch wie lang hesch do bes ide Chele vom Obernau...hahahha...

Limo gfallt mer au ned.... gfend au wenn öpper es schöns grosses Auto hed ide Familie denn esch das au super. Mer gfallid die dekorierte Autos met Blueme au mega guet....!!

Ha geschter grad erfahre, dass vo minnere Siite 9 Persone vo Italie chömid. Freu mi riisig !! Au wenni zwar jetz chli i Stress inechome, well zom Teil schloffeds äbe au be üs dehei... hoffe ha denn gnueg närve.... chasch der jo vorstelle....

aber freu mi tierisch dassi chömid, so werds Hochziit perfekt !! yupeee

Hey, ech wönsch der en wonderschöne Tag mett dim Schatz...

LG

Serry
Kirchliche Trauung 24.05.08




Kirchliche Trauung 24.05.08

05.12.07 14:43
jovia

nicht registriert

Re: Zeitplan...

Hi Serry

Ja genau, modern und traditionell gmischt isch eys scho ai nu wichtig. Aber äbe, für eys isch vorallem i de Chile s'traditionelle scho ai sehr wichtig. Drum hend mier under anderem ai en Chor vom Oberengadin i de Chile.

Dänke ai, dass ich persönlich nid vom Obernau bis i Kile allei i de Kutsche würd welle sey... meh fühlt denn doch biz allei uns usgstellt zugleych dänk ich .

Ja, und mey Vater hed äbe ächt es schöns schwarzes Aito und denn das mit weysse Bänder und chleyne Bluemstrüssli gschmückt stell ich mier superschön vor .

Hey, freut mich für dich dass paar Leyt vo Italie chemid. Bisch du demfall Italieneri? Dey Fründ ai? Familie isch halt a dem Tag sowieso absolut wichtig find ich.

Liäbs Grüässli
Jovia

06.12.07 10:50
serry 
Re: Zeitplan...

HI Jovia

Ech be zor Helfti Italiäneri. Mammi esch Schwizeri ond Vater Italiener.
Mim Frönd sini Eltere send beidi Italiener. Aber mer send do gebore ond ufgwachse.....

ha au mega freud, dass es paari vo donde chömid......

leisch du au es Strompfband ah? hesch es emene Bruutlade kauft?
ond bstellsch du för d Trauzügin au es Strüssli?

LG

Serry
Kirchliche Trauung 24.05.08

06.12.07 21:28
jovia

nicht registriert

Re: Zeitplan...

Hoi Serry

Ah so... hey, de gihd es sicher es richtigs Chäferfäst . Italiener sind ja fürs fiire bekannt . Minere zuekünftig Schwägeri de Ma isch au Italiener und dett isch es am Hochzeytsfäst rächt abgange .

Ja, ich legge ai es Strumpfand ah, ha das im Bruutmode Wicky kauft - isch blau und hed glaub Fr. 26.00 kostet. Wett äbe die Tradition was Altes, was Neues, was Geborgtes und was Blaues iihalte... smile

Nei, meyni Trauzüügin hed keis Strüssli. Ha sie mal gfragt (isch meyni Schwe) aber sie wett das ai nid. Usserdem hed sie gnueg zum Umeträge a meyne Sache wie Schminki, Haarspray usw. grins

Hey, hesch du eigentlich ai en Hochzyts-Homepage? Ha grad hütt Abe eini gmacht... isch nu lessig

Liäbs Grüässli
Jovia

07.12.07 08:52
serry 
Re: Zeitplan...

HI Jovia

Nei ha kei Homepage erstellt. Ha au scho öberleid, aber ergendwie ha kei Lotsch kitschigs Zügs z schriibe..... hihihihi
mol luege, viellecht überchonts mi glich no
ou denn muesch mer onbedengt säge, wini i dini Homepage inechome...
smile.....

LG

Serry


Kirchliche Trauung 24.05.08

 1 2 3 4
Namenstischchärtli   Hochzyts-Homepage   Traditionelle   Trauung   Nachberortschaft   wirklich   Alleiunterhalter   Weddingplanerinne   Hochziitschleid   meeeeeegaaaschön   Kirchliche   Kutsche   Internet-Adrässene   eigentlich   Bluemelade   Grüässli   Abendveranstaltung   Samschtignomittag   Zeitplan   wahrschinlech