| Passwort vergessen?
Sie sind nicht angemeldet.  Anmelden
Ich ha 60 Eier gleit a mim Polterabig!
 1
01.08.10 16:34
Joene 
Ich ha 60 Eier gleit a mim Polterabig!

Hey zäme

Ich han gester min Polterabig ka. Es isch de Hammer gsi.

Min Schatz het mich uf die 18.00 zu de Kollegin gfahre. Det hend mich all empfange. Es sind alli verchleidet gsi. Jede het öppis agha wo mich mit ihre verbindet. Die einte hend s Drogistemänteli aka woni vom schaffe kenne. 2 es Dirndl well mir immer zäme as Oktoberfest gönd, die beide woni vo früener känne sind als Schuelmeitli cho, mit ihre woni uf Indie bi isch im Sari dete gstande, die beide Schwule sind als Fraue cho, Kollegin vom Fitness im Neonfarbige Fitnessdress und mini chli Schwöster isch mit Flügeli und eme Schwänzli und Spängeli i de Haar dete gstande. Es hend all e sone Schleife agha wie amig die Schönheitskönigine ahend. Bi de einte isch drufgstande "Mir wünsched dir" und bi de ander "Ewigi Liebi". Ich han e Schleife mit "Sperrzone" becho.
Bi de Kollegin dehei hemer grilliert und nacher hani es Postiwägeli becho, wos mega herzig dekoriert hend. Es het Lämpli draka und Balön und Dose wo ich am Bode nazoge han. Das het en riese Lärm gmacht. Denn han no e Tafle id Hand becho wo druf gstande isch " Für 5 Franke leg ich euch es Ei". Ich han so es Huen übercho, womer het chöne uf de Chopf drucke. Denn hets agfange Gackere und het es Ei mit Eierlikör drin gleit.
60 Eier hani verchauft und über 300 Franke verdient. Zwüschet inne hani immer mal wieder es Zetteli müese zi und Ufgabe erledige. Zum Bispil hani eim öppis ufs blutte Füdli müese schriebe, oder Salsa tanze usw.
Nachdem ich all Eier verchauft han simmer is Kauflüte go fäste. Sie hend dete e Lounge reserviert ka und ich han mit mine verdiente 300 Franke 2 Rundene gschmisse. De Abig isch de absoluti Hammer gsi!
Am morge am 6 bini chli beschwipst aber super glücklich is Bett gfalle.

Am 14.08.2010 isches sowiet!!

02.08.10 07:38
cosmologia 

Re: Ich ha 60 Eier gleit a mim Polterabig!

Hey Joene

Din Polterobig isch anschiinend würkli toll xi! Ich freu mi sehr, dass es für dich so schön xi isch!

Ich wünsch dr wiiterhin alles Gueti bi de letschte Vorbereitige und en relativ entspannte Schlussspurt.

Lg,
cosmologia

##Glücklich ghürote! 10 Juni 2010 -- 10 Juli 2010 2 perfekti Täg##

02.08.10 08:31
mini84 

Re: Ich ha 60 Eier gleit a mim Polterabig!

jö joene, das tönt ja ächt nacheme geilä abig!! hahaha... und das mitem verchleide -jede öppis wo sie mit dir verbindet- findi au ganz e cooli idee..

sinder dänn eso is kauflüüte oder händer eu für das dänn no umzoge??

lg, Mini

~~~~~sitem 17. Juli 2010 glücklichi Ehefrau~~~~~~~

02.08.10 10:04
nzwedding 

Re: Ich ha 60 Eier gleit a mim Polterabig!

Wow, Joene, das klingt nach einem tollen Polterabend!
Das Huhn stell ich mir zum Lachen vor.
Und die Verkleidungen deiner Freunde zum passenden Kennen-Lern-Thema fine ich eine tolle Idee!
------------------------------------------------------------------------
10/01/10 und 28/08/10

02.08.10 10:17
Ananas

nicht registriert

Re: Ich ha 60 Eier gleit a mim Polterabig!

Joene ich han eu glaub gseh und han sogar mit dinere Schwöschter gred . Han nämli au min Polterabig am Samschtig ka. hihi.


°~°~° Zivil 6. August 2010 ~°~ grosses Fest 7. August 2010 °~°~°

02.08.10 12:24
Joene 
Re: Ich ha 60 Eier gleit a mim Polterabig!

hey mini84

nei mir hend eus ned umzoge. mini kollegin het extra vorher abklärt, öb mir verchleidet inechömed. das isch dete keis problem gsi. hetti ned dänkt. sust luegets det ja schono recht ufd bekleidig.

hey ananas. so en zuefall. was hend denn ihr gmacht?
Am 14.08.2010 isches sowiet!!

02.08.10 12:40
Ananas

nicht registriert

Re: Ich ha 60 Eier gleit a mim Polterabig!

Also ich bin als Comicfigur verchleidet gsie und wenni mi nid tüsche (s het halt sooo viel Polterabig ka) han ich eu vor de ZickZack Bar im Niederdörfli gseh. S het det no en Mannepolterabig ka wo e Limbostange ufgstellt het

°~°~° Zivil 6. August 2010 ~°~ grosses Fest 7. August 2010 °~°~°

03.08.10 21:56
Joene 
Re: Ich ha 60 Eier gleit a mim Polterabig!

hehe genau det simmer au gsi. ich han im pigadelle oder wie das heisst e rundi shots müese erbätle. für 13 lüt!! aber es het klappet. :-)
Am 14.08.2010 isches sowiet!!

 1
Schuelmeitli   Polterabig   Mannepolterabig   Schlussspurt   drufgstande   Drogistemänteli   Postiwägeli   Verkleidungen   Niederdörfli   Kennen-Lern-Thema   Polterabend   Neonfarbige   Ehefrau~~~~~~~   Kollegin   Schönheitskönigine   anschiinend   Schwöschter   verchleidet   Vorbereitige   Fitnessdress