| Passwort vergessen?
Sie sind nicht angemeldet.  Anmelden
Auch bie mir hats richtig schön gepoltert!!!
 1 2 3 4 5 .. 7
18.05.09 11:53
Schoseli 

Re: Auch bie mir hats richtig schön gepoltert!!!

ja ich mache das jetzt schon das 4te jahr, das gletten! Ich hasse es...aber ich wollte
das er diesen job an niemt und haben im gesagt das ich auch seine hemden mache!

nöchsten Monat kann er bereits selber schiff fahren, bin ja gespannt wir er aus sied in der Kabine oben auf dem Schiff!!! bin richtig stolz HI HI HI

heiraten am 20.08.2009 & 22.08.2009 in Liebe

18.05.09 11:56
Krispy 

Re: Auch bie mir hats richtig schön gepoltert!!!

Ja, wäre ich auch. Das gute an den "Schiffsleuten" ist, dass die im Gegensatz zu den "Zugleuten" immer mega freundlich und aufgestellt sind. Kannst das deinem Zukünftigen mal ausrichten.
So jetzt muss ich kochen

Im Juli 2010 ist es soweit!



18.05.09 14:00
Fira 

Re: Auch bie mir hats richtig schön gepoltert!!!

@Frangipani
Hesch hüt echli meh z`tue?

18.05.09 14:02
Frangipani 

Re: Auch bie mir hats richtig schön gepoltert!!!

Hoi Fira!
Danke für d nachfrag... am morge hani no chli z tue gha, jetzt isch aber wieder fertig lustig.. janu, hüt isch mäntig und ich bin nonig würkli da...
und bi dir? any news?

18.05.09 14:13
Fira 

Re: Auch bie mir hats richtig schön gepoltert!!!

Am Di isch de grossi Abgang
Bin froh.

Mer hend geschter no de Namittag i de Notfallstation vom Spital Uster verbracht!!! Han das nonig chönne verarbeite....
Min Schatz isch im Schwümbad umkippet und het sich s`Chinni ufgschrammt. I vermuete es isch en Underzuckerig gsi...er het lang nüt meh gässe gha und isch 45min go schwümme.
Ich mer mega nöch gange....
Die hend alles gmacht: öppe 6x Bluetanalyse, EKG, Herz und Lunge gröngget, er het en Infusion übercho....und am Schluss hends em no müese mit 4 Stich d Wunde zämenaie...

Zum Glück het er chönne mit mir hei!! Denn han i schön für ihn gchochet

Wie isch dis Wuchenend gsi?

18.05.09 14:16
Frangipani 

Re: Auch bie mir hats richtig schön gepoltert!!!

ui nei, da häsch ja grad chli action gha! läck mir.... isch aber au en globi, me macht doch nöd sport wenn me scho länger nüme gässe hät, tsss.....

mir händ d sunne gnosse am weekend, ha wieder chli gärtneret
und min Zuekünftige hät endlich sini schueh fürs hochziit kauft sind am sa-morge is navyboot-outlet uf dietlike gange... das hät sich würkli no glohnt

18.05.09 14:18
Fira 

Re: Auch bie mir hats richtig schön gepoltert!!!


Hey das tönt guet!!!

Was hesch im Garte gmacht? Mini Rose het scho ei chnospe!! Juhuuu!!!

18.05.09 14:21
Frangipani 

Re: Auch bie mir hats richtig schön gepoltert!!!

ha mal radiesli gsäht, und die hani jetzt müesse usenand neh und umsetze, sust hettemer no radiesli "en bloc" gha und e wassermelone hämmer no kauft, die hani au no gsetzt.. und sust halt chli s "normale"... aber eusi tomate sind scho recht gross, und chömed scho langsam blüemli über! hoffe nume, dass das züg dänn nöd usgrechnet im juni wenn mir ide flittis sind riif isch!
ja han au e rose ime balkonchistli, die isch uu gwachse und hät jetzt au scho chnospe! uu schön!

18.05.09 14:21
Frangipani 

Re: Auch bie mir hats richtig schön gepoltert!!!

hät din schatz eigetli au polterabig gha, oder wenn hät er sine?

18.05.09 14:24
Fira 

Re: Auch bie mir hats richtig schön gepoltert!!!

Cool!!!
mmmh fein... Radiesli!

Mir hend sit es paar Mönet en Orchidee wo würkli hebet!! Unglaublich!!
Mer hend sicher scho drü müese weg tue...die hend immer zwenig oder z`viel Wasser gah...die sind uuu heikel die cheibe!!
Sie isch relativ gross und mich dunkt no Wiederstandsfähig

 1 2 3 4 5 .. 7
kirchlichen   33-jährigen-Sommer   board=2&thema=22   Verhütungspraktiken   gepoltert   Flugzeug-Ansage   Heiraten   hochziitsvorbereitig   Hochzeitsschuhe   Wiederstandsfähig   Sicherheitsdemo   Polterabendfeiernde   richtig   Lieblingsgetränk   schwangerschaft   fragenstellerei   Schwangerschaftszuständen   unbeschreiblich   Deutsch-Schweizer   Polterabend