| Passwort vergessen?
Sie sind nicht angemeldet.  Anmelden
Hawaii und USA Kombi
 1 2 3
18.07.13 09:33
la_chimera 
Hawaii und USA Kombi

Hallo zusammen

Wir sind uns im Moment recht am überlegen wie genau wir unsere Flittis machen. Wir werden im September 2014 für 4-5 Wochen gehen. Den Kontinent haben wir mal mehrheitlich festgelegt, es wird die USA sein, denn da ist das Preis-Leistungs-Verhältnis für die lange Zeitdauer wohl am besten...

Jetzt wissen wir aber nicht so recht wo genau. Mein Schatz war noch gar nie in den USA ich war vor 3 Jahren im WEsten (klassich LA, SanDiego, Las Vegas und Sanfrancisco sowie die NAtionalparks der Region von Joshua TRee, Antelope, GRand Canyon bis Bryce hoch und dann noch Death Valley). Das Problem ist etwas dass wir nicht selbe Ausgangslage haben...

Hawaii käme auch in Frage nur kann ich mir da nicht so recht vorstellen wie das von den Hotels her ist, gibt es da auch so Resorts ala Südsee / Malediven oder ist es halt doch mehr grosse Inseln mit Städten und öffentlichen Stränden?

Hat jemand schon eine Kombi aus Hawaii und Westen gemacht? Hat jemand Geheimtipps?

Wir sind dankbar für alle inputs, wir kommen im Moment von alleine einfach nicht so recht weiter...

DANKE EUCH SCHON IM VORAUS!

18.07.13 09:46
fami 

Re: Hawaii und USA Kombi

Guten Morgen la_chimera

Wir werden nächsten Juni auch in die USA Reisen und die Kombi Westen + Hawaii machen. Wir haben die selbe Ausgangslage wie ihr. Mein Freund war noch nie in den USA, ich war einmal für ein Au Pair Jahr im Osten. Deshalb, und natürlich auch weil ich den Westen einmal sehen möchte, haben wir uns für das entschieden, was wir beide noch nie gesehen haben, obwohl der Osten natürlich auch schön ist.

Hawaii hat uns meine Kollegin empfohlen, da sie und ihr Mann bereits einmal diese Kombi gemacht haben. Sie meinte, dass es nach der Rundreise einfach toll sei, noch zwei drei Tage zu relaxen, auch ist das Meer da ja viel wärmer als an der Westküste. Wie es mit den Hotels genau aussieht weiss ich nicht, ich denke es kommt vielleicht auch darauf an, welche Insel man besucht. Aber ich glaube nicht, dass man es mit den Malediven vergleichen kann.

18.07.13 09:47
elea 

Re: Hawaii und USA Kombi

hallo la chimera

i 4-5 Woche chasch natürli wahnsennig vell gseh ond mache! do chönet ehr im Prinzip mache was ehr wend
was ich euch wörd empfehle, esch velecht ehner d Kombi USA / Karibik. eifach nur weld uf hawai vo LA nomol 6h musch flüge. ond wenn ehr zb z letscht z hawai send, ond de vo hawai zrog ed CH mönd de esch das wörkli en halbi welt reis. Karibik esch bo dem her ehner "ufem weg" ond au prislech sehr guet! ehr chönett zb. 3 Woche d ost küste abe ond denn no 1-2 Woche ed Karibik go chille (zb. Bahamas, Barbados, Cuba, etc. do geht's endlos möglichkeite)

velecht wer das au en Option? well muss ehrlich sege i be nonie z hawai gsi, aber kenne es paar wo scho gsi send, ond die hend sech halt s paradis vorgstellt ond so eschs de ned ganz gsi... es het anschinend vell obdachlosi ond esch doch sehr sehr touristisch! aso ned das hawai ned schön esch, das esches secher, aber i wörd mer öberlegge obs denn de lang extra flog wörkli wert esch, weisch wini meine?

18.07.13 09:56
himbeer 

Re: Hawaii und USA Kombi

hoi fami

ich bi vor es paar jahr 4 wuche uf hawaii gsi und mir häts echt superguet gfalle. aber ich würd mer für hawaii echt gnueg ziit neh. es sind viel insle und jedi isch total anders. ich bi uf 4 verschiedene gsi und has überall super gfunde. wasi aber nöd würd mache isch eifach nachere rundreis im weste vo de usa nur no es paar täg det ahänke. in hawaii chasch super viel aluege, d natur isch de wahnsinn. nur scho die vulkän uf big island und maui, eifach fantastisch. aber es isch au sehr wiitläufig, so chlii sind die insle nöd.in hawaii chasch locker elei 3 mönet verbringe und "nur" ei insle go bsueche isch sehr schad, au weg de lange flugziit vo d elea erwähnt hät. wenn ihr eifach nach de rundreis no ines schöns hotel wänd go relaxe würdi au eher karibik wähle.

18.07.13 10:02
fami 

Re: Hawaii und USA Kombi

hmmm, ihr bringet mich grad weder ine zwickmühli ;-) karibik wär natürlich ou sehr verlockend... i ha bis jetzt ebe aber ou scho vo so vöune ghört, as sie weder wörde uf hawaii go nach de rundreis... i gloube ou, as d chance, as mer mou karibikferie i somene arrangement möche, grösser si als dass mir mou no extra uf hawaii wörde go... dorom hani gfonde, das wär en gueti glägeheit wenn mer eh scho i dem egge sind... i muess do gloub nomou chli öber d büecher :-)

18.07.13 10:05
himbeer 

Re: Hawaii und USA Kombi

no en chline nachtrag für eu beid: ich würd für hawaii mindestens 3 wuche iplane, falls ihr vo de westküste chömed sicher 2 wuche. weniger lohnt sich für die grössi vo de insle und die vielfalt a natur und aktivitäte eifach nöd.

la chimera: es chunnt chli drufah wo anegahsch. in maui zb gits au chlineri resorts und weniger tourismus. uf oahu (honolulu, waikiki) isches viel urbaner, waikiki beach zb ligt zmitzt i de stadt. wiiter im norde gits denn au chlineri unterkünft. aber es isch nie so abgläge und ruhig wie maledive oder so. das chasch echt überhaupt nöd vergliche

18.07.13 10:06
elea 

Re: Hawaii und USA Kombi

guet bide Karibik esch natürli au weder jedi Insel anderst. nor weld zb of de Bahamas gsi besch heisst das ned dass de nöm ed Karibik musch! weisch wini meine?
ehr chönet natürli au di volle 5 Woche die USA blibe und di letscht Woche zb am Gold vo mexico bade ferie mache, det esch natürli au traumhaft.... es geht vell möglichkeite ;)

18.07.13 10:09
himbeer 

Re: Hawaii und USA Kombi

ich würd i dem fall eher mal gezielt uf hawaii reise für 3-4 wuche, es lohnt sich eifach würkli meh. ich würd wenn scho det bisch mindestens oahu, maui und big island aluege und das duured scho...

18.07.13 10:11
himbeer 

Re: Hawaii und USA Kombi

das wär natürli für eu demfall e möglichkeit, la chimera. ich würd eifach grad 4-5 wuche nur uf hawaii. die ziit bringsch locker ume, haha

18.07.13 10:18
la_chimera 
Re: Hawaii und USA Kombi

Hey ihr liebe lüt, dir sid jo super, so schnäu scho so vöu antworte! DANKE

Wäge Karibik, isch im September/Oktober nid Hurricane-Saison? Drum hei mir d Karibik ebe usegnoh us de plän... Hmm mir hei nis scho vorgstellt nach der Rundreis chli go z relaxe, aber ebe es isch scho no e wyte cher...

Churzi Frog, bi würkli no e afänger was hawaii abelangt. Was goht me de döt go aluege? Si das vor allem Nationalparks und wanderige oder wie muesi mir das vorstelle? Cha me spontan umereise in Hawaii hets de dört ou motel oder so? Oder mues me e fixi rundreis oder so bueche?

Hmm es isch so schwirig... vilech müest me haut hawaii id mitti näh, z.b. 2 Wuche weste, 1-2 Wuche Hawaii und de vilech no e Stadt ufem Heiwäg, mi würd drum Nashville no gluschte, de isch der Heiflug nomou chli unterbroche.

Merci für öichi Inputs, dir sit ächt super!

 1 2 3
touristisiert   Nashville   Hurricane-Saison   möglichkeite   wuuunderschöne   NAtionalparks   Freudenstränen   Bluemechetti   Sommerziitwechsel   schlussendlich   landschaftlich   touristisch   empfehlenswert   Preis-Leistungs-Verhältnis   bewirtschaftet   natürli   Urwald-Mässig   Karibik   sunneuntergang   international