| Passwort vergessen?
Sie sind nicht angemeldet.  Anmelden
Streit nach JGA von ihm
 1
29.05.19 18:40
Erundich 
Streit nach JGA von ihm

Hallo liebi forumsmitglieder

Ich bin bis jetzt immer nur stilli mitläserin gsi aber jetzt han ich es problem wo mich sehr beschäftigt und erhoffe mir vo eu vieli objektivi meinige und evt. Au no es paar gueti tipps.

Ich bin mit mim partner sit 2 jahr zäme und imene monet hüratemer.

Nun zu mim problem: er hät letscht wuchenänd jga gha und det isch einiges minere meinig nöd ganz glücklich gloffe.
Es isch e überaschig gsi für ihn und ich bin sowiit i gweit worde dasi gwüsst han wänn und wo ane dases gaht. Mir isch gseit worde vom kolleg, dass er am do abig "entfüert" wird und nöd gseit überchunt wos ane göchi. Snatel nämeds ihm au weg aber er werdis am fritig morge wieder übercho. Nachdem ich de ganz fritig nüt vo mir fründ ghört han, hani sin kolleg gfrögt warum er nöd schriibi. Er hät dänn gseit das de trauzüge entschiede hegi, dass er sis natel sganze wuchenänd nöd zrugg überchunt. Das han ich logischerwis scho nöd so witzig gfunde. Sie händ dänn probiert a zlüte aber ich bin unterwägs gsi und han ihne gseit ich chöni im momänt nöd abnä. Uf dfrag warum dänn das müesi sie häts gheisse er mälde sich dänn über de anderne ihres handy bi mir. Das ischs letschte wo ich vo ihne allene ghört han.
Uf fb hani dänn status vo eim wo debi gsi isch gseh, dass sie sehr usglasse bis am 9i am morge gfiiret hän.
Wo sich dänn min fründ am sunntig nami gmolde han bini zimli hässig gsi.
Ich bin mega enttüscht, dass er sich eifach nie gmulde hät. Er wiederum isch sauer will er findet ich bin absolut grundlos sauer und ich möchi nur es theater will nöd alles genau so gloffe isch wie ichs hegi welle...

Mir sind deswäge sit 3 tag nur no am striite und es wird immer verworrener. Mir händ no nie so en striit gha und ich bin im momänt absolut verzwiflet will ich eifach nöd weis wiemer da use chömed und wie das dänn au a de hochziit imene monet söll werde.

Findet ihr au das ich absolut übertribi und ihm nüt mögi gönne?

Mich stört, dass sie vorher säged sie heged plant, dass mir eimal pro tag skyped aber sie sich eifach nöd mäldet. Wänns vo afang a gseit heged, dass sie eifach swuchenänd unter sich wänd gnüsse wärs ja o.K gsi aber so find ichs eifach nur denäbet.

Danke allne wo de lang text zumindest mal läsed und freu mich über vieli antworte

 1
objektivi   logischerwis   überaschig   antworte   absolut   unterwägs   überchunt   mitläserin   glücklich   forumsmitglieder   entschiede   übertribi   enttüscht   swuchenänd   beschäftigt   zumindest   verzwiflet   hüratemer   wuchenänd   verworrener
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!