Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   Auch bie mir hats richtig schön gepoltert!!!
Auch bie mir hats richtig schön gepoltert!!!
 1 2 3 4 5 6 7
Frangipani  am 18.05.2009

Re: Auch bie mir hats richtig schön gepoltert!!!

Ja, bi de orchidee chunts au mega ufs liecht drufa wos händ... sit mir i dere wohnig sind wuchered bi eus d orchidee nume so.. mir gend nie dünger, aber die höred nüme uf blüehe, isch würkli dä hammer! aber du häsch scho recht, dörfsch ne ja nöd z viel wasser geh... ich gib mine immer 1x pro wuche en chline gutsch wasser..



Fira  am 18.05.2009

Re: Auch bie mir hats richtig schön gepoltert!!!

Er het en vor 3 Wuche gha....
Er het müese als Mexikaner verchleidet dur Züri laufe und mit Fraue Tequila trinke....
Er het gseit die heged em fascht d`Fläsche zur Hand us grisse
Denn sinds go mexikanisch ässe und nachher no go tanze...het em mega gfalle....
Er isch allerdings echli reduziert gsi am Sunntig druf

Und bi dir? Hend er de Polterabig glichzitig?



Frangipani  am 18.05.2009

Re: Auch bie mir hats richtig schön gepoltert!!!

Haha, da hät er ja no en easy job verwütscht! ...mit fraue tequila trinke... das glaubi gern dass die ihm d fläsche fast zur hand usgrisse händ....
ja, mir händ beid dä polterabig am gliche abig.... bi ja gspanne was eusi trauzüüge da organisiered!! ...bi ihm hani amigs chli angst dass er überhaupt öppis macht, isch chli en "fuule" ...typisch maa halt!



Fira  am 18.05.2009

Re: Auch bie mir hats richtig schön gepoltert!!!



Ja du, eimal dur`s Niederdorf laufe = zwei leeri Tequila fläsche!!

Find i no guet, dass er`s glichzitig hend....da wird`s keinem langwilig dihei

En fuule? Tuet er nöd eso gern mit fremde Lüt umegspässle?
...find das voll witzig...hihihi



Frangipani  am 18.05.2009

Re: Auch bie mir hats richtig schön gepoltert!!!

Nei er tuet glaubs nöd gern organisiere und hät sälber nöd so idee... so was mir vo eusere trauzügin ghört händ ,muess sie ihm immer ufträg geh was er muess mache, vo ihm uus chämi anschinend sehr wenig.... findi no schad!
...und drum hani amigs au chli angst, dass er gar nüt tuet organsiere für dä polterabig vo mim Fründ, sondern dass sie halt eifach zäme gönd go "suufe".... naja, ich lahn mi mal überrasche!



Fira  am 18.05.2009

Re: Auch bie mir hats richtig schön gepoltert!!!

Ah du meinsch sin Organisator (Trauzüg)...ok....

Schad....aber bi euis isch es au chli so gsi, dass d`Mädels echli meh Idee gha hend as d`Jungs
...das lit glaub würkli i de Natur vo de Sach

S`Wetter mues halt au no chli mit spiele...mer hend recht Glück gha hets am Namittag no chli uftah.....

Göhnd er weg über Uffahrt?



Frangipani  am 18.05.2009

Re: Auch bie mir hats richtig schön gepoltert!!!

Ja, mir gönd is tessin. eusi familie händ beid es feriehüsli, so chömmer no uswähle zu wem dass mir gönd
und ihr?



Fira  am 18.05.2009

Re: Auch bie mir hats richtig schön gepoltert!!!


Cool!!! Nei mir blibed da...han mim Schatz uf de Geburri e Vorstellig i de Herzbaracke gschenkt und das isch am Samschtig
.. bisch scho mal go luege?... han scho u guets ghört und wett das emal live gseh.



Frangipani  am 18.05.2009

Re: Auch bie mir hats richtig schön gepoltert!!!

Nei, bi sälber no nie gsi! ha aber bis jetzt au nume guets ghört drüber. das wird ja sicher cool ...hoffentli ischs würkli schön wätter, wer scho schön...! ..muess doch nochli brun werde



Fira  am 18.05.2009

Re: Auch bie mir hats richtig schön gepoltert!!!


Ja genau!! Das han i au scho denkt...denn chönnt i mer das blöde Solarium spare

Gang nöd eso gern....isch immer so eng.... ....Vor allem han immer mordsbruni Ärm aber susch bin i bleich...super schön



 1 2 3 4 5 6 7

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.