Au mir machet oisi Hochziitsreis in Amerika. Mir händ mit es paarne Kollegä gredt, ou oisi TZ sind scho det gsi.

Mir sind letschti ins Kuoni Reisebüro, um go es paar frage z'stellä und sind ois ez am überleggä, ob mir wend über sii buechä, aso d'Hotels und s'Mietauto.

Mir händ 3 Wuche deziit, händ ingesammt 4 Wuche Ferie, und gönd früehstens am 2.06.14, da mir am 01.06 in England no es BBQ Fest händ, weg oisre Hochziit, für alli wo händ wellä cho, aber nö händ chöne übere flüüge, oder mir nöd händ chöne iilade.

Also, da isch ez oisi grob Liste, aber mir wüsset nanig gnau wie lang und wo gnau mir wänd übernachte. Drum hoffi uf oiri Hilf.


1) Flug Züri - LA
2) Los Angeles - San Diego
3)San Diego - Grand Canyon NP
4) Grand Canyon NP - Page (Bryce Canyon etc)
5) Page - Las Vegas
6) Las Vegas - Yosemite NP
7) Yosemite NP - Lake Tahoe South
8) Lake Tahoe South - San Francisco
9) San Francisco - Los Angeles (via US 101)

wieviel Täg würet ihr da rechne? Mir chönd beidi Autofahre und wänd das au. Wieviel Täg würet ihr wo verbringä?

da hani no en link vo oisem Traum-Roadtrip:

http://maps.google.com/maps?saddr=I-8+E&...amp;t=m&z=6

und den no was Kuoni als 0815 vorschlat:

http://maps.google.com/maps?saddr=Los+An...amp;t=m&z=5

s'kuule isch ja, dasd Morelia au det ahne gaht, aber ha gfunde ich wet nöd ihre Thread mit mim züüg bombardierä.

Zuletzt bearbeitet am 19.06.13 18:02

• Zitieren

hei lilmonkeyme
mir hei üsi churze, aber intensive flittis ou so verbrocht: 22.april-3.mai 13
22.4 züri-san francisco CA
23.4.san francisco
24.4.san francisco - yosemite national park CA
25.4.yosemite national park (4 h wanderig) - sonora pass (de nöcheri tioga pass isch no zue gsi)-mono lake CA
25.4.mono lake - death valley - las vegas NV
26.4.las vegas NV - valley of fire state park NV (3h, super schön!) - mesquite NV
27.4. mesquite NV- zion national park UT(5 h) - bryce canyon UT
28.4. bryce canyon UT(4h wanderig) - grand staircase escalante national monument UT - page AZ - monument valley UT
29.4.monument valley UT - south rim grand canyon AZ (5h Wanderig) - kingman AZ
30.4.kingman AZ - las vegas NV
1.5. las vegas
2.5. las vegas
3.5. las vegas - züri

du gsehsch, me cha das programm i dere ziit abspuele... über 2000 meile...es isch wunderschön gsi!
klar, mir si sehr vüu gfahre und hei üsi täg würklech gfüut, äbe meischtens no wanderige und mehrstündigi outofahrte am gliche tag. für üs isch das so tiptop gsi. mir hei ou immer ersch am obe vorher bestumme, wo mer am nächschte tag öppe häre fahre, dr einzig fixpunkt womer gha hei, si d las vegas ufenthäut gsi (hei no öpper troffe). übernachtet heimer usser in las vegas und san francisco immer in motels, do chasch vor ort go froge, obs no platz hett, isch nie es problem gsi.
wenn wotsch, chader üsi reis per pn no detaillierter schildere...
vüu spass bim plane (mir hei bis zum flug usser ar erschte übernachtig und em outo noni meh organisiert gha und s isch ou gange). wett ou grd wieder go!

• Zitieren

Wow, ihr händ was vor...

Tues aso gärn mitverfolge

• Zitieren