Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   Tropicana's Polterabend
Tropicana's Polterabend
 1
Tropicana  am 30.08.2010

Tropicana's Polterabend

Ab em 5i han ech müessä be mer dihei parat si ond warte, öpä am viertel ab 5i heds de glütet ond mini Schwöschter und 6 Kolleginnä send voll belade vor de Türe gstande. De händs mer als erschts emol es T-shirt gä zum aleggä, vore drof esch gstande: Letzte Chance!!! (Bin bald unter der Haube). Die eintä händ de en Apero parat gmacht und mer händ mol uf de bevorstehend Obig agstosse. Ergendwenn händs de gmeint, so jetzt müend mer dech no fertig aleggä, de hani scho dänkt, oh hilfe, was chonnt jetzt… Esch aber alles halb so wild gsi. Ha an Cowboyhuet becho, wo öberall chli Schläckzüüg drag hanget und drigsteckt gsi esch. Nochhär händs mer en Gürtel agleit, wo fascht rundume mit chlinä Schnapsfläschli ond Redbull-shots behängt gsi esch. De heds no es Rucksäckli gä för mech wo au no Fläschli draghanged send ond i Rucksack ine händs mer en „Tank“ gstellt met emä Schluch dra, damit ich au öpis zum trinkä gha han (grüenä Wodka). Ond das ganzä esch de no gschmückt wordä met zwöi Härzli-Ballön. För sech händs de notürli au no öpis zum trinkä mitgnoh. Woni de parat gsi be händ mer grad scho müessä uf de Bus för uf Lozärn abe. Sie händ mer no churz gseit, ech müess jetzt äbe die Sache de Verchaufä, damit ich mer mis zNacht chan verdienä ond em beschtä Fall no en Drink för mech ond för mini Schwöschter (sie heds organisiert).
Em Bus beni de notürli chli schräg agluegt wordä ond zerscht hani mi noni so wohl gfühlt so uffällig kleidet. Zudäm heds äbe au tönt wie wenn e Härdä Geissli mit Glöggli chämt cho zlaufä, wenn i mi bewegt han. Zerscht hani de chli Alaufschwierigkeitä gha, aber nach es paar Schlöck us mim Tank esch es de immer besser gange ond nach ca. 40 min. händs gfondä ech möchi das jo mega guet, ech sig vell zschnäll. 2 Kolleginnä send de nomol chli go Nochschuub poschtä. Mer händ uf jedä Fall alli eis huerä Gaudi gha, hed mega spass gmacht esch de ergendwie plötzli vell zschnäll verbii gsi! Uf die halbi 9ni send mer de is Restaurant go ässe, det send no 2 Kolleginnä dezuecho. Min Gürtel hani de chönnä abzieh, esch jo nüd me dra gsi ond de Rucksack met em Tank au, well de Tank esch läär gsi ond somit de Rocksack öberflüssig. De Huet hani aber aphaltä ond sT-shirt jo sowieso. Noch em Ässe send mer de no en ä Club chli go tanzä, hed mega spass gmacht ond ech be ergendwie öberhaupt ned müed wordä. Ech ha de mit mim Gäld chönnä mini Pizza zahlä, sDessert hed mer sRestaurant spendiert ond zDrinkä händ mini Kolleginnä zahlt em Resti. De ganz Obig hani mer chönnä Drinks chaufä ond för mini Schwöschter au, ond för alli 10 händ mer no e Rondi Shots spendiert vo mim Gäld. Je spöter as es wordä esch desto weniger Lüüt send mer de au weder wordä, zfüfte send mer aber no rächt lang am Tanzä gsi ond am viertel vor 5i am Morgä beni de au i mim Bettli gläge, ha aber voll ned chönnä schlofä, be no vell zfescht ufkratzt gsi! Es esch för mech eifach en mega lässige Obig gsi!



Tropicana  am 30.08.2010

Re: Tropicana's Polterabend

Do no es Föteli vo mim Outfit



Prisi9  am 30.08.2010

Re: Tropicana's Polterabend

he tropicana, das tönt aber au nacheme lässige Abig! Isch immer wieder spannend, wie unterschiedlich die Polters sind!! Leses immer gern... Danke für Din Bricht!

GLG Prisi

<3 Unsere Grossen Tage: zivil 10.09.2010 und kirchlich 11.09.2010 <3



ces  am 30.08.2010

Re: Tropicana's Polterabend

das gseht nacheme luschtige polterabig us cool!!!


******* Zivil: 27.08.10 & Kirchlich: 4.09.10 *******



Palchen  am 01.09.2010

Re: Tropicana's Polterabend

Hey Tropicana

Das tönt nach enem glungene Polterabig
Danke für din Bricht und s'Föteli.. Isch immer wieder spannend.


@-->-- Zivil 20.05.2011 --- Freie Trauung 28.05.2011 --<--@



cosmologia  am 02.09.2010

Re: Tropicana's Polterabend

Hey Tropicana

Coole Polterobig! Danke vilmol für de Bricht und sFöteli. Mitfiebere isch immer so cool

Grüässli,
cosmologia

##Glücklich ghürote! 10 Juni 2010 -- 10 Juli 2010 2 perfekti Täg##



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.