Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Honeymoon    ›   Flittern in der Südsee (Franz. Polynesien)
Flittern in der Südsee (Franz. Polynesien)
 1 2 3 4 5 6
marsai

nicht registriert

am 22.07.2013

Re: Flittern in der Südsee (Franz. Polynesien)

I 3 mönet... tönt no lang - aber e rede mir ih dases gar nüme so lang goht! hihihi weni dänke das eusi hochzyt au scho bald weder 2 mönet här esch....



himbeer  am 22.07.2013

Re: Flittern in der Südsee (Franz. Polynesien)

es gaht voll nüm lang :-) mir gönd scho i 2 mönet



marsai

nicht registriert

am 22.07.2013

Re: Flittern in der Südsee (Franz. Polynesien)

ahhh so schön! :) dämfall muesch de grad brichte wies gsi esch...



himbeer  am 22.07.2013

Re: Flittern in der Südsee (Franz. Polynesien)

hihi ja das machi denn!



Jasmine84  am 02.09.2013

Re: Flittern in der Südsee (Franz. Polynesien)

Hey Mädels,

es isch scho bald so wiit...und inzwischu hani eiguntlich fascht alles giplant und gibuecht, drum hani numal wellu en chline zwischustand durch gäh. vilicht hani nu eppis vergässu, wamu sellti biachtu? Visa, Impfigä, ect.?

Also wier fleige am 26.09. vo genf in richtig thaiti (mit AIR NEW ZEALAND, uber STA Travel gibuecht). dann gits 5 nächt im Moorea Pearl Resort (nach moorea chämä wär mit där Fähre). Witer gahts mit dum Flugzig nach Raiatea fär 4 nächt ins Taha'a Island Resort (ine uberwasserbungalow jupppiiiiiii) und zum abschluss mim flugi witer uf bora bora 4 nächt im Hilton Bora Bora Nui Resort. d letschte 2 nächt vor dem rückflug int schwiiz siwär ds thaiti. hiä hani z hotel nu nid gibuecht (vilicht het mer epper nu tipps? wo schlafet iher?)

Ha jetz d fliig, d hotel, d fliig zwische de insle, d transfers, ect. alles sälber buecht und äs isch wirklich sehr sehr easy gsi und ich deichu uf all fäll äs stuck günschtiger als uber äs reisebüro. ich würds immer wider ä so machu. bi mega gspannt wie's wird sii der lang ersehnt honeymoon iner südsee...wärdu uf all fäll widär brichtu.

ew numal danke fär di ganze tipps wani hie bercho han. und fär ew, wos euch bald los gehit, en wunderschöni reis!

gruessij usum wallis

jasmine



deby90  am 03.09.2013

Re: Flittern in der Südsee (Franz. Polynesien)

Hey Jasmine
Mir plaanät nächst Jahr im Mai nachere Amerika-Reis direkt id Südsee z gah. Händ eus ä Offerte vo Flitterwochen.ch mache lah, ha jedoch leider keinerlei vergliich. Chöntsch du mir ächt per PN mal mitteile wieviel euri Reis sälber buechet chostet?

Also in Tahiti werdet mir (gemäss Plan) im Hotel Le Meridien sii, hät mi uf dä Page au ziemlich überzoge...

LG



himbeer  am 05.09.2013

Re: Flittern in der Südsee (Franz. Polynesien)

hey jasmine!

haha so lustig, mir sind glichzitig im pearl beach uf moorea... also mir chömed am 25.9 det ah und sind 4 nächt det. gseht mer sich wahrschinlich ;-)

falls über d USA flügsch dörfsch s ESTA-visum nöd vergesse beaträge. das isch s einzige wo a visum bruchsch. impfige bruchts schinbar au keini. ich muess am weekend no mini reiseapothek ufstocke und sunnecrem und muggeschutz chaufe. badeschueh seged au no e gueti idee isch i mim reisefüehrer gstande.



Jasmine84  am 05.09.2013

Re: Flittern in der Südsee (Franz. Polynesien)

hallöle himbeerli! ;-)

ja sooo luschtig! in dem fall weiss i woni chumu cho aklopfu fär än welcome-drink! SMILE
wie erkenn i di? ;-) lach

ESTA-Visa hani no vom april, sii ds florida gsi. glöibu das isch äs jahr oder so gültig.

genau, badschueh. ich nimmu minu tauch-fuessling mit. also so neopren-schueh.

so langsam wärd i doch es biz kribbelig....vorallum ds erscht mal so ewigs lang ime flugziig... ich glöibu i muess nu zum dok fär schlaftablette, suschter uberläb i der lang flug nid! ;-) hihi



himbeer  am 05.09.2013

Re: Flittern in der Südsee (Franz. Polynesien)

ja eigentlich müessted mer scho fast abmache gell. aber ich denk es werded sicher nöd sehr viel relativ jungi pärli det si, meinsch nöd au? es isch ja eher e türi destination. was händ ihr füre zimmerkategorie buecht?

ah bisch demfall au en taucher? denn gseht mer sich vilicht i de tauchbasis. soviel walliser werded au nöd det umenand sii, hihi :-)



Jasmine84  am 05.09.2013

Re: Flittern in der Südsee (Franz. Polynesien)

ja unbedingt, forum-träff iner südsee! nid schlächt! hihi ;-)

also ich bii 29ig, ich ha locke, brille, und bi nid mega schlank! ;-) meinsch wier wärde ehner im seniore-club sii.... ;-)

zimmerkategorie fär ds pearl heiwär Standard Room, Garden View inkl. fruehstuck. und iher? i hoff ja uf äs zimmer upgrade! ;-) leider heiwär kei wedding-packages chännä buechu will wär scho uber 1 jahr verheiratut sii...also zivilisch sogar scho uber 2. ;-) drum heiwär nur ds tahaa en uberwasser-bungalow, fröiu mi scho uf ds schnorchlu vom balkon üs! das isch scho luxus....

ha vorher gad gseh das bi ew ja scho bald ä so wiit isch! nervös? oder startklar fär där gross tag?

ja, ich bi öi töicheri. mine maa leider nid. sobald das der kopf unerwasser isch macht schich da panik breit. aber i wärdu nu bstimmt mägu uberredu das i wenigschtens ab und zue mal zume tauchgang darf, er isch da rächt grosszügig was mis lieblings-hobby a git! nimmet iher d üsrüschtig sälber mit? was sind eigentlich fär wassertemperature, weisch du das? hei das weri ja toll, wenn i dänn nu gad dive-buddys würdi ha mit ew 2!

gruessij usum wallis



 1 2 3 4 5 6

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.