Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   Macht ihr Polterabend?
Macht ihr Polterabend?
 1 2
jovia

nicht registriert

am 19.09.2007

Macht ihr Polterabend?

Hi zusammen!
Micht nimmt's wunder ob und wenn ja wie ihr den Polterabend feiert...



nici  am 21.09.2007

Re: Macht ihr Polterabend?

Also mer möchid e Polterobig. Dä werd vo üsne Trouzüge organisiert. Do mer enand aui guet könnet lönd mer üs vo dene beide öberrasche. Sie wösset das mer getrennt wend fire, ond was mer of ke fau wend. Wösset nor noned wie gli vorem Hochzit mer dä Obe en Agreff nämit.



Mausi  am 16.01.2008

Re: Macht ihr Polterabend?

Also mir hend da mit üsne Trauzüge au abgmacht, dass es en Polterobig git... Freu mi ja druf wa sich mini best Fründin für mi ifalle loht! Sie het immer di lustigste Ideä und so.

Mir werdet ebefalls getrennt Polterobig fiire.. sust isch es ja ned lustig. hihihihihi...

Wenn ihr z.B. keine machet, warum ned?



jovia

nicht registriert

am 16.01.2008

Re: Macht ihr Polterabend?

Mier machid kei Polterabig bzw. ich nid, mey Fründ wahrschinlich scho. Mier seihd dass eifach neyd so de traditionell Polterabe. Meistens wirdid denn da ai nu so biz "peinlichi" (meynere Meinig nach) Sache gmacht und d'Bruut chund wenn möglich nu en Schleier zum alegge ah über oder es T-Shirt wo ihrend so en Spruch druhf stahd oder muess go Sache verchaife... Das isch halt eifach nid meys Ding! Ich chennti mier vorstelle mit meyne ängste Fründinne eifach goge z'Nacht ässe und in Usgang, aber ohni "Polterabe-Effekt" .

Hed mich jetzt mal wunder gnu wie anderi zuekünftigi Brüüt das handhabid .



Lela  am 16.01.2008

Re: Macht ihr Polterabend?

Hallo zämme

mer möchet en Polterobig - aber was genau organisiert wird, öberloh i mine fröndine (wohrschinli gets no en Stripper )
aber i ha scho panik, dass sie mi dur gass schick om de lüüt irgend öppis z'verchaufe - da möchti eigentli weniger. aber i vertraue mine lady's!

liebi grüess



Pluto

nicht registriert

am 16.01.2008

Re: Macht ihr Polterabend?

Also ech hoffe schwär, dass ech en Polterabend öberchome. Be üs ide Region esches Brauch, dass die beste Fröndinne vode Braut en Polterabend för sie organisiere. De Bräutigam chond en Polterabend vode Kollegen öber.

Bes jetzt hani ganz verschiedene Polterabend erläbt. Teil Frauen gönd nor go essen, mini Schwägerin hed mösse Flossen ond es Krankenschwösterjäggli alegge ond go Rosen verkaufen. Esch lustig gsi ond gar ned piinlich. So öbis wördi no mache. Ged piinlichers als das. Aber en Stripper wotti of kei Fall!!! Ha das mol erläbt. Das send so gschläcketi Schönling, wo meine sie sige die Geilste. Ond en Ma wo sech so Stripper-mässig bewegt... wäh, richtig gruusig. Luege de also lieber inere Frau zue wo das macht.

Be mine männliche Kollege heds meistens ou en Stripperi gha, aber mer Frauen hend die Fotos natürli nie dörfe gseh....hm, die wösse scho worom. Also werd's be mim Zuekönftige also sicher au en Stripperi gäh. Alänge darf mer jo ond d'Manne hend be so Sache jo Freud wie es Kind vorem Weihnachtsbaum. Do chönds amigs monatelang no dröber rede. Rechtig kindisch mängisch... weiss ned öb sie üs de met so öbbis wend eifersüchtig mache....esch halt typisch Maa.

Am beste sägid ehr eifach euchne Kolleginne, was er gar ned gärn hend ond hoffid, dass sie sech dra haltid.

LG
Pluto



jeannine79  am 16.01.2008

Re: Macht ihr Polterabend?

also i wett au en polterobig, aber ebe ohni all das pienliche züg.. i wett mit de fründinne fein go ässe und nähher eifach in usgang... legge sogar es tshirt oder was au immer a, aber verkaufe, das isch absolut au ned mis ding.

lg



Mara

nicht registriert

am 15.02.2008

Re: Macht ihr Polterabend?

Mer machet kei Polterobig. Eg wär eigentli no derför zha solangs nid so gschmacklosi oder piinlechi sache si wo me muess mache. Min Schatz het nur gmeint är duet uf si Polterabig verzichte weu er kei Stripperin wot und au nid ines Cabaret gschleifft wot wärde

Da eg au nid unbedingt en Stripper muess ha, eg aber mitbecho ha, dass wenns en Polterabig wörd gä GARANTIERT en Stripper uf der Matte stoht hanis grad abgseit

Eg dänke eg maches so dasi mit mine beschte Kolleginne fein go go ässe und när eventuell no chli i Usgang go tanze (vo Suufgelage halti drum au nüt). Do würds mer persönlech au nüt usmache wenn mi Schatz no wörd uftauche.



nordliecht  am 15.02.2008

Re: Macht ihr Polterabend?

ich wirde en polterabig ha. en kollegin het mich agfragt, ob sie einä fir mich derf organisiere. will ich weiss, dass sie kei"peinlichs" zeyg mache wärdid und ai nid so en gschleymigä stripper werdet uiffiährä, frey ich mich druif. bi anderne kolleginne, hend mier ai scho stripper gah. jedoch nid "kaifnigi", sondern mier hend am polterabig uif de strass guätuissehendi manne agfragt, eb sie das fir eys machä wurdid. das isch den jewils es gaudi gsi, wills äbä alles andere als professionell gsi isch. atöpplet, isch bi eys sowieso es tabu. es suifgelage wirds ai nid gäh, aber sicher s'einä oder andere "hech".

mey frind uberchunnt garantiert en polterabig. so richtig im mannestil. isch bi "eysnä" manne halt so tradition. er het aber drey winsch frey, was är wirklich nid will. stripperinne gits aber immer, ebs wänd oder nid. ai da gilt, alänge verbote



miär freyid eys uif de 6. septämber 2008 :-)



taschi  am 05.04.2008

Re: Macht ihr Polterabend?

Polterabend muss ja nicht gleich unbedingt "peinliche" Sachen beinhalten. Bei 3en von meinen besten Kolleginnen waren wir zuhause oder in einer Hütte, haben gemütlich gegessen (grilliert) und haben einfach mal wieder einen Frauenabend genossen... Alles andere war bei uns ziemlich schwierig. Einige haben schon Kinder und meistens waren auch immer mind. 2 schwanger...also wäre es eh nicht zu einer riesen "Saufparty" gekommen.

Wünsche mir auch einen Polterabend, gemütlich in die Stadt, was Essen und danach in den Ausgang... Auf alles andere verlasse ich mich auf meinen Freundinnen. Sie wissen genau, was ich mag und was nicht, und würden mir nicht Aufgaben stellen, welche sie auch nicht machen würden.

Bin froh, dass ich nicht an der Stelle meines Zukünftigen bin. Möchte nicht wissen, was er alles erleben wird...

Gruss Taschi

...weil es Liebe ist... wir heiraten am 06.09.08



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.