| Passwort vergessen?
Sie sind nicht angemeldet.  Anmelden
Zeitüberbrückung
 1 2 3
26.01.07 19:31
Miri 
Zeitüberbrückung

Hallo Ladies
bin zum ersten mal hier.
wer kann mir helfen? ich heirate am 9.6.07. eigentlich wollten wir erst im september heiraten. aber wir "mussten" es vorverschieben da die eltern meines zukünftigen nicht in der schweiz leben und im juni zu besuch kommen.
die zivile trauung findet um 10.00 uhr statt, die kirchliche um 12.00 uhr, anschliessend der apéro bis ca. 15.00 uhr.
nun haben wir noch keine idee was wir zwischen dem apéro und dem abendessen (ca. 18.00 uhr) machen sollen.
hat jemand eine gute idee?
vielen dank im voraus und liebe grüsse

26.01.07 19:46
cheesy 

Re: Zeitüberbrückung

Hallo miri.

Mir überlöh sehregi Zit spannine vou u ganz dä Trouzüge. Dieä söuä sich da chli betätige.

Zivil 23.4.07/ Chirchlich 19.5.07

26.01.07 19:53
Miri 
Re: Zeitüberbrückung

Hallo Cheesy
Eusi Trauzüge händ no kei Ideä gha und ich weiss eifach nid, obi das am Zuefall söll überlaa
Händ ihr dä Trauzüge gseit, dass sie das müend mache?
Oder gönd ihr dävo us, dass sies werdet mache?

Liebi Grüess

26.01.07 20:02
cheesy 

Re: Zeitüberbrückung


Mir he jnid so grossi Zyte wo si müesse überbrügge. Mir hei näs gseit si sige für das zueständig.
Kollegin vo mir het uf dr Fahrt zum Z Nachtässe no müesse ga kömerle u Velo fahre.
Zivil 23.4.07/ Chirchlich 19.5.07

26.01.07 20:21
Teenspirit 

Re: Zeitüberbrückung

Hoi Miri,

Wo düend ehr denn gnau hürote? Mer händ au en rächt e langi Aperoziit und da mer ufemene Schloss düend hürote organisiered mer i dere Ziit en Schlossfüehrig för die wo wänd. De gids no en Ballonwettbewerb und denn hämmer no polaroidkameras, wo sech d lüüt vorzue chönd is Gäschtebuech iträge. E.v. möche mer no so es Kännelernspeli denn. Aber das send eigentlich au eusi idee gsieh, d.h. eusi Trauzüüge send bes anhin rächt passiv

PEACH & ANI heiraten am 28.07.2007

26.01.07 20:31
Manon 

Re: Zeitüberbrückung

Hoi Miri,
Mir zum biespiel hürote immene garte und d'gäst händ möglichkeit zum der riesigi garte zerforsche. het au es labyrinth und so.

e ballonwettbewäb oder photeli session isch au immer ganz lessig


C & K in Love - 27. Juli 2007

26.01.07 21:10
Miri 
Re: Zeitüberbrückung

Mir hüratet in Rapperswil im Schloss und di kirchlich Trauig findet dänn in Jona statt. Dä Apéro gits dänn ufem Chileplatz. Gönd morn nomal alles go aluege . Das mitem Gästebuech vor Ort findi ä super Idee. I welem Schloss hürated ihr? Gaht eus bis jetz gliech mit dä Trauzüge. Viellicht chunt das ja no...
Wow, im Garte.. Isch sicher au sehr schön *träum*

26.01.07 21:21
Manon 

Re: Zeitüberbrückung

jo nur wenn wätter nit mitspielt isch es schad!

ich wart immer no uffs ok vom pfarrer wo mi als kind au tauft het, damit unsere daag und au trauig perfekt isch.

link: http://www.landhaus-ettenbuehl.de/

chasch jo mol go aluege...

C & K in Love - 27. Juli 2007

27.01.07 07:56
Miri 
Re: Zeitüberbrückung

Soo schön, hoffe, dasses klappt mitem Pfarrer und ihr en unvergässliche Tag werdet ha. Dä Garte gseht würkli traumhaft us.

liebi Grüess

27.01.07 11:45
Teenspirit 

Re: Zeitüberbrückung

Mer hürote uf Schloss Heidegg, das isch am Baldeggersee:

www.heidegg.ch

de Apero isch ebe au imne Rosegarte und mer möched denn wohrschinli d Fotisession, wenn di andere gönd gos Schloss aluege


PEACH & ANI heiraten am 28.07.2007

 1 2 3
Untärhaltig   churzfristig   S`TRAUMHOCHZEIT   landhaus-ettenbuehl   Kännelernspeli   Zeitüberbrückung   Schlossfüehrig   vorverschieben   funktionieren   Trauzüge   karinundstefan   polaroidkameras   hammärmässig   Ballonwettbewerb   unvergässliche   Baldeggersee   ballonwettbewäb   Gäschtebuech   organisiered   anschliessend