| 2 mal flittern |
|
|
1 2
|
Cesy  am 30.05.2009
2 mal flittern
Hallo mitenand!
Mir hend üs dä Luxus gönnt und werdet üs direkt nochem Hochziit im Hotel e Suite für 1 Nacht leischte. Nocher gömmer für 1 Nacht hai und denn mitem Auto dur Österreich. Saalfelden, Wien, Neusiedlersee und Salzburg stönd ufem Programm. Ca. 10 Täg simmer unterwägs.
Im Januar 2010 flügetz mir denn miteme Stopp in Dubai noch Neuseeland. In Christchurch startet mir, döt nämet mir denn dä Camper lueget d'Südinsle a. Nocher gömmer uf d'Nordinsle und gänd in Auckland dä Camper wieder ab. Insgesammt simmer 5 Wuche wäg, mir freuet üs riesig. Isch scho lang en Traum vo üs. ;)
Isch öpperd vo eu au scho gsi? Wenn ihr Tipps hend, was mä in Neuseeland unbedingt mue gseh ha unbedingt sägä ;)
LG Cesy
______________________________________________________________
Menschen sind wie Engel mit nur einem Flügel, um fliegen zu können müssen sie sich umarmen.
Gemeinsam fliegen wir unserer Zukunft entgegen 03.07.09 & 11.07.09
|
|
|
aschera  am 31.05.2009
Re: 2 mal flittern
wow super schön neuseeland! genial bi vor 12 jahr mau es jahr dert gsi troumhaft.... und es git so mega viel schöni sache wome unbedingt set gseh!!
lg aschera
mir hürate kirchlich am 15. august 2009
|
|
Sunshine nicht registriert am 31.05.2009
Re: 2 mal flittern
@Cesy
So cool  Üsi Flitterwuche gsäched ähnlich us. Mir flüged im November uf Auckland, übernehmed döte en Camper und gend en vier Wuche spöter z Christchurch ab. Nochene machemer no en Zwüschestop uf Fijdi.
Cha der viellicht nochene brichte, wa unbedingt muesch aluege
lg
|
Hestia am 01.06.2009
Re: 2 mal flittern
Finds lässig, dass es da im Forum au Lüüt git, wo die glich Idee gha händ was d'Flitterwuche abelangt. Mir flüged im Dezember 09 für 4 Wuche uf Neuseeland. Und nachher no für 1 Wuche uf Fiji.
Mir freued eus scho riesig uf die Ferie, obwohls no äs ziitli gaht.
lg
Zuletzt bearbeitet am 01.06.2009
|
|
Sunshine nicht registriert am 01.06.2009
Re: 2 mal flittern
@hestia I weles Hotel gönder uf da Fijdi? Isch würklich witzig, das es no me mit ere ähnliche Reis git
Bi üs gots no 21 Wuche und 5 Täg bis mer abflügid...
lg
|
Hestia am 01.06.2009
Re: 2 mal flittern
Hey sunshine
Mir gönd is Likuliku Lagoon Resort uf Fiji. Und Ihr? Mir tuänd in Neuseeland au än Camper miete, aber mir startet in Christchurch und fahred dänn uf Auckland. Genau die umgekehrt Reihefolg wie ihr.
Gruess Hestia
|
|
Sunshine nicht registriert am 02.06.2009
Re: 2 mal flittern
Mir gönd is castaway island resort. da uf castaway island, e klini Insle bi Fiji. Mir reisid vo Auckland uf Christchurch, wil halt bi üs no Früehlig isch und d'Nordinsle isch wärmer...
Wenn hüroted denn ihr? Mir hüroted am 26.6.09 zivil und am 4.7.09 kirchlich.
lg
|
Hestia am 04.06.2009
Re: 2 mal flittern
Hey Sunshine
Das isch ja cool. Mir hüratet au am 26.06.2009 zivil und am 04.07.2009 kirchlich.
Mir händ eus entschiede, dass mir in Christchurch afanged, da die meiste ebe vo Auckland us startet. Dä Camper isch chli billiger, da die meiste dä Camper in Christchurch abgebed und irgendöpper muäss die ja wieder uf Auckland bringe.
Vo wo chunsch Du? Ich wohne i dä Nächi vo Winterthur.
Gruess Hestia
------------------------------------------------------------------------------
Der Liebe zu begegnen ohne sie zu suchen,
ist der einzige Weg sie zu finden.
Zivil am 26.06.09/ Kirchlich am 04.07.09
|
Cesy am 04.06.2009
Re: 2 mal flittern
Hallo mitenand
He do het sich jo grad was tue ;)
@ sunshine
Jo eh über Tipps würdet mir üs mega freue, es mues jo soooo viel schöns geh in Neuseeland und mir hend jo "nur" en Monet Ziit.
@ all
hend ihr eui Route scho planet? Mir werdet üs e grobi Route vorplane, das mir au d'Ziit und d'Längi vo de Streckene so ungefähr wüsset.
Gits eigentlich irgend es Buech oder e Lischte wo die einzelne Campingplätz ufgfüert und beschriibe sind? Das wär glaub no hilfriich ;)
______________________________________________________________
Menschen sind wie Engel mit nur einem Flügel, um fliegen zu können müssen sie sich umarmen.
Gemeinsam fliegen wir unserer Zukunft entgegen 03.07.09 & 11.07.09
|
|
Sunshine nicht registriert am 04.06.2009
Re: 2 mal flittern
@hestia
i chume vom St. Galler Rhintal. Da isch jo mega witzig, glichi Datene, ähnlechi Hochzitsreis 
Bisch au langsam e kli nervös?
@cesy ganz en grobe Plan händ mir, aber mir planed denn gnäuers noch üsem Hochzit. Immer eis nochem andere.. aber das wäge da Campingplätz wär würklich no hilfrich, do wäri au froh um en Tip.
lg
|
|
|
1 2
|
Anmelden
