| Passwort vergessen?
Sie sind nicht angemeldet.  Anmelden
Polterabend / Ladysevent styling
 1 2
03.12.13 12:45
nisliker 

Polterabend / Ladysevent styling

hey hatte einen suuper polterabend am samstag gestartet hat er im

Coiffeur Hairlights
Weidmannstrasse 8
8046 Zürich

dort wurden wir ladys (13 Stück) gestylt bevor wir weiter gingen :) war der ober hammer!!!!! frisur wurde gemacht, geschminkt wurde man und die nägel wurden lackiert. kann ich nur weiterempfehlen:)

Gruss Nisliker

Zuletzt bearbeitet am 03.12.13 12:52

Datei-Anhänge
Polter.JPG Polter.JPG (81x)

Mime-Type: image/jpeg, 97 kB

pol.JPG pol.JPG (55x)

Mime-Type: image/jpeg, 92 kB

03.12.13 16:37
squishy-fishy

nicht registriert

Re: Polterabend / Ladysevent styling

Heyy wooow Nisliker!

So kuul, dii erst 14er Bruut het ihren Polteri gha (exgüsi, wenn ii wem was unrechts tuä und miich mit dere Ussag irre! )

Schön hesch demfall en lässige Abiig gha! Hend dini Ladies siicher froiid gha, sich so dörfä z'verwöhne looh. Wiä isch es denn wiitergangä? s Got nüm lang bii diir. I froii mii uf diin baaldige Hochziitstag bricht!

03.12.13 16:51
nisliker 

Re: Polterabend / Ladysevent styling

heeey squishy-fishy

ja vooool :) es isch eifach hammer gsie. mer sind denn mit 2 limusine abgholt worde und sind uf züri gfahre. det hani denn 50 shots "derfe" an ma (frau) bringe es isch sooo luschtig gsie!!! ha mer das u schlimm vorgstellt aber es isch würkli luschtig gsie i de gruppe ha nur 30 min brucht. ha immer gseit "derf ich dir en shot und en kuss uf bagge verchaufe) hihi

denn simmer is papa joes go esse mmmh. Isch au uu fein gsie. det sind immer wild fremdi manne an tisch cho und hend mir e rose bracht ha denkt woher hend die die!? sind ufem wc gstande mit de aleitig das sie die mir bringe söled. mega gueti idee gsie

zum schluss simmer si mascotte go tanze det isch denn die letscht ufgab cho. ich ha en lipestift übercho und ha soviel küss uf de rugge vom t-shirt müese sammle (vo manne) wie möglich dur das das mer fasch nüd gseh het im club hani die manne lippe recht luschtig agmaled es isch de brüller gsie. hend uuuu viel mitgmacht! kollegin het zum glück abschminktüechli debi gha. hemmer all wieder chöne abschminke

am 5i bini denn dihei gsie. isch eifach perfekt gsie für mich!!!

ps ha usgseh wie es barbie mit chröndli und boa

03.12.13 16:56
nisliker 

Re: Polterabend / Ladysevent styling

ps: ha leider nöd meh fotene... die andere wend mer die noni zeige...

Zuletzt bearbeitet am 03.12.13 16:57

03.12.13 16:59
squishy-fishy

nicht registriert

Re: Polterabend / Ladysevent styling

Wooow, dini Ladies hend siich ins Züüg gleiit für diich! Isch so toll diir zuäloose. Irgendwiä loots siich's für miich afühle, dass unser Hochziit au scho zum griffe nöch isch

Diä Idee mit dä Roose find iich ja hammer! Meega eh kuuli Idee! Schön hend d'Männer so mitgmacht! Druck diich und wünsch diir no viiel Erfolg bii dä läschte Vorbereiitige ins Ehe-Lebe!

03.12.13 17:00
nisliker 

Re: Polterabend / Ladysevent styling

danke squishy-fishy! hoff du wirsch au so en lässige polterabig ha hans i volle züg gnosse und eifach mitgmacht...

03.12.13 18:28
Jutta 

Re: Polterabend / Ladysevent styling

mal öpis anders - find ich originell für Ladys

Ich hatte einen sehr ruhigen Polterabend, ist schon eine Weile her. War nur mit meiner Trauzeugin in einem neueren Griechischen Restaurant bei mir um die Ecke. War für mich aber überhaupt nicht Griechisch, das Essen. Sie kochen dort Nouvelle Cuisine mit griechischen Produkten. In meinem Alter fand ich den Abend passend.
Leider hatte ich keinen Photoaparat mitgenommen...

Jetzt sind wir leider beide krank(meine Trauzeugin und ich) und am Freitag ist die Hochzeit!

Zuletzt bearbeitet am 03.12.13 18:39

Datei-Anhänge
Delphi in Zuchwil.JPG Delphi in Zuchwil.JPG (32x)

Mime-Type: image/jpeg, 238 kB

Delphi in Zuchwil2.jpg Delphi in Zuchwil2.jpg (24x)

Mime-Type: image/jpeg, 261 kB

03.12.13 20:47
daenu16 

Re: Polterabend / Ladysevent styling

Hey Nisliker, da tönt würkli mega toll. Dini Beschte hend sich sicher au mega gfreut sich no chli verwöhne z'loh! Und dass du i 30min 50 Shots verchauft hesch isch ja wohl rekordverdächtig!!!
Tönt jedefalls alles spitzemässig!

04.12.13 11:06
elea 

Re: Polterabend / Ladysevent styling

hey nisliker!
wow jez hesch scho din polterobe gha! d ziit vergoht wie em flug! dönd mega lässig was dini fröndine för dech ofd bei gstellt hend!!!!!
wie gohts der soshct so?
besch der scho bewusst dassd nöchst monet wersch hürote? ;)

04.12.13 13:19
nisliker 

Re: Polterabend / Ladysevent styling

hey elea

mir gats suuuper ja i 6 wuche hürati freu miiii

wie gats dir?

 1 2
dekorierte   rekordverdächtig   bearbeitet   abschminktüechli   Vorbereiitige   Hochziitstag   Griechischen   Verchaufsstand   schlussendlich   präsentiert   squishy-fishy   Weidmannstrasse   spitzemässig   mitgmacht   Ladysevent   weiterempfehlen   styling   Polterabend   gschenklisuechi   standartfrog
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!