Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Honeymoon    ›   Mini-Moons in Schweden / Norwegen / Finnland
Mini-Moons in Schweden / Norwegen / Finnland
 1
valey  am 14.01.2013

Mini-Moons in Schweden / Norwegen / Finnland

Hallo zäme...

Da mer endi Mai scho Zivil hürotet und im August kirchlich und denn eusi Flitterwoche hend..
hemmer nach eusem Zivile HZ welle paar täg weg...

min GG und ich hend scho lang mal welle in Norde goh... hend denkt so Schwede, Norwege od Finnlang Mini-Moons mache :)


isch öpper vo eu schomal dett gsi?? chönder öppis empfehle?? Hender selber buecht? Oder Reisebüro?

es wär natürli mega schön Polarliechter gseh :) hehehe..


danke für euchi Infos..



FringillaVigo  am 14.01.2013

Re: Mini-Moons in Schweden / Norwegen / Finnland

Aso was wettsch de? So Rucksacktour uf eigetli Fuscht oder eher gfüehrt/Sightseeing? Ig bi scho in norwege gsi, für 8 Täg mim rucksack und Zält quer durs Nirgendwo. Isch genial gsi, aber 8 täg si viiiel z kurz! Drum isch das irgendwie nüt für Minimoons. Und Blockhütte Ferie würdi uf all Fäll oh mindischtens so lang mache. Einzig wedr e Stadt weit aluege, de länge paar Täg scho. Oder hani ds "Mini" falsch verstande?



valey  am 14.01.2013

Re: Mini-Moons in Schweden / Norwegen / Finnland

aso mer hend denkt so am menntig goh und samstig weder zruggcho...

aso zelte wemmer ned umbedingt, scho ines hotel..

aber wend eifach amene ort goh wos schöni Landschaft hed... wo chasch au chli spaziere oder suscht so..

ned würkli so nur ganz 5 täg inere stadt omelaufe und ein lade nachem andere duregoh

wo sender in norwege gsi?



FringillaVigo  am 14.01.2013

Re: Mini-Moons in Schweden / Norwegen / Finnland

Aso mir si zerscht uf Lillehammer gfahre, hei dert Lüt kennt, womr bine hei chönne übernachte, darum chan dr dert kes Hotel oder so empfehle. Aber vo Lillehammer isch me uf all Fäll schnäu mau in spazier-barer Landschaft. När simr uf Finse gfahre und vo dert ebe mim Rucksack und Zält witr



nabucca  am 27.05.2013

Re: Mini-Moons in Schweden / Norwegen / Finnland

liebi valey

jetz stöht dir ja hcurz vor eure zivile hochzyt oder sit bereits glücklech verhüratet. mir hürate de zivil im juli u im ougschte kirchlech. mir wette de ou e mini-moon mache (afangs ouguscht). di grosse flitterwuche fouge de im jan 14. üs würd e städtereis mit wellness gfaue. mir hei ou a skandinavie dänkt...
sit dir mittlerwile witer bi öirer ferieplanig? wenn ja, wo ane geits? was chasch witerempfähle?

liebi grüess
nabucca

Zuletzt bearbeitet am 27.05.13 10:59



elea  am 27.05.2013

Re: Mini-Moons in Schweden / Norwegen / Finnland

hallo nabucca
d valey het am samschtig zivil ghürote ond die Woche maches mini moons en Dublin!



malinchen  am 28.05.2013

Re: Mini-Moons in Schweden / Norwegen / Finnland

hey nabucca,

i bi dä Winter ei Monet dür Skandinavie greist u mir hei paar cooli Ortä kennä glehrt. Wasi sehr cha empfähle für so churztrips isch Kopenhagen (det machä mir de Mini-Moons nachem Zivile), Stockholm oder Oslo. Das si halt när würkli eher Städtetrips. Wenn dir eher d Landschaft wettet gniessä wär sicher Trondheim oder Tromso cool... =)



canella

nicht registriert

am 19.07.2013

Re: Mini-Moons in Schweden / Norwegen / Finnland

i bi letschte August 3 wuche durch Finnland nach Norwege greist und denn mit em Hurtigrute-Schiff übers Nordkapp nach Bergen (Norwege). Finnland het mir besser gfalle als Norwege und es isch au nid so tüür wie Norwege will si Euro hän. In Finnland chani Koli empfähle, cools Hotel ufeme Bärg(li) mit sensationeller Ussicht uf d Seelandschaft. Im Winter isch dr See schins zuegfrohre...chame sich fasch nid vorstelle.
Mir hei in Helsinki am Flughafe es Auto gmietet und si 8 Täg umegfahre. Was i au cha empfähle isch Santa-Clause-Village in Rovaniemi, isch au toll zum übernachte!

Hurtigruten-Schiff het mir persönlich nid soooooo gfalle. S het sehr viel alti Lüt gha, bi mr chli vorcho wie ufem Altersheimusflug. Ufem Schiff sälber chasch nid grad viel mache (und mir sin ufem MS Midnatsol gsi, das isch s gröschte vo dr Flotte). Me cha Usflüg bueche an Bord, es lohnt sich aber die scho im Vorus im Reisebüro z bueche, will meistens sin die völlig überbuecht und total überrisse vom Priis här.
Wenns Wätter schön isch, denn isch d Landschaft toll zum liege, aber wenn d Wolke tief hange gsehsch nid so viel.

In Bergen simer denn no für es paar Täg gsi. Die Stadt het mir guet gfalle. Isch auno easy zum lädele, halt eifach tüür. Mr hei denn no e Usflug gmacht "Norwegen in der Nussschale". Do simer mit em Zug und em Schiff underwäx gsi i de Fiorde. Das isch e tolle Tag gsi.



frausein  am 08.04.2014

Re: Mini-Moons in Schweden / Norwegen / Finnland

Ich finde so eine Skandi Tour wäre ganz toll wenn man den Aurora sehen kann... und vorallem in die Flitterwochen!



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.