| Flitterwochen |
|
|
1 2 3 4
|
peja  am 01.02.2010
Re: Flitterwochen
i han sogar i dä katalög vo kouni, u tui gläse das bruutpaar % uf übernachtige hät.. eifach uf ei person 30%, 50%, oder sogar 100% u die angeri person zahlt dä voll priis.. hmmm..
|
|
|
chichi  am 01.02.2010
Re: Flitterwochen
mir händ bi legends travel buechet und döt stönd im katalog die ermässigunge grad dinne. isch aber halt so, dass'd vor allem ide hauptreiseziite nid vill ermässigung überchunnsch. aber bi üs lohnt's sich extrem- ich zahle für s hotel nu 50 %.
<3 Wir freuen uns riesig auf den 16. & 24. April 2010 <3
|
Carmile  am 01.02.2010
Re: Flitterwochen
hi zeme
ich han ebe im einte thread im forum glese, dass emirates no ermässigung git. das hät mi sehr erstunt.
@chichi: wohi gönd ihr nomol? und i welles hotel? 50% isch würkli viel.
@schusseli: danke für de tipp mit em direkt afroge.
i mues sägä, üsi vorstellige mit me hübsche, holzige und doch edle wasserbungalow ufde maledive gönd ganz und gar nöd uf mit em budget. isch alles viiiiel ztür. unabhängig vom budget findi au sus ziemilch crazy 5000 chf für e wuche ferie pro person uszgseh, das hend mer amigs für 4 wuche usa reise mit auto und zelt zahlt. klar, weniger luxus, aber sferiefeeling duret däfür länger a.
i glaub langsam es lit würkli nur thailand drin bi 7000 chf für beid für zwei- 2.5 wuche.
|
chichi am 01.02.2010
Re: Flitterwochen
mir gönd uf d maledive is kanuhura. choschtet 5000 p.P. für 2 wuche- isch au für mich vill, aber das isch's üs für d flitterwuche wert. und will mir ebe im juli gönd, chömed mir so vill ermässigung über.
7000 für 2 wuche wird uf de malediven glaub scho no knapp. chunnt aber au no druf aa, wänn ihr wänd gah. im juni/juli würded ihr sicher au für de priis öppis schöns finde.
<3 Wir freuen uns riesig auf den 16. & 24. April 2010 <3
|
Dee  am 01.02.2010
Re: Flitterwochen
also ich han es paar offerte bi manta-reise agfräget. Det häsch die ermässigunge druf, sind meistens 50-100% ufs hotel, ca. 800.- bi emirates und denn namal irgendwas. Das gsehsch aber erst uf de offerte druf. i de katalög gseht mer meistens nur, wieviel rabatt vom hotel.... das chan der aber under umstände recht viel sii!
Lg Dee
die Krönung unserer Liebe am 4.6.2010 und 2.10.2010
|
|
tinkerbell nicht registriert am 01.02.2010
Re: Flitterwochen
Hallo carmile
Mer hend letscht woche grad dpriise för üsi maledive ferie öbercho. Mer hend ou öber kuoni buechet ond zwar d'insle reethi beach ändi oktober/afangs november (10 täg). Flüge dömmer met de emirates öber dubai, aber mer möched ke zwöschestopp in dubai. Das ganze chostet etzt üs 6064 franke total (auso knapp 3000 pro person) ond inbegriffe esch: flog, deluxe beachbungalow met schaukel, halbpension ond de wasserflogzügtransfer vo male. Aso ech fende dä priis absolut fair. Üsi reiseberoterin esch säuber grad of reethi beach gseh im november ond hets üs aso wärmstens empfohle. Osserdem dönds das johr die insle för öppe 3 mönet zue zom renoviere, dass heisst es setti denn zemlech neu si das ganze.
Gruess tink
***3. Juli 2010***
|
Carmile am 01.02.2010
Re: Flitterwochen
hey chichi
sKanuhura han mer gest au agluegt. gseht superschön us. bi üs würds ebe herbst si und das isch sicher tüürer. zudem chämet jo zu dene prise no wiiters esse und usflüg däzue und wenns denn chli willsch gnüsse und nöd immer uf prise luege, denn chunts doch no einiges tüürer.
mis fazit noch dere diskussion isch demfall..dass me nur bi usgwählte hotel würkli en sich lohnende rabatt überchunt bi honeymoon und me somit sone reis grad so guet es johr spöter chan mache und fürd flitterwuche näbä anderst hi, wenn de pris match entscheidend isch. i han ebe vorher immer denkt, dass es sich würd lohne die tüürere destinatione fürd flitterwuche zneh, wägem rabatt. schade, jähnu.
|
schusseli am 01.02.2010
Re: Flitterwochen
Da gib ich de Chichi recht. Es chunt natürlich auf uf d Reiseziit druf a. Wenn ihr im Winter bi eus gönd, isch ja Hauptreiseziit für d Maledive und denn gits au weniger Rabatt wiä im Juni / Juli.
Denn isch ja eher nöd so e gueti Ziit für d Maledive. Mir sind aber scho mal uf de Maledive gsi im August und hend perfekts Wetter gha bis uf eimal ei Stund rege. Und wenns denn halt mal im Honeymoon chli meh rägnet, gits ja au no anders zum mache 
Frög doch mal Soneva Gili oder Soneva Fushi a. Das isch glaubs de Stil, wo du dir öppe vorstellsch. Aber halt recht tüüür. Aber afröge würd ichs emal. Je nach Saison, chönds dir vilicht es guets Agebot mache.
Also, ich wür eifach extrem viel mitenand vergliche. Und Emirates het würki super Agebot für Flüg im Moment.
Am 05.06.2010 wird euse Troim wahr
|
Carmile am 01.02.2010
Re: Flitterwochen
hey schusseli
jo sonova hät üs gfalle, aber eben:-) demfall buechet ihr dflitterwuche nöd fix bimene abüter sondern stellets eu selber zeme, wenn du dagebot vo emirates asprichsch? um de flug mach mer weniger gedanke, will dä isch momentan würkli nonig so tür. i finde eifach dhotelprise strub, v.a. wills nur immer mit früähstück isch.
wäg dä reisezit. gad noch de hochzhit möchtet mer nöd go bzw. hend kei zit. mues denn masterarbet fertig schribe und das git no stress. also chöntet mer ab afang sept und denn fangst avo tüür werde. und es johr noch em hohczit, isch nümm würkli flitter feeling :-)
Zuletzt bearbeitet am 01.02.2010
|
happyday  am 02.02.2010
Re: Flitterwochen
für alli flitterwuche-destinations-suecher noh en tipp: http://www.layanaresort.com/
isch kes schnäppchen, aber service, ässe, erholigsfakto = topp
ich sälber bih äbe schoh zwe mal uf de maledive gsih. bi liideschaftlichi taucheri und mues säge: en traumdestination zum go tauche. aber bih halt eher uf äifache insle gsih, will im vordergrund nid de luxus vo de insle sondern d`möglichkäite, d`artevillfalt und die guet laag bzw. de churzi wäg zu de tauchplätz im vordergrund gstande isch.
Zuletzt bearbeitet am 02.02.2010
|
|
|
1 2 3 4
|
Anmelden
