Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   Ein 1 A Polterabend
Ein 1 A Polterabend
 1
surri  am 07.07.2009

Ein 1 A Polterabend

Sali zämme

Bi mir isch es jezt au ume. Am Samschtig bini vo miner beste Fründin nach Basel glockt worde für mi Polterobe. Und i ha denkt i verzell Euch echli dervo.

Mir sind über e Rhy gfahre und den d' Pfalz duruf bis zum Münschter, und unterwägs hei mir scho den fascht 5 Polterobe troffe. Natürlich bini au als Brut erkennbar gsi mit eme Diadem und ere Fäderboa.
Bim Münschter acho het mini Schnitzeljagt zum Eheläbe agfange und unterwägs sind immer meh bekannti Gsichter uftaucht! So hanni muesse mini Lieblingssache us der Kondomeria abzeichne oder Sache ertaschte etc. Isch mega luschtig gsi! I ha mini Gäscht durch ganz Basel umegführt und bi nit immer sicher gsi ob i richtig lieg bim Rätselrote.
Schlussendlich hets am Schluss e Fläsche Schämpis und Eve Bier gäh zum Astosse. Spöter si mir scho ziemlich agheiteret goh ässe. Und händ ganz viel Quatscht.
Mir hei z' viel Apero gha und do mir mit däm Vorrot nit i d' Disco hei chönne hanni muesse dr Räscht no Verkaufe. Isch das luschtig gsi dene Teenis s' Bier z' verkaufe ( si natührlich alli gnueg alt gsi)
Aschliessend sind mir den i d' Kupple und sind zu Oldis goh tanze. Sind zwar wit us di ältischte gsi aber es het sich trotzdäm glohnt.

Am 4 bini Todmued im Bettgläge und ha no fascht 2 Tag brucht zum mi z' erhole.

PS: zum Bestande Rätsel hets 2 Quitscheente gäh soooooooooooooooo Suess


Liebi Lädis gniesset eure Polterobe!

Cu Surri



silver83  am 07.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

hey surri, schön dass du so en mega polterobig ka häsch!!!

Sid am 13.02.2009 verhürotet und am 05.06.2010 isch üserä grossi tag



schusseli  am 08.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

Hoi Surry
Schön hesch so en glatte Polterabig gha und die Schnitzeljagd isch au e mega kuuli Idee.
Super!



Am 05.06.2010 wird euse Troim wahr



aschera  am 08.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

hallo surri
das tönt würklich nacheme glungene polterabe! schön hets dir sooooo guet gfalle

mir hürate kirchlich am 15. august 2009



muraki

nicht registriert

am 13.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

Das isch wohl en mega Polterabig gsi.. mine staht mir de Samstig bevor..



Leika  am 14.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

ja ja dr polterabe... mir "blüät" ou no eine aber i ha kei ahnig wenn... mini trouzügin wone organisiert wott nüt verrate ussert, dasi den nüt los ha.... bi ja gspannt. Ha nume ei wunsch (und dä imbrünschtig): KEI STRIPPER!!! Bi ja nid verchlemmt aber dass da eine mit sim ding vor mire nase ume wädelet... nei danke.

Mir hürate am 11.09.09 ziviu und am 10.10.09 kirchlech - freuä mi mega!



Soefeli82

nicht registriert

am 14.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

Stripper finde ig o doof u wird bi mim polterabe SICHER o kenä cho... das hani scho ar trouzügin gseit. was ig o nid mache isch nackt under nes gwand wo d manne chöi für gäld stoff wägschnidä... das hani mal kört ka das das eini het müässä mache...

ig bi ja gspannt, was ig so mues mache u vorallem wär da alles chunnt. aber uf das mues ig mi no lang geduldä. schliesslech isches bi üs ersch nächts jahr sowit.



Leika  am 14.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

ou ja du, dä mit däm Stoff schniede muessi de ou nid ha... hane no gar nid kennt... aber mini trouzügin kennt mi sicher guet gnue, dass si uf settigs nid chunnt.

Mir hürate am 11.09.09 ziviu und am 10.10.09 kirchlech - freuä mi mega!



surri  am 14.07.2009

Re: Ein 1 A Polterabend¨!!!!!!!!!!!!!!!!!!!!!!!!!!!!!!!!!!!!!!!!!!!!!!

Sali zämme

Puh bin i froh das i nit di einzigi bi wo nit uf stripper und doffe Spieli stoht. Ha scho angst gha das nur i so dänk und i e Spielverderberin gsi bi. Aber mini Trauzgin kennt mi ebe au guet! Sie hätt nie so öbis vo mir verlangt! Bi dr Täschtmeisterin wär i nit so sicher gsi.

Gniesset Eure Polterobe und danke für euri Rückmäldige!
cu Surri



cadina

nicht registriert

am 14.07.2009

Re: Ein 1 A Polterabend

he he, nei, surri, do bisch sicher nit di einzig...
vo minem polteri weiss i nur z'datum (isch erscht im auguscht), aber weder wär kunnt noch wär derbii isch (bzw. überhaupt iiglada wird). mini trauzügin und beschti fründin kennt mi aber so guat, dass sie söttigs züüg nia würd macha. überhaupt hett sie zimlich di gliicha vorstelliga wia i, vowäga was luschtig isch und was piinlich. do muass i miar zum glück au kei sorga macha.
hend an schöna obed!! lg

* Tu deviens responsable pour toujours de ce que tu as apprivoisé * - das besiegeln wir am 04.09.09 zivil und am 10.10.09 kirchlich.



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.