Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   Steph`s Polterweekend
Steph`s Polterweekend
 1 2
Steph

nicht registriert

am 16.08.2012

Steph`s Polterweekend

So bald isch es sowit und mis Polterweekend findet jetzt am Samschtig / Sunntig statt
Minni TZ het alles organisiert und es wird super -> würd ich au sage, wenn ich dä würd organisiere
Ich ha mega Bammel drvor, weiss halt nid was mich erwartet. Mi Schatz weiss über alles bscheid und er meint nur, es kunnt und wird alles guet, ich muess kei Angst oder keini bedänke ha!
Naja, ich weiss vo sim gar nüt aber das isch scho richtig so, suscht verplappere ich mi jo no
Ich ha minnere TZ scho gseit, ich wird mi nid lächerlich verkleide, ich will nüt verkaufe, geschweige den mich zum AFF mache! Mo luege, ob das wirklich so isch, muess halt nur kli Vertraue ha!

Ich ha jetzt es paar Infos beko! Treffpunkt und Zyt! Ich muess ganz in Schwarz ko, egal im Bikini oder im Rollkrage Pulli- das isch mir sälber überloh. Het aber um die 33 grad - also lieber lufftiger
Ich weiss au, dass mir nid in dr Schwiz bliebe, will es isch mol drum gange, wäg minnere Schwangere Fründin! Es isch alles Schwangerschaftstauglich organisiert und wenns nümmi würdi go, ka sie s`Taxi neh - kostet nur 5 Euro! Ok nid in dr Schwiz! Mol luege wos uns ahne ziet.

Jo leider isch es eso, dass mir urspünglich mol um die 12 lüt gsi sind wo ich iglade ha. Zweine ha ich den grad vo Anfang aa gseit, sie miesse nid ko, will sie es Theater gmacht händ. Den ha ich no sMami vo mim Gottebueb, sie ka nid, will sie anere andere Hochzit isch wo sie TZ isch. Und eini het scho dört abgseit, will sie jetzt im 7. Monet isch, was mir dört nonid gwüsst het. Jetzt fallt mi Schwöster us, minni Fründin wo Schwanger isch liegt im Spital - ka natürligg nid ko.
Jetzt warens noch sechs Wyybli
Egal wieviel mir sind, ich freu mi riesig druf und es sind jo minni wichtigste Fraueli drbi

Ich freu mi Euch den könne z`brichte, was ich alles erläbt han und wies gsi isch.

Bis dnnn dann



Steph

nicht registriert

am 20.08.2012

Re: Steph`s Polterweekend

So und jetzt isch mis Polterweekend au scho vrbi

aber es so schön gsi, do minni Story

Ich ha am Samschtig um 13.00h Treffpunkt am Barfi bi de Tel. Kabine ka. Ich ha nid gwüsst ob ich elei dört wart oder alli dr glich Treffpunkt händ. Es het sich aber den schnäll ufklärt, do alli zu mir ko sind. Wo mir komplet gsi sind, hets scho gheisse, los mir göhnd! Hmmm, het mi scho wundergno, wos ahne goht.
Nach 10 meter simer scho wieder stoh bliebe, mir sind im Kohlmanns. Es isch e Tisch reserviert für uns, schön dusse uf dr Terrasse. Mir händ dört öppis kleins gässe, mir miesse uns stärke hets gheisse. I has richtig agnähm gfunde, wär gärn höckle bliebe. Minni TZ het den e kleini Begriessig gsproche und meint: Do`s Dis Polterweekend isch, miess me das jo au erkenne
Ich ha am meisste Bammel vorem verkleide ka. TZ und dFotografin isch mit mir uf Toilette und händ mir die tolle Sache überreicht. Ich ha es pinkigs T-Shirt beko, miteme Fraueli druf, isch e lässig gsi. Blaui grossi Ketti, Blaui Ohrclip und e grössere Blaue Sunnehuet. Also es het wirklich fätzig ussgseh und ha mi au nid miesse schämme! Das isch jo au min Wunsch gsi. I ka alles wieder azieh. Also i bi richtig verschont worde
Am 14.15h hets den gheisse, so mir miend JETZT goh! I sag no, hihi wärde mir vo dr Limo abgholt......
Mir sind um dr Ecke vom Stadtcasino gloffe und was stoht dört! E Hummer Strech Limo !!!!
WOW , i bi us allne Wolke gheit, mi traum isch am Polteri in erfüllig gange. Mi GG het immer gseit, das gits nid, das sind schrott Karrene! Jo i ha mi mega gfreut, wo ich die Limo gseh ha
Mir sind den los gfahre und alli händ halt sua blöd gluegt, wie ich das au würd mache, wenn so e Limo durefahrt. Mir händ den afo Cüpli trinke, sind aber nur 2 Fläsche gsi, es isch jo au mega heiss gsi, do hättsch jo grad e Kläpper im Gsicht ka!
Mir sind den uf dAutobahn gfahre A5 Richtung DE, i ha so e ahnig ka, wo mir ahne göhnd. FREIBURG
Es het sich den au bestätigt, mir sin din Freiburg ako. Ich lieb die Stadt, es isch so toll und au die Flüssli wo m ka im Wasser laufe und das zmitz in dr Stadt. Das het nämlich sehr guet do, bi däne Temperature.
Dr Hummer het uns den vor Pension Paradies gfahre, wo mir den au Übernachtet händ.
Mir händ den unseri Zimmer bezoge, es isch ganz eifach gsi, d`Langschlöfer sowie die wo nid so lang schloofe sind zämme im Zimmer gsi. Sehr unkompliziert.
Es isch ganz e schöni, schlichti, härzigi Pension gsi, i würd alles genau so irichte. Unsere Fahrer het nur gmeint, mir händ sBeste usgsuecht, s`ässe isch do dr Hammer.
Nachdem mir uns in de Zimmer igrichtet händ und mir uns ekli früsch gmacht händ isch es witer gange richtig Stadt. Es isch nid wit gsi zum laufe, 6-8 Minute.
Mir händ e halt gmacht inere Gelatteria. Hmmmmm, so fein. Das het ricjtig guet do und het dr Körper ekli könne abekiehle. Mittlerwile ha ich dr Huet wo ich beko ha, nümmi aa. Es isch enormi Hitz und das het sich extrem gstaut, drunter! es isch mr nur no abe gloffe.
Nachem Dessert simmer no kli go shoppe, ich ha nid mol vor ka öppis zum Kaufe aber ha alles gfunde, wo ich no ha miesse ha.
Jetzt äntlich ha ich Schueh für`s Standesamt und es Clutch Täschli. I ha in dr Schwiz nüt gfunde wo mr passt und den fahrsch nach Freiburg und findsch grad alles. Das isch super gsi
Mir sind den no kli umegschlenderet, leider het TZ miesse Telefoniere, will es isch öppis in dHose, mr sind amene Ort gsi und mir händ uf öppis gwartet aber isch nid ko. I ha erst spöter erfahre um was es goht.
Sie hätte e Stadtfiehrig plant, doch die Person wo das hät sötte mache isch im Spital, mit em Velo isch sie umkeit. TZ het den gseit, es kunnt e ersatz aber erst uf die 9i, vorher gohts nid. Sie händ das aber zerst mit em Resti miesse kläre, will das eigendligg uf die 9i reserviert worde isch.
Isch aber keis Problem gsi, wenn mir zerst göhnd go ässe und den dStadtfiehrig mache, mir sind den uf die 19.00h ins Resti go ässe, es isch den halt alles kli schnäller gange, dass mir sicher am 9i wieder am andere Treffpunkt sind.
Mir sind im Resti Coucou gsi, dr Hammer, hmmmm so fein gsi würd grad wieder goh und es isch nur zum Empfähle! Mir händ s`ässe nonid ka und plötzlich stoht e ältere Maa mit ere Rose hinter mir und spricht mi aa. "bist du Stephanie" ? i bi so perpläx gsi, dass ich wieder ewäg gluegt ha und zu minne Wybli gseit ha " was will dä vo mir und wieso weiss dä wie ich heiss" bis ich gschnallt ha, das es jo um mich goht un dich jo am poltere bi, luter gmietlich im Resti sitze, ha ich das vergässe!
Ich ha die Rose dankend agno. 10 Minute spöter kunnt nomol e jüngere Herr und isch s`gliche Spieli. Danke
Unseri Tisch nochbere, 2 nätti, jungi Herre dr einti isch ufgstande und het gfrogt ob er dFläsche mit de Rose drinn nid mit Wasser söll fülle. Ich bi überrascht gsi, wie fründligg dä gsi isch, ha eher als Macho igschetzt! Er kunnt zrugg mit ere Rose mehr :b



Steph

nicht registriert

am 20.08.2012

Re: Steph`s Polterweekend

es isch schön gsi, jetzt ha ich 3 Rose ka! Jo den sind no 2 witeri ko. Jo bis mir den gange sind, es isch halt kürzer iplant gsi, will mir witer händ miesse. Isch aber es schöni Überraschig gsi.
Am 9i hämmer dr Termin mit dere Frau ka, wo uns dFiehrig macht.
sThema wäri gsi, die "Wanderhure" aber dos jo öpper anderst gmacht het, isch "die Hexe von" verzellt worde. Die Satdfiehrig isch super interessant und unterhatsam gsi. Es isch viel agnähmer gsi, als wenn mir das am 6i gmachr hätte. Also sicher vo de Temperature här.
Mir sind den öppe uf die 22.30h fertig gsi und es isch immer no 28 grad gsi, puhhhhh
Mir sind den ins Divino, das isch es Lokal gsi Ässe und Disco! Mir isnd in disco, dört isch es für e Moment emel schön agnähm gsi. schön klimatisiert.
I ha scho Angst ka, dass e stripper kunnt will es het überall vorhängli ka, zum zuezieh.
Es isch aber zum Glück keine ko, dass ha ich nid welle, gfallt mir eifach nid.
Mir händ den dr schöni Oobe in dere Disco usklinge loh und händ bis ca. 02.00h gfiehrt ka. Bitzli drunke, bitzli tanzt..... gang gemütlich ohni tam tam. Schluss äntlich simmer 4 Polteri gsi, alles Fraue mir sind die kleinsti Gruppe gsi. Aber i find mir händs super toll ka. Au wenn mir nid Kanone Voll gsi sind.
Mir sind den richtig Pension, heim go schloofe. Es isch mega heiss gsi, mir händ grad shcräg unterem Dach gschloofe. dNacht isch kurz gsi für unser Zimmer. Mir sind a, 8i scho ufgwache. Mir sind halt im Zimmer der nicht langschläfer gsi
Mir händ den gwartet bis die andere au sowit sind und sind uf die 11i go zmörgele, Brunche!
Es isch e Hammer Buffet gsi, do ka s 3 Könige abfahre...... nschliessend hets no Zmittag geh und das alles für 10 Euro 90!
Es isch alles eifach super gsi, sogar d`Zugfahrt heime!
Es isch e unvergässlichs, tolls Weekend gsi, es isch halt leider so schnäll umme
Ich ha so liebi Fründinne und es het eifach guet do, so e Weekend mit Fründinne z`erläbe. Alli zämme ! I bi immer no überwältigt.
Eifach Dangge

I bi für e wiederholig


So das wär mis brichtli



lululuana  am 20.08.2012

Re: Steph`s Polterweekend

Steph, tönt würklech nach emne super Polteriwucheänd!



dia

nicht registriert

am 20.08.2012

Re: Steph`s Polterweekend

Hey Steph, das tönt nacheme super Polterweekend!
Die Führig in Freiburg ha ich au scho gmacht, die isch wirklich cool. Aber scho lang här...
So, jetzt ka dr nägsti Daag ko...

Lg, dia



jusi  am 20.08.2012

Re: Steph`s Polterweekend

tönt nach vill spass! schön, hesch du ä tollä poltertag kha...



Lula  am 20.08.2012

Re: Steph`s Polterweekend

Hoi Steph, tönt nach am ne super guete Polterweekend!



CoRa  am 22.08.2012

Re: Steph`s Polterweekend

hey steph, das dönt super!
do heisesch dini mädels aber müeh geh!



Steph

nicht registriert

am 24.08.2012

Re: Steph`s Polterweekend

Jä, es isch wirklich super gsi



Vikunija  am 24.08.2012

Re: Steph`s Polterweekend

Hey Steph, tönt ja echt mega lässig dis Polterweekend!
Cool e Hummerlimusine! Händ mir am Hochziit au vonere Fründin gschenkt becho, händs Hammer gfunde

De bin ich ja gspannt für inere Wuche!
LG



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.