| Passwort vergessen?
Sie sind nicht angemeldet.  Anmelden
Zu- bzw. Absagen
 1
13.08.07 17:59
Meyka 
Zu- bzw. Absagen

Wir heiraten am 31. August 2007- also in genau 18 Tagen

Im Moment bin ich voll im Vorbereitungsstress..... und total genervt!!!

Zwei Pärchen haben noch immer in keiner Form auf unsere Einladung zur Hochzeitsfeier reagiert
Da wir in einem etwas "luxuriösem" Rahmen heiraten wäre das Hotel langsam aber sicher froh wenn es die defintive Personenzahl von uns mitgeteilt bekäme....

Was soll ich tun? Die betroffenen Personen anrufen und fragen, ob sie gedenken zur unserer Hochzeit zu kommen?
Oder soll ich mittlerweile davon ausgehen, das sie schlicht und ergreifend nicht kommen und nicht mehr nachfragen?

Merci!

13.08.07 21:34
Panya

nicht registriert

Re: Zu- bzw. Absagen

Hallo Meyka,
oje, das isch uh schad, gäll. Schliässlich freut mer sich und hät au megaviel mit vorbereite ztuä und wänn sich dänn zwei eifach nöd mälded, isch das mega müähsam.
Aber ich würd uf jedäfall nahfröge. Chunt halt vilicht au no drufa, wiä wichtig Dir diä lüt sind. Aber im dümmste Fall, chöntis ja au sii, das ev. eini oder au beid Iiladige uf dä Post untergangä sind, das weiss mer ja niä. Dänn würs dich nachan sicher reue, wänn nöd gfröged hettsch.
Bi eus händ sich zum Glück all für d'Fiir agmulde. Nur bi dä Aperogäst häts au chli gharzed, det hani dänn au nahgfröged. Bi dänä isch halt dä Amäldetermin eifach untergangä.
Viel Glück und no ä schöni Vorbereitigsziit. Gäll es nöched megaschnäll!

Mir hürated am 07.09.07 zivil + 15.09.07 kirchlich

14.08.07 12:57
hasi 
Re: Zu- bzw. Absagen

mir hen dr termin für d'ameliga öba 1 1/2 mönet vor dr hochzit ka. und es hen sich bi üs o ned alli gmolda ka. des het üs aso gnervt. denn sind schwiegereltra dera sach nocha ganga und denn het uf zmol funktionert ka. si hen halt ganz klar gset ka, ma möss sich jetzt a- oder abmelda. es isch o müahsam für s'restaurant wenn ned gschied säga kasch, wiaviel lüt ma isch. i finds o a absoluti frechheit am brautpaar gegaüber.
bim apero hets o ned aso recht funktionert ka mit da ameldiga aber des ka ma noch eher regla...

14.08.07 16:47
Annette 
Re: Zu- bzw. Absagen

Salüchen

Ich würdi umbedingt rasch telefonisch nochefröge bi dene zwei Paar! Am beste à la "händer allefalls d Iladig vergässe z beantworte"?

Will: mir händs genau au so gha, und sind beleidiget gsi, dass die sich nid melde, und händ zum Glück nochegfrögt... mer händ jo zersch gar nüt wele underneh... und stellet Eu vor: die sind au beleidigt gsi, will si gmeint händ, si siged als einzigi nid iglade!!!

Post het also vo Eusne 90 Iladige zwei verschlampt. Voll wohr!

Es Grüessli

07.11.07 16:46
Sued78

nicht registriert

Re: Zu- bzw. Absagen

Salü zäme

Heit ihr fürs Apéro au A-, bzw. Abmäldige gmacht? Mir si noni sicher, öb das dört au nötig isch. Aber euses Apéro wird nach Persone abgrächnet und schiins müesse mir denn dört chli luege, dass die ned z'viel schütte bi de Getränk, süst zahle mir denn grad mol für 10-20 Persone meh als dört gseh sind. Wetti das ebe chli unter Kontrolle ha, vorallem finanziell. Isch scho klar, dass das ned immer goht, aber 20x 15.- isch doch au weder en Betrag.

Danke für euchi Antworte.

Wir heiraten am 28.06.08 auf Schloss Habsburg

07.11.07 21:07
jovia

nicht registriert

Re: Zu- bzw. Absagen

Hoi!

Also mier machid kei A- und Abmäldige fürs Apéro, ha das ai nu nie miesse mache wenn ich iglade worde bi - isch glaub ich nid üblich. Mier gibid im Restaurant eifach d'Azahl Persone ah wo mier iladid und wo mier vermuetet die chämid und zahlid pro Person glaub ich ca. so Fr. 17.00 im Schnitt. Mier zahlid aber nach Verbruich.

Grüässli


29.02.08 / 19.07.08

 1
Hochzeitsfeier   vorbereite   Absagen   nochegfrögt   betroffenen   verschlampt   Vorbereitungsstress   untergangä   Vorbereitigsziit   schwiegereltra   nochefröge   telefonisch   heiraten   funktionert   restaurant   Amäldetermin   Personenzahl   Schliässlich   mittlerweile   megaschnäll