| Passwort vergessen?
Sie sind nicht angemeldet.  Anmelden
Flitterwochen im Norden - unbedingt empfehlenswert!
 1
01.09.08 11:03
madmadi 

Flitterwochen im Norden - unbedingt empfehlenswert!

Hallo liebi Brüt ond Brütigämmer

Mir sind grad us eusne Flitterwoche in Finnland (Punkaharju) zruggcho und ich muess euch das eifach unbedingt empfähle! Wel's dete ned soooo warm isch (mir händ jetzt ame so zwüsche 17 und 20 Grad gha), mag mer viel meh zämekuschele und schmüsele, als amene sehr heisse Ferieort. Das hämmer sehr gnosse! Mängisch eifach ufstoh, zmörgele und wieder uf's Sofa gumpe und enand hebe..... und so.... denn chli sauniere... herrlech gmüetlech!!!

Wer also schwankt zwösche Maledive o.ä. und em hohe Norde... Skandinavie oder so garantiert Schmuseferie pur (zuesätzlech zu de wunderschöne Landschaft, wo mer natürli au gnosse händ)!!!

Grüessli
madmadi


Sit em 8. August 2008 glücklichi Ehefrau!

16.09.08 10:37
maju 

Re: Flitterwochen im Norden - unbedingt empfehlenswert!

hesch du scho Föteli? ouso üs würd äbe dr Norde o no reize, u i gloub im Mai söts dert tiptop si für Ferie oder? so maledive o.ä. rizt mi äbe grad nid ä so u i gloub im Mai wärs dert o nid so optimal..... ouso ehrlich gseit ha i mi no nid so informiert

mir hürate am 02.05.2009

16.09.08 13:31
madmadi 

Re: Flitterwochen im Norden - unbedingt empfehlenswert!

Sali Maju, ja, mer hend Föteli - schick' mer doch es Mail (über mis Profil), de schmeissi der en Handvoll i Ahang vo de Antwort dri... es esch sooo schön gsi! Wett grad weder go...

Grüessli
madmadi


Sit em 8. August 2008 glücklichi Ehefrau!

Editiert 16.09.08

16.09.08 14:17
madmadi 

Re: Flitterwochen im Norden - unbedingt empfehlenswert!

Maju, sorry, muesch no aklicke "mit deiner E-Mail Adresse schicken" - nur so chani zruggschribe... sösch hani dini E-Mail Adi ned droffe...


Grüessli
madmadi


Sit em 8. August 2008 glücklichi Ehefrau!

17.09.08 11:25
madmadi 

Re: Flitterwochen im Norden - unbedingt empfehlenswert!

Maju, i ha es paar Föteli uf öisere Hochzitshomepage droffe - http://www.wirheiraten.ch/rogerundmadi

Grüessli
madmadi


Sit em 8. August 2008 glücklichi Ehefrau!

17.09.08 11:36
maju 

Re: Flitterwochen im Norden - unbedingt empfehlenswert!

hei danke viu mau!!! gseht ja super us! darf i frage, wie viu heti dir da zahlt? (ungefähr)
mir hürate am 02.05.2009

17.09.08 16:55
lorelai1980 

Re: Flitterwochen im Norden - unbedingt empfehlenswert!

Hallo ihr Lieben!

Also da ich selbst Finnin bin, ging das natürlich runter wie Öl :)
Ich heirate im Mai 2009 und wir gehen dann aber - weil wir eh oft nach Finnland gehen - irgendwohin wo's warm ist, und wo wir auch die Familienplanung angehen wollen *freu* :)

Aber zur Frage, vielleicht kann ich helfen. Im Mai ists in Finnland einfach noch nicht so frühlingshaft wie hier in der CH. Es kann sehr schön sein, und auch etwa 15-20 Grad wenn's hoch kommt, aber eigentlich wird's einfach langsam Frühling dann. Im Juni ists dann wie bei uns im Frühling und Juli August sind eigentlich die Sommermonate.

Ich persönlich hab sowohl verschneite Mai's erlebt, als auch sehr sehr schöne, mit milden Tempi. Aber man muss einfach auf alles gefasst sein :)
Wenn ihr euch ne Blockhütte mieten wollt, dann guck mal unter "Lomarengas" bei google.
Und wenn ihr eh solche Blockhüttenferien möchtet, dann seid ihr eh "gerüstet" für jedes Wetter - da ihr ja immer rein könnt, oder in die Sauna *lol*

Wir freuen uns jetzt schon auf unseren nächsten Trip in die Blockhütte meiner Familie in Mittelfinnland, was allerdings im Sommer 2009 ein Thema wird.
Davor freu ich mich erst mal total auf die Hochzeit im Mai :)

Glg an euch alle
Lorelai1980

17.09.08 17:33
Pluto

nicht registriert

Re: Flitterwochen im Norden - unbedingt empfehlenswert!

Also nördllich wär ou Irland sehr zu empfehlen. Es Auto mieten ond d'Insle spontan erkunden. Ged ou en B&B-Führer womer chli cha luege, was es so alles gid an Unterkünft. Chli türeri, chli billegeri, chli luxuriösi. Ond de unbedingt no ineme Schlosshotel übernachten! Mer hend üs zwor om die schicki-micki Lüüt ned so wohl gefühlt, aber s'Zimmer, de Tearoom ond de Garten sends wert gsi. Esch zwor komisch wenn eim de Kofferträger hinterherrennt. Min Ma hed wölle d'Koffer selber die 10 Meter träge, esch jo ned wiit, aber nei, das esch ned guet acho. Womer nochem Znacht is Zimmer sind esch klassischi Musig glaufe, d'Vorhäng sind zoge gsi, d'Bettdecki aufgeworfen... me werd also scho betüütelet. Sogar mini Bluse hends vom Bett id Schublade do - das esch mer do chli z'vell gsi, esch mer ned rächt gsi wenn's Sache versorgid.
Au veli Pub, teil Stränd ond alti Ruinen send richtig romantisch. Mer hend zwor in Irland ned üsi Hochzigsreis gmacht, send eifach söscht mol chli go omereise. Wörd aber of jede Fall weder go.

Grüess
Pluto

* Wir haben am 26. Juli 2008 geheiratet *

18.09.08 07:45
maju 

Re: Flitterwochen im Norden - unbedingt empfehlenswert!

hoi lorelai
hei danke für dini Infos! das hilft mir grad würklich witer! i ha nämlich nid gwüsst dass dr Mai nid so sicher isch im Wetter, u drum chunnt das äue grad scho nüme i frag! mir wei doch glich o chli z warme wätter gniesse! Mit Irland wirds äue denn wom Wätter här o grad no nid so sicher si ?!? hmmmm mi dünkt das no so schwierig!
het öper süsch no ä gueti Idee für im Mai?
@madmadi..... sorry, ha das ganze äue no grad nid so im griff, mit mail schribe u drbi no öpis anklicke aber i bi uf dini homepage ga luege...... gseht super us, aber äbe wie obe erwähnt, im Mai wird das äue nüt
wünsche aune ä schöne Tag
mir hürate am 02.05.2009

18.09.08 08:24
fonzi 
Re: Flitterwochen im Norden - unbedingt empfehlenswert!

Wieso nöd Italie. Im Mai isches denn scho warm aber nöd die dröckendi Hitz.
Agriturismi sind im Fall de Hammer. Mega ässe und gönschtige Priese.
Piemont, Toscana, Emilia-Romagna etc. Do cha me eifach losdüse und bliebe wo's eim gfallt.
Eifach mit Bade im Meer isch no nüt.

 1
Hochzitshomepage   empfehlenswert   Familienplanung   Sommermonate   glücklichi   frühlingshaft   Flitterwochen   Schmuseferie   Schlosshotel   Flitterwoche   Emilia-Romagna   Mittelfinnland   zämekuschele   zruggschribe   Kofferträger   Blockhüttenferien   Hochzigsreis   hinterherrennt   unbedingt   schicki-micki
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!