| Passwort vergessen?
Sie sind nicht angemeldet.  Anmelden
langwiligi kollegine polterobig
 1
09.03.09 19:47
sommer76 
langwiligi kollegine polterobig

hy mädels wa sölli mache mini kollegine sind bis uf 2 alli recht langwillig und chönd nit fäschte..wie söll ich min polterobig au mache??? da wird ja voll langwillig..
öper au i dere situation???

09.03.09 20:22
calla 
Re: langwiligi kollegine polterobig

hy du

duesch dänn din polterabig selber organisiere? ich wür das voll id hand vo dinere trauzügin legge, sie isch somit au verantwortlich defür das stimmig ufchunt. villicht tüüsched dini kollegine au und sind wänns um din polterabig gaht doch kei schlaftablettene, so wies jetzt no mag schiine...? eventuell chan sich ja dini trauzügin mit dine kollegine (ich denke wänns e langwiiligi truppe isch, isch viellicht gschider wänner nid nur z4te unterwägs sind) vorher scho uf es cüpli träffe damit dstimmig - bi dim iträffe scho bitz lockerer isch...?

ich wür mal sgpröch mit ihre sueche.

ps: du häsch mal no gschribe das ihr e art wie e planerin händ.. übergibt das das chind "polterabig" ihre, sie isch - wänn sie es hochziit chan uf bei stelle - organisatorisch sicher begabt und chan öppis tolls uf bei stelle..

anderfalls isches eventuell empfehlenswert wänner irgend es programm händ...

bsp:
sektempfang bi dir
limo-fahrt is fernsehstdio
amüsiert als publikum binere swissdate sändig debii si
apéro inere lounge
feine znacht
irgendwo gos tanzbei schwinge...

chamer fascht nid vorstelle das das langwiilig chönt werde, egal wer debii isch...?

09.03.09 20:33
sommer76 
Re: langwiligi kollegine polterobig

stimmt ich cha ja de polterobig dä trauzügin abgeh und sie söll luege dass party git...
danke für dini tipps :)

10.03.09 08:51
pearl 
Re: langwiligi kollegine polterobig

Hallo Sommer 76,

wenns werklech so langwilig send muesch halt sälber för Onderhaltig sorge. Im Momänt lauft grad "Bride Wars" im Kino.
Wieso ned zerscht go ne Felm luege, denn fein go ässe ond denn met dene wo no wänd ab of d Pischte! Müend jo ned emmer alli debii sii.

Gruess pearl

10.03.09 08:57
Frangipani 

Re: langwiligi kollegine polterobig

Also ich wür das au mal mit de Trauzüging bespreche. Du chasch ihre ja (hoffentlich) säge was dini befürchtige sind... und au chli abspreche was ihr mached? ich dänke, das isch ja au dir überlah, öb du wotsch dass alles e überraschig wird, oder öb du gwüssi sache im vornherein mit ihre absprichsch.
Aber ich bin au de meinig, dass wenn ihr chli es guets programm händ, dänn wärded au die sicher uftaue! es isch ja au diin abig, da sölled sich dini kolleginne chli müeh geh!

12.03.09 16:31
michaela 
Re: langwiligi kollegine polterobig

Hey zämä

Also wenn Underhaltig erzwunge werde muess, de wirds astrengend und en huere lange Obig! :-/ Do wär mir d'Ziet d'schad drum.

Pack doch dini Mädels inen Flüger und ab gots ine City go shoppe es Wucheend lang! London? Oder ins südliche Italie? De muess au ned so zwingend e "lustig" Stimmig ufcho, sondern de chasch dine Mädels gnüsse, Käffele und viellicht ergibt sich jo so ide Rundi doch no en lustige Usgangsobig im Usland?

Und no was: Ich finde, me dörf de Muet ha und nur di wichtigste und am nöchste stehende Mädels ilade. Lieber e klini Rundi mit wichtige Lüüt, als vieli mit Hinz und Kunz...

Grüessli
Michaela

12.03.09 18:01
Krispy 

Re: langwiligi kollegine polterobig

Ech letscht mal im Seilpark en Polterobig-Troppe gse. Ech be mer ez ou so öpis am öberlegge. Denn chasch zäme zerscht chli action ha ond nocher go ässe ond i usgang wär no loscht hed oder mag. Ond Partypeople muesch im Seilpark ou ned si.

08.04.09 13:48
Aquamarina

nicht registriert

Re: langwiligi kollegine polterobig

oder zäme is Hamam go wellnesse und nachher fein go ässe? muesses immer en riese klabauk si?

 1
langwillig   trauzügin   empfehlenswert   sektempfang   Onderhaltig   fernsehstdio   organisatorisch   organisiere   absprichsch   befürchtige   Polterobig-Troppe   langwiiligi   Underhaltig   schlaftablettene   polterabig   verantwortlich   Usgangsobig   langwiligi   kollegine   polterobig