| Passwort vergessen?
Sie sind nicht angemeldet.  Anmelden
Polterabig vo de Trix
 1
28.05.11 09:53
Trix77 
Polterabig vo de Trix

Min Poltrabig isch am letschte Samstig gsi.

Am Dunnschtig hani erfahre dass ich am Samstig am vieri bim Thermalbad in Züri sött si und det e Peeling-Bürschte-Massage bechume und i mini Mädels denn aschlüssend träffi.
Bevor ich im Thermalbad gsi bin, hani scho en andere Polterabig gseh. E Bündnerin isch am Bündner Spezialitäte verchaufe gsi.
Wo i denn endlich gwüsst ha wo i here muess und scho recht knapp dra gsi bin, lauf ich doch voll i min ex inne! Nöd dass es es Problem wär, aber wer trifft scho gern de Ex am eigne Polterabig?!?!?!? Tja, dass wär denn scho di zweit Poltergruppe gsi, aber di hämmer nüme gseh.
I bi denn friedlich mich go massiere la (isch also sehr empfählenswert) und wo i denn ussem SPA-Bereich usecho bin, händ mich mini Mädels mit Cüpli erwartet. Mer sind do nur 6 gsi und händ friedlich bädelet und zerst im innere und nachher no ufem Dach obe, wo mer e Ussicht über die ganz Stadt hät. Eifach super!
Wo mer denn wiiter sind händs mich natürlich no iikleidet. Es pinkigs T-Shirt (i ha nie pink a, aber es staht mer sogar no ), wo druf staht, wie lang das es no zur Hochzig gaht und hinde druf: "die Braut die sich traut" und "ihr Herz schlägt für M". Das hani mega herzig gfunde und natürlich de Schleier dezu.
So simmer dur di ganz Stadt gfahre und sind go afrikanisch esse. Det händ no zwei wiiteri Fründine gwartet so dass mer am Schluss z 8te gsi sind. s Esse isch ganz friedlich gsi und vor allem au sehr fein. Uf zmal isch eine verbi cho und truckt mer e Schoggi id Hand und wünscht mer alles gueti zur Hochziit. Man, bin ich verwiirt gsi! ok, er hät im Resti gschaffet und denn hani dänkt, speziell aber was sölls. Churzdruf abe isch denn en Gast mit Schoggi cho und denn hani scho dänkt dass öpis im Busch isch. Gli druf abe isch denn aber mini Kollgin miteme Chörbli voll Schoggi cho und hät mi ufklärt: das Chörbli händs bim Männerwc deponiert gha, aber die schlaue manne händ d Schoggi sälber gfuetteret anstatt mir zbringe und drum hät sis wieder mit gnho. für mich isch nöd so schlimm, dass i nöd all Schoggi becho ha, aber für d Kollegin isch es doch recht ärgelich gsi.
Vo dem her: näbed Rose die wärded nöd gässe . Andersiits wäns Rose gsi wäred, denn wärs für mich nöd so luschtig gsi. und d Schoggi hebet länger
Ja, nachher hämmer eigentlich no wiiter inne bar welle. Es paar sind scho hei, wills noch Chind händ und mir sind denn all vo usserhalb vo züri gsi und händ gfunde mer chönd au i de nöchi vo di hei no eis go trinke gha. jedefalls hämmer denn chli lang müesse uf de Zug warte, so dass all ruhig worde sind und chli müed. Wo mer denn acho sind, hämmer denn beschlosse, dass mer nüme eis gönd go zie. Eifach eis go trinke, dass öpis trunke isch und all müed sind, bringts au nöd. I bi denn no zu de Trauzügin hei, wo au min Fründ gsi isch (zum mich wieder hei bringe), det hämmer no chli quatscht und es isch eifach super gsi!
So hani mir min Polterabig vorgstellt: Friedlich und mit mine Fründinne. Eifach perfekt!

28.05.11 14:16
Romana82 

Re: Polterabig vo de Trix

du hattest ja einen sehr schönen Polterabend, so stelle ich mir meinen heute auch vor. Gemütlich zusammen sein und einfach einen tollen abend geniessen. bin sehr gespannt, wie meiner wird.


Wir heiraten am 3.6.2011 zivil und am 4.6.2011 kirchlich

 1
natürlich   empfählenswert   Thermalbad   afrikanisch   Polterabend   friedlich   gschaffet   Peeling-Bürschte-Massage   aschlüssend   SPA-Bereich   Poltergruppe   beschlosse   Dunnschtig   Polterabig   Spezialitäte   Andersiits   vorgstellt   gfuetteret   eigentlich   Schoggi