| Passwort vergessen?
Sie sind nicht angemeldet.  Anmelden
Hawaii und USA Kombi
 1 2 3
18.07.13 10:32
Piranja 
Re: Hawaii und USA Kombi

elea:
velecht wer das au en Option? well muss ehrlich sege i be nonie z hawai gsi, aber kenne es paar wo scho gsi send, ond die hend sech halt s paradis vorgstellt ond so eschs de ned ganz gsi... es het anschinend vell obdachlosi ond esch doch sehr sehr touristisch! aso ned das hawai ned schön esch, das esches secher, aber i wörd mer öberlegge obs denn de lang extra flog wörkli wert esch, weisch wini meine?

hallo la_chimera

Also mi Fründ und ich sind vor 3 Jahr für 3 Wuchä im Weste vode USA gsi. Mier sind uf San Francisco gfloge, denn 3 Täg dete gsi, und vo det us 5 Stund uf Hawaii gfloge. Mier hend denn s Marriott Hotel direkt am Waikiki Beach gha. Mier sind 5 Täg dete gsi, hend chli badet und für 1 Tag es Auto gmietet, i Nord-Oste gfahre, a Kailua Beach. En wuuunderschöne Sandstrand. Ufem Wäg dethii simmer dur verschiedeni Vegetatione cho (Urwald-Mässig) was de Inslä eigentli nie würdsch gäh.
Aber jetzt nu zude Ussag vode Elea: Da gibi ihre Rächt. Ich ha vo Oahu au s Paradies erwartet, aber es isch scho sehr touristisiert! De Waikiki Beach isch en schönä Strand, aber trotzdem nid bewirtschaftet, kei WC, kei Sunnäschirmä, nüd. Das Bild womer hed, dass alli mit sonere Bluemechetti empfange wärded, isch sones typisches Klischee wo nid stimmt. Sone Bluemechetti chasch dr selber chaufe, isch de nu uu tüür ;-)

Ich ha gseit, wenn ich wiedermal richtig Hawaii würd gah, würd ich Inselhopping machä. Wie die andere scho gschriebe hend, es gid schins uu viel schöni Inslä z Hawaii. Und jetzt nur Oahu hed mich nid überzüügt, es gid anderi ebefalls sehr schöni Plätz.. (zb Siesta Key, Anna Maria Island etc. in Florida)

Aber mier sind au us dem Grund uf Hawaii will mr gseit hend, wenn mr scho mal im Weste vode USA sind, gömmer gad uf Hawaii. Det gömmer sust niemeh eifach so anä.

18.07.13 10:37
himbeer 

Re: Hawaii und USA Kombi

genau, ich ha sehr viel wanderige gmacht, vorallem uf de insle mit aktive vulkän. spontan umereise gaht natürli au, denn bruchsch aber uf allne insle usser oahu (det häts en bus) es mietauto. susch chunsch nirgends ane :-)

uf oahu hani sehr viel bädeled, gschnorchled und gshopped, det isch halt würkli mega viel los. au usgang, esse etc. chasch super. bueche muesch eigentlich nix. ich ha sogar d flüg vo insle zu insle erst buecht woni det gsi bi für 1 wuche später, das hät guet funktioniert.

wenn 2 wuche uf hawaii gahsch würdi dir oahu empfehle als istig (waikiki muesch eifach mal gseh ha) und denn vilicht no maui, det häsch alles chli, urwald, vulkan, schöni hotel etc.

18.07.13 10:37
nimbini 

Re: Hawaii und USA Kombi

aloha liebi la_chimera

ich bin ja nüme so aktiv im Forum wie au scho, aber bi de reisethemene oder wänns mal ume winterhochzyt gaht, schriebi amigs gern no chli mini kommentär....

ich bin ja scho sehr oft greist, han unter anderem scho als Reiseleiterin und im reisebüro gschaffet und sehr viel gseh.... ich bin im Januar uf Hawaii gsi, bin allei unterwegs gsi, wieder mal e uszyt für mich bruucht und ich muess säge, ich bin am afang sehr skeptisch gsi, will wie d'elea seit, es wird vo vielne als Paradies apriise.... ich muess aber säge, mir hät Hawaii extrem guet gfalle, ich bin würklich en rächte fan worde vo dere inslegruppe! bin gsamthaft vier wuche uf Hawaii umegreist, vorher no en stopover in las vegas gmacht und bim heiflug au nomal für es wücheli (e alti chrankheit, die wo mich no känned da inne, wüssed wieso ) ich würd eu Hawaii drum uf jede fall empfehle! klar chasch es nöd vergliche mit de maledive, aber die insle sind landschaftlich eifach nur wunderschön! ich han uf jedere insle es Auto gmietet für die ganzi zyt, es isch halt ebe scho USA und das merkt mer diesbezüglich, ohni Auto chunnsch nöd wiit.... aber de Vorteil isch dänn wieder, häsch zum teil die feine restis vome vom Festland her kännt, Shopping isch de hammer und d'lüüt sind unglaublich fründlich! ich han nur in oahu ime Hotel gwohnt, uf de anderne insle hani i bed&breakfast gwohnt.... das hani de hammer gfunde, chunnsch chli mit de lüüt in kontakt, chunnsch gueti tips über und es isch günstiger als d'hotels uf Hawaii (Hawaii isch allgemein seeeehr tür)... zudem häsch immer de Parkplatz und wifi gratis und i de Hotels zahlsch no für jede scheiss druf.....

ich persönlich würd eu empfehle, mached doch zwei wuche e rundreis a de Westküste, dänn flüged ihr mit de hawaiian (direktflüg vo san fran, LA oder las vegas, villicht au suscht no vo anderne städt) uf Hawaii.... allerdings würdi scho zwei wuche uf Hawaii bliebe damit sich 1. de flugpriis lohnt und zweitens d'reisezyt.... ich persönlich würdi uf Hawaii Kauai und maui empfehle, villicht chönder au eifach 5 nächt uf beidne insle bliebe, also gsamthaft 10 täg! oder no es paar täg oahu oder big Island... big Island muess ich aber ehrlich säge, wänni nöd en heliflug über de Vulkan gmacht hetti und d'lava gseh hetti flüsse, hetti mir die insle chönne spare.... und oahu isch halt eifach waaaahnsinnig touristisch, hät mir aber trotzdem sehr guet gfalle, will ich halt sehr viel han chönne unternäh..... was meh aluegt uf Hawaii... es isch hautpsächlich scho die idrücklich Landschaft, die schöne stränd (Achtung, sind aber alli öffentlich, trotzdem sehr schön, aber natürlich nöd mit de maledive etc z'vergliche), ich bin no go whale watching mache (chunnt uf d'jahreszyt a, wo ihr möchted verreise), dänn ebe heliflüg uf Kauai und big Island sind empfehlenswert, uf Kauai au de Canyon und d'naapali coast, uf maui d'road to hana oder am morge früeh de sunneuntergang vom Vulkan..... ich han Hawaii au e chli unterschätzt und bin da de meinig vo de himbeer, meh chan guet es paar mönät uf dene insle bliebe und gseht immer wieder neus..... es isch echt es wunderschöns fläckli erde..... und bim heiweg gits en direkte flug vo honolulu nach new York mit de hawaiian Airlines.... wänn früeh gnueg buechsch, zahlsch nur 300 usd für die riese strecki..... und dänn chönder no es paar täg new York aluege und chönd dänn vo new York relativ schnäll mit em Direktflug hei.... nashville wär sicher au cool, es git halt eifach kein Direktflug vo det, somit wird d'rückreis eifach wieder um einiges länger......

wänn no Infos bruuchsch, eifach mälde, ich hilf der gern wiiter.....

es liebs grüessli
nimbini

18.07.13 10:40
himbeer 

Re: Hawaii und USA Kombi

haha wow, das chani eifach nur unterschribe

18.07.13 10:51
la_chimera 
Re: Hawaii und USA Kombi

Merci merci merci!

WIe gsehts denn us wenn me grad diräkt uf hawaii würd Flüge und ebe kombi zwüsche 2-3 insle macht für ca. 2 Wuche de vo det us uf las vegas flüge und mit mietouto no chli umekurve und evtl via nashville und new york oder florida hei go...

hach es git so viel möglichkeite!

18.07.13 11:16
himbeer 

Re: Hawaii und USA Kombi

haha es git hunderti möglichkeite :-)

chasch natürli au grad in hawaii afange. aber direkt i dem sinn chasch eh nöd, häsch mindestens 1 zwüschestopp und d reis gaht alles in allem locker 24 stund, es päusli isch scho nöd mega dumm. ich has zwar ohni gmacht, zack hi und zack zrugg, aber de jetlag isch scho sehr heftig gsi :-)

18.07.13 11:22
elea 

Re: Hawaii und USA Kombi

en stop over in nashville wert halt scho ehner schwerig. de nöchst international flughafe esch eigentli Atlanta. wenn de wördi grad ergendwie e Woche det die gegend ome fahre ond ned eifach zb via Atlanta of nashville flüge för 3täg ond de witer witer. donkt mi au weder zvell ufwand för nor ei Stadt...

09.11.13 13:27
sasileu 

Re: Hawaii und USA Kombi

Hey hoi zämä

Hans grad super gfunde hani das Forum gfunde und ha grad all euri Kommentär gläse...will ich und min Schatz hüratet negst Johr im Summer, gnau gnah im September und für eus isch immer klar gsi das mir e grösseri Reis wend mache und dases au echi was speziells sölls sih.
Da aber "leider" im Sept./Okt. vieli Orte nid unbedingt guet chasch bereise wege Rege/Sommerziitwechsel, oder Hurikans simer zerst bi Florida/Bahamas gsi, isch aber echi z'heikel oder ehner gseit es bitzeli gföhrlich worde ide letste johr was Hurikan betrifft also hemer eus schlussendlich nach mega vielne tolle Reisebrichte für folgendes Entschide....
Westamerika(SanFrancisco,LA, LasVegas) und Hawaii Inselhüpfe.
Hoff es wird schön, wobi seb wirds sowieso.
Trotzdem für all wo schomal in Hawaii gsi sind...bi gspannt über eui Reisetipps oder so

12.11.13 09:33
himbeer 

Re: Hawaii und USA Kombi

wie lang händer denn ziit sasileu? hawaii würdi mindestens 2-3 wuche iplane, lieber 3. es isch eifach unglaublich vielsiitig und jedi insle hät öppis, wo die andere nöd händ.

13.11.13 12:40
Aqua1 
Re: Hawaii und USA Kombi

Wir waren 3 Wochen auf Hawaii, und 2 Wochen via Las Vegas, den Südwesten getourt. War supertoll. Kann ich nur empfehlen!

Falls du Fotos und Tipps brauchst melde dich einfach per PN

hab die online.

Gruess

 1 2 3
Hurricane-Saison   landschaftlich   Karibik   Nashville   NAtionalparks   bewirtschaftet   Bluemechetti   Freudenstränen   sunneuntergang   Sommerziitwechsel   schlussendlich   wuuunderschöne   Preis-Leistungs-Verhältnis   international   Urwald-Mässig   touristisch   empfehlenswert   möglichkeite   natürli   touristisiert