| Kennt öpper "Kuschelhotels"? |
|
|
1 2 3 4
|
|
jovia nicht registriert am 28.02.2008
Re: Kennt öpper "Kuschelhotels"?
@cannella:
Hesch übrigens ganz es härzigs Föteli hie inne 
29.02.08 & 19.07.08
|
|
|
cannella  am 01.03.2008
Re: Kennt öpper "Kuschelhotels"?
@ Jovia:
Das glaub ich ja ned!!!! Mier wärid au denn dett!! Mier sind üs jetzt äbe no am überlegge, öb mier würklich scho am Sunntig sellid areise... wär halt irgendwie scho chli en stress, wemmer erscht grad am Samschtig ghürate hend. Aber süsch chömmemer de öppe am Zischitig oder so, de wür ich säge, dass mier üs sicher triffid Dank HP's und so, wüssid mier ja, wie mier usgsend *smile*
Und wie henders geschter gha? Ha es paar mal a üch dänkt.
Es liebs Grüessli us de stürmische Davoser Bärge
cannella
ps. Merci für's Föteli-Komplimänt
|
Angie13 am 03.03.2008
Re: Kennt öpper "Kuschelhotels"?
Hallo zusammen
Kennt jemand ein mega kuscheliges Romantik-wellness hotel im Schwarzwald?
Ich freue mich auf eure Antworten.
Lg
Mir hüratet am 06.06.2008
|
|
jovia nicht registriert am 05.03.2008
Re: Kennt öpper "Kuschelhotels"?
@cannella
 das isch ja en Zuefall!!!! Chan ich mier vorstelle dass es diräkt am Tag nach de Hochzeyt rächt stressig wäri grad zum abreise - das isch eppis wo ich nid hätti welle, aber da isch ja jede andersch. Da ich jedoch weiss dass es bi eysem Hochzeyt sicher u spaht bzw. u früeh  wird wärde würd ich mier glaub ich en Abreis am nächste Tag nid atue .
Danke, mier hends super gha am Freytig. Hend en total lessigi Standesbeamtin gha und ai s'Fästli nachhär isch tiptop gsi - uf eysere HP hed es Föteli devo under "Ziviltrauung"  , chasch ja mal go driluege wenn Zeyt und Lust hesch.
Bisch lang in Davos?
Liäbs Grüässli vo de Ehefrau Jovia 
29.02.08 & 19.07.08
|
cannella am 05.03.2008
Re: Kennt öpper "Kuschelhotels"?
@ jovia
Ja, bi üs wirds sicher au spaht wärde.... drum wirded mier wahrschindlich würklich erst spöter Abreise. Mier hends aber nonig definitiv entschiede und usdisskutiert. Mal luege, was mer definitiv möchid.
Die Föteli gsehnd würklich us, als hätted iehrs am Friitig guet gha. En cooli Standesbeamtin isch viel wärt! Mier hend de Vorteil, dass mier scho wüssid was üs erwartet, da zumindescht ich sie scho sitt 10 Jahr känne. Sie isch s Mami vo mim allererschte Fründ ;-) und ich weiss au, wie sie en Trauuig abhaltet, da sie vor 3 Jahr mini Eltere (Mam & Stiefvater) trauut hed und ich und mini Schwöschter Trauzüüginne gsii sind.
Ja, mache momentan quasi d Saison z Davos. Ich ha vor drüü Jahr die ganz Wintersaison i de Jatzhütte am Jakobshorn gmacht und chumme irgendwie nümm devo los  De Winter bini erscht a de Wiehnacht bzw. im Februar so richtig igstiege, will ich im "Underland-Gschäft" viel Ziit zum kompenensiere ha. Dänkt wär gsii bis a Oschtere, aber jetzt bliib ich wahrschindlich bis Ändi Saison, da mittlerwile d Firma churz vor em Konkurs isch...
Liebs Grüessli vo de Schneebar-Frau Cannella
|
|
jovia nicht registriert am 06.03.2008
Re: Kennt öpper "Kuschelhotels"?
@cannella
Ier hend ja ai nu bizzli Zeyt zum überlegge wie ier's möchid und wenn ier wehnd gah. Eifach nu en Tipp: Wenn ier s'Hotel denn wirklich buechid würd ich grad Behandlige (Massage usw.) mitbueche - die vom Hotel hend eys dass nöchgleihd weil's susch eventuell kei Termine me heygid wenn me erst vor Ort welli eppis reserviere.
Stimmt ja, hesch ja mal gseihd dass du amigs in Davos bisch. Isch sicher superschön momentan dette, obwohl ich ehrlich gseihd vom Winter gnueg han und mich uf de Früehlig und de uf de Summer freue . An Ostere hemmer denn aber ai wieder Schnee im Oberengadin...  .
Isch immer guet wemmer d'Standesbeamtin kennt. Mier hend sie ja erst 1 Monet vor eysere Hochzeyt kenneglehrnt, hend aber denn scho en superguete Idruck vo ihre gha. Schlimmste für eys wäris nämlich gsi, so en richtig stiefi, trochni Trauuig ohni wirklichi Emotione...
Hey, de gniess d'Aprés-Ski-Gäst und PROST! 
29.02.08 & 19.07.08
|
cannella am 06.03.2008
Re: Kennt öpper "Kuschelhotels"?
@ jovia
Jupii, mier hend au buechet!
Nachdem ich ihne mitteilt gha han, dass es üs echli stressig wird, grad nach em Hochziig am Sunntig zu inne z fahre und ich nachemene evt. andere Spezialagebot gfragt han, hend sie üs das coole Agebot churzerhand au vom Mäntig bis Friitig abote, das bi üs grad würklich d Flittertäg so churz nach em Hochziig sind! *ganzfeschtfreu*
Die zuesätzliche Awändige tüemmer jetzt no in Rueh ussueche und de au no grad bueche. Was möchid iehr no alles?
Es liebs Grüessli (grad us em Underland )
Cannella
Editiert 06.03.08
|
|
jovia nicht registriert am 08.03.2008
Re: Kennt öpper "Kuschelhotels"?
@ cannella
Hey, dass isch ja ächt flott vo dene dass ier das Agebot ai so hend chenne bueche. Isch ai sicher besser so denn hend ier de Sunntig nu zum usschlafe und gniesse .
Mier hend nid allzuvill zuesätzlich nu buecht weil meh hed ja nu en Whirlpool im Zimmer und denn wemmer ai biz usem Hotel uhse... . Hend nu je ei Behandlig für ihn und für mich und eini zäme - so es "Härzblatt-Agebot" isch dass glaub ich. Usserdem chamer ja s'übliche Wellnessagebot mit Pool usw. ai nutze. Mal luege wie dass denn wird - mier sind ja ehrlich gseihd nid so die grosse Romantiker .
Wie oft bisch denn du amigs in Davos? Immer am Wucheänd?
29.02.08 & 19.07.08
|
cannella am 08.03.2008
Re: Kennt öpper "Kuschelhotels"?
Salutti Jovia
Ja, finde das au mega lieb vo dene! Freued üs uf jede Fall jetzt scho mega!! (Mier sind äbe eigentlich bedi chli Romantiker, mis Manndli fascht no meh als ich..) Irgend so en Massag oder so öppis wettid mier de scho no dezue... mal luege, was mier de no machid. Sind im vorletschte Summer au imene Wellness-Hotel gsii und hend eifach alli Behandlige erst so ab em vieri buechet, so hesch näbebii doch no rächt viel Ziit zum öppis anders mache. Nur im Hotel höckle wämmer nämli au ned, au wenns no so schön isch
Ich bi eigentlich 5 Täg i de Wuche z Davos und muess aber am Mittwuch immer is Underland cho, damit ich s Training für mini Meitli cha gäh, cha die ja ned eifach bis Endi April hange lah...
Es liebs Grüessli (jetzt wieder us Davos *grins*)
|
|
jovia nicht registriert am 11.03.2008
Re: Kennt öpper "Kuschelhotels"?
@cannella
Ja, nur im Hotel umesitze wend mier nateyrlich ai nid, aber eifach biz gmietlich näh und ja nid umestresse . Für eych Romantiker wird das Hotel sicher de absolut Traum sey, mier hoffid dass mier nid vo allzuvill Roseblätter, Härzli, leyse Tön usw. "erschlage" wärdid .
Ah so, denn fahrsch amigs am Sunntig Abe oder Mäntig morge los, Mittwuch wieder abe, denn wieder uhfe... isch ja scho immer nu en Strecki, oder? Wie lang hesch amigs, so 2 Stund scho, oder?
Also demfall, VIVA
29.02.08 & 19.07.08
|
|
|
1 2 3 4
|
Anmelden
