| Passwort vergessen?
Sie sind nicht angemeldet.  Anmelden
Polterabend ! ? ! ?
 1 2 3
15.05.13 13:49
Feeldgood84 

Re: Polterabend ! ? ! ?

Hallooo,

Schicke Dir no de Bricht vo mim Polterobe - es isch de HAMMER gsi!
I bi vo de Organisatorin vo däm Polterobe abholt worde und ha dörfe s'erschte vo
6 Gschänkli ufmache: Es Pinks T-shirt mitere Brut druffe und em Spruch "Jetzt wird's ernst!".
Das hani denn agleit und grad s'2. Päckli dörfe ufmache: En Stei in Härzform...Nochär händ
mer en Spaziergang gmacht - zu minere Überraschig simmer zunere Masseurin spaziert. Ich ha 1 Stund
lang dörfe en Hot Stone massage gniesse, es isch so schön gsi!

Nach de Massage hani s'nöchschte Päckli dörfe ufmache. En goldige Stärn. Mir sind usem Gebäude use und denn isch e riesigi wissi Limousine cho z'fahre und het üs abgholt :-) Mer send also wie Stars umgfahre worde! I ha de scho s'nöchste Päckli dörfe ufmache: Mon Cherie Schöggeli, was so vell gheisse het wie dass mer jetz mini Cheries (also die andere Fraue) göi go ufgable. Mit dene hei mer denn i de Limo agstosse. Es isch mega gsi!

Wo üs de Chauffeur abglade het, hani scho wieder es Päckli dörfe ufmache: E Laterne. Ahand vo dere hani denn müesse es Restaurant sueche. Has rächt schnäll gfunde. Dört hani denn no en Schleier übercho zum alegge und es het mis Lieblingsässe gäh.

Nachem ässe hani s'letschte Päckli dörfe ufdue: Es Porte-Monnaie. Denn isch jo klar gsi wos gschlage het D'Fraue händ diverses us ihrne Handtäsche zauberet und mi Chorb bis obe use gfüllt (Badeänteli, Schoggi, Shots, Kondom, WC-Ente ) I ha mi also ad Arbeit gmacht und am Schluss fascht 500.- verdient

S'Dessert hets denn no inere Creperie gäh. Es isch en super Obe gsi, wirdes nie vergässe!!

15.05.13 14:06
dandi78 

Re: Polterabend ! ? ! ?

Wow! Das esch jo meeeegaaa schön! Aso sone Polterobe würd mer au gfaue. Es dicks Lob a d'Organisatorin. Die het sich jo mega müeh geh und het tolli Idee gha. Die Idee mit de Päckli fendi genial! Do chasch di aso glücklich schätze, dass sone tolli Kollegin hesch! Freut mi mega für de!

15.05.13 14:31
Feeldgood84 

Re: Polterabend ! ? ! ?

Es isch würkli mega gsi und sie het alles sehr guet organisiert. Ich ha mis Portemonnaie gar nid dörfe mitnäh (be äxtra a däm Tag no go Gäld useloh welli dänkt ha, dasi denn mine Fröndinne die eint oder ander Rundi due spändiere). Jedi vo de Fröndinne het de Organisatorin en bestimmte Betrag izahlt ond so het sie 1 grossi Kasse gha ond Emmer vo däm Gäld zahlt. So hets ou nie es Gschtürm gäh mitem ässe Zahle und so...eifach 1 grossi Rächnig wome usem grosse Topf zahlt het. Schins isch es sehr guet ufgange mitem Gäld, aber i weiss nid, wie vell dass jedi izahlt het...i schätze so 50-60.- äuä scho + d'Limousine. För die het sie secher e Rächnig öbercho und die hei sie sech sicher au ufteilet.

Schlussändlech hani natürlech dänkt, ich haue jetz mit de Fraue mis verdiente Gäld ufe Putz aber das hei sie au partout nid welle ha, well sie jo ebe gnueg Gäld i das Stöckli izahlt händ dass es de ganz Obe für alli glängt het.

Sie het das würkli super gmacht!

 1 2 3
berücksichtigen   onverständnis   Männerhintern   organisatorin   penis-strohhalb   traditionellä   Porte-Monnaie   Trauzeugin   Hochziitstermin   schwizerische   organisiert   Polterabend   junggesellenabschied   Schlussändlech   Jungesellenabschied   Stripper-Verbot   Rosenverkaufen   Junggesellinnenverabschiedungen   Lieblingsässe   Polterobe
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!