| Passwort vergessen?
Sie sind nicht angemeldet.  Anmelden
Thailand zum flittern
 1 2 3 4 5
19.02.10 14:14
Carmile 

Thailand zum flittern

hey zeme

wie es paar vo eu sicher scho glese hend, mer hend üs jetzt für Thailand entschiede zum goge flittere. bsundrigs uf neckermann gits hammer günstigi Agebot für di tollste 5 Sterne Hotel. Jetzt hani mer überleit entweder im Sept zgoh ufd Insle um Koh Samui ume (sprich Koh Phangang und Koh Tao, ohni Koh Samui, da mer das zu touristisch isch) oder denn im Nov. uf Koh Lanta und dInslene döt unte. Im Oste uf Koh Samui bini scho gsi, bi üsere Nov. Variante aber nonig.

Hät öppert vo eu Erfahrige mit beidne Destinatione? Verglich was wo besser isch? Koh Phangang fändi zwor sehr schön, weiss aber nöd ob mer üs dur die Destination wie zfest ischränket, da es döt nöd sehr viel Hotels git wo üs gfallet. Zudem isch Sept. grad no so ar Grenze vode Regezit.

Vom Stil her gfallt üs sowas tropisches mit viel Holz, Whirlpool oder eignigem Pool, am beste es privats Bungalow. Schöne Strand wär no wichtig und nöd zuviel Lüt.

Merci für euchi Antworte!

19.02.10 15:19
Sunshine

nicht registriert

Re: Thailand zum flittern

Hallo Carmile

Ich känn vom Süde in Theiland "nur" da Weschte. Wani ka empfehle döte isch Koh Ngai (au bekannt und usgsproche Ko Hai) I glaub, döt häts etz au e neus Hotel ge. Mir sind im 2008 gsi, imene kli eifachere Hotel. Die Insle isch unter Ko Lanta und halt kliner. Isch aber vom Strand här und alles würklich top und au nöd so touristisch.

Wünsch der uf allfäll etz scho ganz schöni Flitterwuche!

19.02.10 15:48
cuenca 

Re: Thailand zum flittern

Hallo Carmille. Ich war vor ca. 9 Jahr in Koh Samui gsi und mir sind det am Lamai Beach im Coconut Resort gsi. Das sind alles einzelni Bungalows gsi (oises isch ca. 30m vom Strand weg gsi)... Ich glaube, das gits jetzt aber nüme (han uf alli Fäll nüt meh gfunde im Internet)...

Ich hans uf alli fäll schön gfunde am Lamai Beach, besser als am touristische Chaweng Beach... Mir sind aber au im Septämber gsi und es häd 1x ganz starch grägnet, aber suscht isch es toll gsi (und au nid eso mega heiss...) Vilicht hilft der das chli wiiter, es isch halt nid eso ussagechräftig, da ich die andere destinatione nid känne...
_____________________________________
Wir heiraten kirchlich am 4. September 2010

15.03.10 11:35
Carmile 

Re: Thailand zum flittern

hey zeme

mer hend üs jetzt ganz umentschiede, sind wägcho vode idee id region koh samui zgoh und machet jetzt folgende trip.

flug: zh-bangkok, bangkok - krabi (wohrschinlich mit emirates)
1 nacht in krabi aong beach
7 nächte im zeavola resort, phi phi islands
6 nächte im layana resort, koh lanta
6 nächte im pimalaia resort, koh lanta

flug nach bangkok
4 nächte im sheraton orchid

und denn hoffi eifach dass es nöd zviel regnet, wäg mer gad no so knapp ir regezit gönd (im okt).

grüessli


15.03.10 12:21
Sunshine

nicht registriert

Re: Thailand zum flittern

@carmille

Wow, da tönt mega schö....wünsch eu jetzt scho e unvergässlechi Reis mit viel Sunneschi!

Gnüsseds. Und wenn er d'Möglichkeit händ, gönd unbedingt emol go tauche döte.

Liebe Gruess

08.04.10 11:31
soraya1 

Re: Thailand zum flittern

Hallo Carmile
Ich war letzten Monat auf Koh Tao.
Die Insel ist der pure Traum. Am liebsten wären wir gleich sesshaft geworden, wie einige unserer Freunde die die Insel besucht haben.
Wir haben dort viele nette Leute kennengelernt. Die meisten die dorthingehen besuchen zuerst Koh Samui und teilweise auch Koh Phangang. Die Meinung bei allen allerdings dieselbe. Koh Phangang ist für Party im Sinne von Full Moon-Party (weltbekannt) und Rauschzustände toll, wenn man das mag. Ansonsten nicht besonders. Koh Samui ist überturistisch, es gibt Starbucks,... aber für luxeriöse Fliterwochen sicher das beste.
Koh Tao ist toll für Tauchferien. Es wimmelt nur so von beinah Streichelzoofischen und ein Schnorchlerparadis sondergleichen. Allerdings muss mit Mitbewohnern in den Hütten gerechnet werden. Es ist zu empfhlen wirklich die besten Hotels auszuwählen( ich mag es nicht kalt unter einem Gartenschlauch zu duschen der neben der Toilette aus der Wand kommt), und eher auf Bungalows zu verzichten. Je nachdem ist der Süden und Osten der Insel besser, weil dort weniger Mücken sind und es dort ruhig ist (die Soundanlagen der Clubs im Norden ist zimlich laut und geht jeden Tag bis früh morgens) Auch die Reise von Bankok dorthin war sehr abenteuerlich.

Also für uns hats super gepasst, da wir ja auch nicht dort geflittert haben (da stelle ich mir halt schon was anderes im Punkto Luxus vor) .

Falls du noch eine gute Emphelung für Bankok brauchst. Wir hatten ein Spitzenhotel, super Service, und auch einige Restaurant- und Einkaufsemphelungen könnte ich dir wohl noch geben.
Lg Soraya

12.04.10 11:04
Carmile 

Re: Thailand zum flittern

neues hotel in phuket gefunden :-) han gad vorig es neus hotel in phuket entdeckt, welles super usgseht. es marina phuket resort. hät gueti bewertig uf holidaycheck und isch mit 220 euro pro wuche pro person im okt guet leistbar. han denkt villicht heb no öppert interesse a thailandflittis.

@soraya: ich bin au uf koh phangang, tao und samui scho gsi. samui isch def. zu touristisch, ansonste hät mer aber koh phangan viel besser gfalle als tao, eifach wäg dä stränd. natürli dörfsch nöd zude plätz wod full moon parties sind, sondern muesch in norde. isch sparadies pur, stille, natur und super stränd. zerst hend mer döt is santhya resort wölle, wär dä hammer. mit em jetzige programm fahret mer aber au ganz guet denki.


12.04.10 20:49
Dee 

Re: Thailand zum flittern

Hihi Carmile, mir sind immer no bim Hotel Layana, es häts eus ata, dank dim tip. Vo mir no en Tip: bin mal kurz im Hotelplan go fräge, ob sie das hotel au im agebot händ, ich hegis ebä im internet gsi, sehr günstig bi neckermann. denn hät sie gseit, sie chönnted au über neckermann bueche. ich wirde denn im summer mal d offerte go mache lah, s wär mer ebä scho chli lieber, die sicheri variante vom reisebüro. denn weisch eifach, wenn öppis wär, wod chönntsch mälde. ;)

die Krönung unserer Liebe am 4.6.2010 und 2.10.2010

12.04.10 21:57
soraya1 

Re: Thailand zum flittern

@Carmile : tönt guet. De mun i min liebste doch gad überrede, we mer s negst mal gö no Koh phangan go bsueche
Phuket söll ja au würkli es Paradis sie. Da wirsch es sicher toll ha. Uf jede Fall wünsch der ganz tolli Fliterwuche det. Wen fahred ihr den?

13.07.10 13:38
mini84 

Re: Thailand zum flittern

hoi ladies

mir gönd au uf thailand id flittis endi November! mir werded zerscht 10 täg im norde und vorallem in Laos umereise, dänn zwei Nächt in Bangkok und dänn no 6 Nächt im Hotel The Chedi in Phuket. Kännt das per Zuefall öpper?

Ich han zerscht dänkt, ou Phuket, nei danke... viel z touristisch.. aber das Hotel segi anschienend aneme wunderschöne Strand, und es isch ganz ruhig dete...

~~~~~juhu!! am 17.7.2010 isches sowiet!~~~~~~~

 1 2 3 4 5
flittern   pris-leistigsverhältnis   preis-leistungsverhältnis   dlebeshaltigsköste   Uswichmöglichkeite   Service   longtailbootfahrer   Einkaufsemphelungen   Carmile   thailand-ufenthalt   buchungsbestätigung   Streichelzoofischen   online-reisefuehrer   günstiger   flitterwochenstimmung   neckermann   schlicht-natürlich   Schnorchlerparadis   Thailand   bangkok