| Passwort vergessen?
Sie sind nicht angemeldet.  Anmelden
Erfahrungsbericht
 1
09.09.06 16:08
samyna

nicht registriert

Erfahrungsbericht

Hallo zusammen

Mein Mann und ich hatten eine Woche vor unserer Hochzeit je einen Polterabend am gleichen Abend. Unsere Trauzeugen haben für uns einiges veranstaltet!

Meine Trauzeugin hat mich dazu genötigt, im Niederdorf einen Korb voll Kondome zu verkaufen. Dazu musste ich noch singen und auf einer Mundharmonika spielen.
Ich musste mich ganz Weiss anziehen und sie hat mich sehr stark geschminkt und gestilt. Alle meine eingeladenen Kolleginnen waren als Männer verkleidet.

Es war toll, denn ich habe fast 400 Franken verdient! OK, ich hatte Glück da gerade WM war und die Deutschen waren ein wenig lockerer als die Schweizer.

Alles weitere bleibt geheim *grins*

10.09.06 22:11
sposa 

Re: Erfahrungsbericht

solche lustigen Peinlichkeiten bleiben mir zum Glück erspahrt, wir machen keinen JGA

Aber Dein Bericht liest sich toll !

18.11.06 08:29
sani 

Re: Erfahrungsbericht

Oje ! Ja ich lahn das minere Trauzügin offe ob si wet en Polterabig mache! ich lah mich da mal überrasche... jeoch hoff ich das so ganz peinlichs Zügs mir erspart blibt!!!
SANI HEIRATET AM 07.07.07


18.06.07 12:23
krindli 

Re: Erfahrungsbericht

Hoi Zämä

Üsi Hochzyt steit churz bevor! Phu, bi schön närvös.

Dr Poutärobä hei mir hingär üs u äs isch für aui ganz ä coolä Obä gsi. Ig bi glimpfläch drvo cho, mi Schatz het chli meh müässä ertragä...

Mir hei d'Fötäli uf dr Homepage ändäch ufgschautä, wär Luscht het, cha gärn mou go inägügslä!!

Grüässli
Krindli

Wedding: 23.06.07
www.karinundstefan.ch

21.06.07 16:44
bohne 
Re: Erfahrungsbericht

hoi zäme
i han am letschte samstig min genial polterabig gha.im vorfeld han ich absolut kei ahnig gha,was mini schwöster und mini fründin organisiert hend.
schlussendli simmer öppe 30 hüehner xi und mer hend eus z züri troffe.
i han mi dänn als pippi langstrump dörfe verchleide und mit dä rollschueh durch s niederdörfli fahre,inklusiv eme alte postiwage mit blechbüchse dra.das het en saulärme gmacht....
als ersti uufgab hani müesse 30 unterhose-zetteli vo manne go abschniide und dänn hani e überraschig gkriegt,nämli en guetschii für min spätzu und mich im europapark.
nachdem mer ufem hirscheplatz glandet sind hends ufem bode gegeständ uusbreitet,wo mini hüehner mitbracht hend...heieiei,da hets ja ganz kurligi sache drunter gha.....die sache han i dänn müesse verchaufe.nebst liedli singe und brakedance hani dänn chli batzeli iigno.
dänn hemmer wieder müesse zrugg is zickzack,wo au scho die nöchst überraschig uf mi gwartet hät.die händ nämli ganz spontan zwei type uuftriebe wo für mich gstripped händ...höhöhöhö
nach tanze uf dä bar,schwanesee tanze ade langstrass und en huufe aktivitäte meh bini schlussendli erst am morge früeh is bettli cho.
esch isch absolut spitzemässig lustig xi und i werde no mine ururururururururur-enkel vo däre nacht verzelle

17.07.07 10:13
Ela81 
Re: Erfahrungsbericht

do muess ich au no churz vo mim verzehle!!
letscht fritig isch es sowiit gsi, bin mit de einte kollegin uf züri mit em zug und trauzügin isch eus dänn go hole, dänn sind mer i sone villa, det im garte händs de pavillon gmietet gha, mega schön händs es gmacht, det isch trunke, gässe & tanzet worde bis polizei cho isch. z'erst händ mer dänkt säget stripper, isch dänn aber würkli d'polizei gsi, hehe.. sii händs easy gnoh, händ mit dene no gfötelet, sii händ uf mim T-shirt unterschriibe und fotos mit handschelle häts au no geh
dänn sind mer vo 2 limos abgholt worde und sind id stadt ine bar en shot go neh (han uf em weg so gschroue, das jetzt glaubs ganz ZH weiss das ich hürote) und dänn wiiter inen club, dät sind dänn mol die erst alklichene heigschickt worde (ups), nachher sind mer no wiiters inen club und dät voll party duregeh bis d'sunne ufgange isch.
isch aso meeeeeeega gsi mit mine chicks, händ sich müeh geh. Föteli sind au einmalig... eifach de hammer gsi!!!

Ela & Alen heiraten am 27.07.2007

 1
heigschickt   Peinlichkeiten   blechbüchse   Polterabend   organisiert   ururururururururur-enkel   spitzemässig   niederdörfli   schlussendli   überraschig   hirscheplatz   unterschriibe   Mundharmonika   eingeladenen   Erfahrungsbericht   veranstaltet   unterhose-zetteli   Kolleginnen   Polterabig   karinundstefan
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!