| Passwort vergessen?
Sie sind nicht angemeldet.  Anmelden
Polterabend wann?
 1 2 3 4 5 6
11.06.10 16:28
sheepy 

Re: Polterabend wann?

uiui bin chli nervös, vilicht isch min polterabig ja hüt?!?! also mim fründ sine isch hüt...hends mer gseit, aber wer weiss öbs stimmt:)
aber han so es paar indizie das mine au hüt isch:)

Ich han übrigens no en "fake" polterabig gha...am letschte fritig sind uf eifach 7 mädels vor de tür gstande und hend alli sache für sushi mitbracht. isch da hammer gsi, bi nüme drus cho :) ha immer denkt ui etz chunt den no öpis...irgendwenn hends mit den ufklärt dass das nöd min polterabig segi, sondern sie heged mir nur welle zeige das ich nie chan sicher si wenn er isch hehe...aber isch uh en schöne abig gsi!!

11.06.10 16:33
dorina 

Re: Polterabend wann?

Sheepy,

Hey, das finde ich eine ganz coole Idee! Super deine Mädels!
Es kommt schon gut, ihr werdet es lustig haben! musst nicht nervös werden;-)
Ich habe noch Zeit (12.7) weiss ja auch nur, dass wir nach London fliegen;-)

cu
dorina


12.06.10 16:17
sheepy 

Re: Polterabend wann?

ich han also tatsächlich geschter min polterabig gha! isch mega cool gsi hüt gahts mer dementsprechend ;)

12.06.10 17:48
Franziska

nicht registriert

Re: Polterabend wann?

sheepy, lässig, und was habt ihr alles gemacht! Gwunderbin....
Ich find es toll das es dir gefallen hat, und den Fake- Freitag, hi, hi.....
Lg Franziska
26. Juni 2010

30.06.10 08:54
mini84 

Re: Polterabend wann?

hoi zäme

mir mached euse Polterabig ei Wuche vorem Hochziit.
Mine tüend zwei gueti Kollegine organisiere, well mini Trauzüügin vor drü Wuche Mami worde isch und darum eh nöd mitchan cho.

Mim GG sine tuet sin Trauzüüge organisiere.... er isch scho am zittere well er wahrschindli rächt wird unter d Räder cho.... (er träumt scho vo Borat-oder Catwoman- Verchleidig... hihihihi)...

ich han kei ahnig wo mir werded fiere, es wird aber so sie, das ich mit dä Mädels irgendwo gang go ässe, trinke etc, und min GG mit dä Jungs, und am Schluss händs ä grossi Lounge irgendwo gmietet wo mir eus dänn alli zäme träffed und no wieter fiered..

das händ min GG und ich so gwünscht, well mir findet, es mues nöd unbedingt immer voll usarte und am luschtigste im Usgang hämmers irgendwiä sowieso immer wämmer zäme sind...

huiuui, i 10 Täg isch dä ja scho!!!

juhu!! am 17.7.2010 isches sowiet!

03.09.10 13:36
Flintstones 

Re: Polterabend wann?

Ha no e blödi Frog a die wo zivil und kirchlich hüroted ... I hett jetzt immer denkt, dass de Polterobed vorem zivile isch... Aber wie xeh denn us, wenn s zivile öppe es halbs Johr oder einigi Mönet vor de kirchliche Hochzit wär? Wenn würdet denn ihr de Polterobed mache?

Mir hend immerno keis zivils Datum, möchted das aber scho bald mache und eigentli hend mirs au wölle "heimlich" mache. Wär das also doof, wenn mer de Polterobed ersch vorem kirchliche Hochzit macht?

03.09.10 13:52
cosmologia 

Re: Polterabend wann?

Hallo Flintstones

Isch kei blödi Frog.
Mir händ en Monat zwüsche Zivil und Trauig ka. Wos bi mir um en Termin gange isch, hani xeit, dass es mir gliich wär, wenn mir kein Termin gfinde würdet vorem Zivile. Mini Trauzüügin hät uusgrüefe und gmeint, das gieng ja gar nöd und dass de Polterobig sicher vorher müesst passiere. Naja, schlussendli händ dMädels kein Termin gfunde underenand, wo gange isch vorem Zivile und sie händs e Wuche vor üsere Trauig gmacht. Wie xeit, mir ischs egal xi, i xeh nöd ii, wieso mr kei Mädelsobig chan veranstalte, wenn mr scho ghürote isch.
E Kollegin vo mir fiired ez sogar 1.5 Johr nach ihrer Trauig ihren Polterobig.

Ich find Hauptsach luschtig

##Glücklich ghürote! 10 Juni 2010 -- 10 Juli 2010 2 perfekti Täg##

03.09.10 14:12
Dee 

Re: Polterabend wann?

also wenn ihr heimlich wänd hürate, denn gahts ja gar nid, de polterabig vor em zivile z mache. und wie scho paar mal da inne gschribe worde isch, müesse tuet mer sowieso mal gar nüt!

ich finde eher s gägeteil, ich mach nid gern d sache so, wies alli mached. z.b. han ich uf kein fall als hochzitsauto en oldtimer oder en amischlitte wele....

machs so wies für dich stimmt!

zu mim polterabig: de isch vor em zivile gsi und mir hüratet jetzt denn vier mönet nach em zivile no i de chile!

die Krönung unserer Liebe am 4.6.2010 und 2.10.2010

03.09.10 14:19
nimbini 

Re: Polterabend wann?

also ich finde, de polterabig sött meh vor de zivilhochzyt mache! wil ab dänn isch meh offiziell ghüratet und de ursprung vom polterabig isch ja, dass meh sis jungselle-läbe tuet verabschiede, also würdi das für mich nach em zivile irgendwie eifach nüme stimme! min polterabig (oder besser gseit polterwuche) isch ein monat vor de ziviltrauuig und d'hochzyt dänn 6 wuche nach de ziviltrauuig....

03.09.10 21:11
Belle85

nicht registriert

Re: Polterabend wann?

Also es Kollege-Päärli vo eus het em Nov. 2009 zivil ghürote ond tüent erscht em Aug 2011 kirchlech ond die hend no ke Polterobe ka mer wärde das es paar Wuche vor de Hochzit nochhole.

Bi eus werd ganz secher vor em zivile si för mech esch me denn eifach verhürotet "aus die Maus"

Lg Belle

Wir feiern das Fest unseres Lebens 28.05.2011

 1 2 3 4 5 6
Polterwochenende   polterabig   unvergesslichen   trauzeugin   organisatorischen   vorschreiberinnen   Wochenende   überraschungseffekt   einfach   hochzeit   feuchtfröhlicher   ungewöhnlichste   Polterabend   gemeinsamkeiten   polternachmittag   Junggselle-dasein   schichtarbeit   Freundinnen   Voraussichtlich   organisieren
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!