| Passwort vergessen?
Sie sind nicht angemeldet.  Anmelden
Jeder Dritte landet am Polterabend im Stripclub
 1 2
26.11.13 10:13
Audrey 
Jeder Dritte landet am Polterabend im Stripclub

20-Minuten hat unter den Leser eine Umfrage gemacht, dabei kam heraus, dass bei den Männern jeder Dritte im Stripclub landet. Sex ist dabei nicht ausgeschlossen.

Was haltet ihr davon? Ich bin ein wenig schockiert, dass einige den Polterabend als Freikarte für "das letzte mal auswärts Sex" sehen.

Hier ist das Ergebnis der Umfrage und die Kommentare dazu...
20min.ch/community/stories/story/20980812

26.11.13 10:18
Pfingstrose 

Re: Jeder Dritte landet am Polterabend im Stripclub

Audrey: Also ich verstahn dich! Das findi es ächts no go... Ich würd mim GG de Chopf abhacke da chan no so öpert säge das ghört dezue. Isch doch würklich eifach zviel. Min GG - weissi vo ihm - wott eigentlich garkein Polterabig... Und wenn den eifach schön go Esse oder Wii degustire und den in Usgang... Aber ja, sin Brüäder wott unbedingt öpis organisiere... Und das chan ja nöd guet usecho. Will die dönds immer bi allne übertriibe. Da er aber euse TZ isch wirdi da scho no es Machtwort ilegge... Usserdem er wott en 2 Tag vor de Hochziit mache... Isch ja voll "behindered" chaner au gad vergesse. Wenn scho 2-3 Wuche vorher...

26.11.13 12:16
Snow_Floks 

Re: Jeder Dritte landet am Polterabend im Stripclub

Ich find das au es heikels tema, generell Polteröbige. Mir händ zum glück beidi en guete und lässige gha.
Miner Meinig na, fangt das ebe scho bi de Wahl zum Trauzüge/Trauzüügin ah. Mir händ bewust Lüt gwält, womer wüssed, das si dere Ufgab gwachse sind, und alles so umsetzed wiä mirs gern hetted, au de Polterabig. Denn chunt no derzue, das Ma/Frau ja nöd alles muen mitmache, mer chan au ame Polterabig immer no sälber wähle obmer das au macht, nume wils de Polterabig isch und d'Kollege eim dränged (ich weis es isch schwirig) heist das nöd automatisch dasmer jede scheiss mitmache söll.
Mir händ uf alli fäll im vooruus scho zämä drüber gret und oisi ängscht ustuschet, das hilft scho vill.
Ich weiss Statistike sind mängisch schokierend, das heist aber nöd das mer sälber automatisch au i diä ine gheit
Usserdem glaub ich, das wenn eine am Polterabig nomal fremd gat, den machters spöter eh au...

26.11.13 13:48
Santhia 

Re: Jeder Dritte landet am Polterabend im Stripclub

Stripclub gieng jo no... aber Sex??? Gohts no?? Dä chönnt grad vergässe dassi denn no jo säge!

27.11.13 12:09
malinchen 

Re: Jeder Dritte landet am Polterabend im Stripclub

I finde das ou mega drnäbä!!! Aber i ha z Gfüeu dass leider adä meiste Polteräbä irgend einä drbi isch, wo fingt dass das mues si. Aber i ha ou scho erläbt, dass sich Froue total drnäbä hei benoh adä Polteräbä, mues da gloub ou mal gseit si... I bi froh dass GG die "Tradition" genau so weni seit wie mir. Mir mache us däm Grund eifach ä gmeinsami Polter-Party mit all üsnä Fründe. Da mir scho sit 16ni dr glich Fründeskreis hei, er ä besti Fründin und ig ä bestä Fründ hei wärs eh doof gsi üse Fründeskreis irgendwie ufzteile... I finde irgendwie ou doof, dass me no einisch richtig muess Party mache bevor me verhüratet isch? Also i wirde ou witerhin Party mache und sicher ou ab und zue ohni GG unterwägs si - genau wie bishär...

Und i weiss ja nid, Männer wo denn frömdgöh maches doch eh ou später immer wieder...

28.11.13 11:10
Found 
Re: Jeder Dritte landet am Polterabend im Stripclub

Tja, Polteröbe send generell es heikels Thema...
Mini Mein ig esch, dass bide Manne e Tradition het und scho set dinne legge, aber d Frog esch emmer wie...
Hingäge fendis bide Froue e "Modeerschinig" und öberflössig. Ha ou keine gha, dänke, mer set vorher zom Partymache cho sie und det ned öpis erzwenge.

Ha ou de Bibber gha wögem Polterobe vo mim Ma. Er esch e Woche for üsem Hochzit gsi! Das het mer scho glänget. Und mer hend anes geils Amitreffe welle am Sonntig(was mer ou gmacht hend!).
Aber dass de Trouzüg und Brüeder do ned meh gstudiert het, het mi ächt hässig gmacht! Fende mer cha wenigstens s Datom abspräche.
Aber äbe, Stripclub und Alkohol send a dene Verastaltige s schlemmschte wie ech finde.
Do chammer nor hoffe, dass ned Type debi het, wo drängid...
Und schösch hoffe, das mer e gnueg vernönftige Ma het...

28.11.13 17:41
Broncos 

Re: Jeder Dritte landet am Polterabend im Stripclub

Also ich bin bi so Umfrage uf 20min immer vorsichtig. Ich meine die Lüt wo sich det umetummled sind doch sicher ned repräsentativ... Also mir hend beid vor üsem zivile Hochzyt en Polterabig gha... Mine het mini Schwöster mit eine vo mine beste Fründinne organisiert... Ich han eifach klip und klar gseit gha, dass ich ja kein striper well. Sie hend sich den au brav dra ghalte und es isch e super abig gsi. Ich han vor allem gnosse, das sich endlich mal all mini Fründinne us verschiedne Kollegechreise (Kanti, Uni, Sport, Schaffe) gegesitig kenne glernt hend und ich all mal zäme "für mich" gha han.
Min GG gaht denn im nächste April (also vor de chirchliche Hochzyt) 1 Wuche mit sine Kollege uf Las Vegas. U viel lüt fraged mich, wien ich das erlaube chan und öb ich ned Hangover gseh heg... Ich freu mich eifach für min GG, das all sini Kollege mitchömed und er verzellt scho sooo lang devo, das er sin Polterabig in Vegas fiire wet. Mir sind zäme scho 3 mal in Vegas gsi, vo dem her chan ich mir biz vorstelle was d Jungs det astelled... Sie sölled eifach spass und wenn sie ine Strip Club wennd, denn sölleds das mache... Meh wird sicher ned passiere, da vertrau ich mim GG voll...

14.01.14 13:08
boomi 
Re: Jeder Dritte landet am Polterabend im Stripclub

Wat ... ist ja fast vergleichbar mit dem junggesellenabschied was ... also ich finde das geht gar nicht!!! Ist ja quasi wie fremdgehen und dann muss man auch nicht mehr heiraten, wenn man der meinung ist sowas noch zu tun. hat dann auch nichts mit liebe zu tun ...

14.01.14 17:38
Palibu 
Re: Jeder Dritte landet am Polterabend im Stripclub

Grandiose Überschrift :)!Stimmt das wirklich?Irgendwie verrückt!Gehen Braut und Bräutigam denn wenigstens zusammen?Ich war noch nie auf nem Polterabend, nach dem man in nen Stripclub ist....

11.04.14 15:10
Evass 

Re: Jeder Dritte landet am Polterabend im Stripclub

Hey Broncos, Daumen Hoch! genau das würdi au säge. Stripclup ok, Fremdgah nein! Ich persönlich wett au kein Stripper, ich find das Geld chömmer besser usgeh, aber jo.. wenn mini TZ s'Gfühl hät da mues ums verrecke en stripper häre, denn werdi mitmache.. aber ich denke sie weiss dass das Geldverschwendig wär, wellis eher peinlich würd finde als geil ;-)

 1 2
vergleichbar   Stripclub   Verastaltige   automatisch   irgendwie   wenigstens   schokierend   schlemmschte   Polter-Party   ausgeschlossen   Prostituierten   Fründeskreis   Modeerschinig   junggesellenabschied   Polterabig   Geldverschwendig   repräsentativ   verschiedne   Kollegechreise   Polterabend