Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   Was händ ihr am Polterabig gmacht?!
Was händ ihr am Polterabig gmacht?!
 1
Tuefeli  am 14.04.2008

Was händ ihr am Polterabig gmacht?!

Hallo zäme
Ich bin nachli unschlüssig öbi söll en Polterabig mache oder nöd?! Was händ ihr so gmacht? Wievil Lüt sind so debi gsi? Wiä lang vorher händ ihr en gmacht?



nordliecht  am 14.04.2008

Re: Was händ ihr am Polterabig gmacht?!

ich han meyn polterabig in 1 1/2 mt (churz vor em zivilische). iiglade sind so um die 15 leyt. was mier machit weiss ich nid. en gueti kollegin vo mier tuet in organisiere. ich han ihrä gseit,wie ich mier das in etwa vorstellä und was ich uif kei fall will (z.b. en profistripper). innerhalb dem rahme hend sie aber freie spielruim. ich lah mich uberasche


miär freyid eys uif de 6. septämber 2008 :-)

Editiert 15.04.08



dragonfly  am 15.04.2008

Re: Was händ ihr am Polterabig gmacht?!

Hallo Tuefeli
Mer händ echli en anderi Art vo Polterobe gmacht.
Mer möge beidi die gängige Polterobe-Speli ned. Drom händ mer eus för en anderi Variante entschede ond zäme gfieret.
Mer händ ganz vell Frönde dezue iglade!
Esch ganz en lostige Obe/Nacht worde!
Grüessli

Wir heiraten am 6. September 2008!



smil09  am 12.05.2008

Re: Was händ ihr am Polterabig gmacht?!

Ich ha min Polerobig underdesse scho hinder mier. Mier händ än ä Wuche vor äm zivile und zwei Wuche vor dä chirliche Hochzit ka. Ich bi zersch au nöd sicher gsi öb ich das überhaupt wött aber i muess säge es isch total lässig gsi und i bi froh, dass da für mich organisiert worde isch. So pinlichi Polterobig Spieli mueni au nöd ha, aber das isch mer zum Glück erspart bliebe. I ha scho chli müese Geld verdiene aber die andere händ mer debi gholfe. Eigentlich händ sie sogar dä peinlicher Teil übernoh. Das isch für mich absolut ok gsi und mier händ üs sogar chöne än türe Apero damit finanziere. Es wär zersch ä chli heftiger planet gsi aber mini Schwöstere wo mich guet kenned händ denn Isproch erhobe. I dänk es isch eifach wichtig, dass öpper dä Polterobig organisiert wo eim guet kennt und weiss wa me gern hät und wa nöd oder dass me eifach ganz klar seit wa me nöd wött. Ich würd’s jeder Zit wieder mache. Es wird die Glegeheit nie me geh, denn me hüroted jo nur eimol. Zumindest gömmer doch do devo us, oder? Die Glegeheite mueme usnütze


No 5 Täg bis zum Zivilhochzeit und 12 Täg bis zu dä chirchliche Hochzit...



Sibylle  am 12.05.2008

Re: Was händ ihr am Polterabig gmacht?!

I mache nächst samschti my polterabe!
also 2wuche vorem zivile und drei wuche vorem chirchleche, gehit när ebe nümme!
Mir hei abgmacht dass mir froue bi üs hingerusse düe grilliere bimnä guete glas wy e gmüetleche plouderi abe:-) hei no paar spiele wie activity..... hoffe mir heige e guet abe zäme!

d manne göh uf suftour mit seriösem chauffeur!


daniel & sibylle heiraten am 30.05.2008 / 07.06.2008



madmadi  am 12.05.2008

Re: Was händ ihr am Polterabig gmacht?!

Be öis esch es ou so, dass Frönde bzw. d Trouzüge üsi Polteröbe tüend organisiere. No wösse mer beidi weder wo no wenn no was. Einzigi Bedingig be mer esch ou gsi, dass si kei Stripper organisiere - i fende die eifach gruusig. Wenn's mim Schatz eini wänd bueche, wo sech abzieht, esch mer Worscht, i vertroue'n'ehm.

Aber öppis gmüetlechs wär secher easy. Jedefalls wetti ned, dass alli no weiss ich was för Gäld usgänd... woni nie met ergend welchene Verchäuferli-Aktione chönnt inehole...


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!



Angie13  am 13.05.2008

Re: Was händ ihr am Polterabig gmacht?!

Hallo zäme

Ich werd min Polterabig am 31. Mai ha. joo. das chönt no luschtig wärde

Eigentlich hani gar ned welle poltere, han aber mittlerwille mit übercho, dass ich schiinbar es T-shirt träge muess mit üsere foti druff und was dänn no druff staht ui a das willi gar ned erst dänke. I hoffe i muess no so kosmisches züg mache. Mini Fründine händ ebbe zu mim maa gmeint, da müess Sie (ich!) halt dure. Aber so wies usgeseht chunt mis Mami au mit, wil sie chömet grad a däm samstig a. Sie wohnet im Ussland, drum isch das öppis speziells für mi.
Dänn hät i chli en unterstützig.

I hoffe ihr händ all en unpeinliche Polterabig

Grüessli



nordliecht  am 02.06.2008

Re: Was händ ihr am Polterabig gmacht?!


Ich habe meinen Polterabend überlebt
Es war ein überaus lustiger, ausgelassner und überhaupt nicht peinlicher Polterabend. Meine 13 Mädels kamen samt Apero um drei Uhr bei mir an. Da fing das Gewitzel und die Andeutungen über meine bevorstehende Prüfung an. Als erstens wurden mir gleich mal ca. 15 blaue Haarextensions reingeschweisst (zum Glück mit nur ein zwei Häärchen jeweils!),ich musste ein schön enges blaues Oberteil und blaue 3/4 Leggins anziehen, darüber kam ein tolles kurzes "Fätze"röcklein, die Haartupiert, geschminkt wie in den 80Jahre und dann zu letzt eine Schlumpfkappe. Fertig war die Punk-Schlumpfine. Das Thema war, weil ich in unserer Fasnachtsclique immer konsequent gegen dieses Thema gestimmt habe (das hat man dann davon ). Später ging es ab nach Luzern. Dort wurde ich mit einem Leiterwägeli ausstaffiert von derem Inhalt ich nichts wusste und musste mich bis unter die Egg (die Luzerner kenne diese) vorpreschen. Ich möchte nichht wissen auf wievielen Japaner Fotos ich verewigt bin. Unter der Egg endlich den ersten Halt. Sie meinten, sie würden mir nun einen langersehnten Wunsch erfüllen. Salsa lernen!! Juhuuu, sie hatten extra für mich einen tollen Profisalsalehrer organisiert. Innerhalb einer viertel Stunde probierte er mir beizubringen was man dafür braucht. Tja, jetzt kam der Hacken, ich musste so viele Männer wie möglich zum Salsatanzen überreden. Flankiert von meinen Mädels welche mit Demotafeln ausstaffiert waren (gratis Salsa mit Schlumpine, "nordliecht" poltert,weil es liebe ist, etc) musste ich das Männliche Geschlecht überreden. Was soll ich sagen, ich schaffte es auf sage und schreibe 35 Männer. Da hatte es das eine oder andere Exemplar dabei welche es wirklich im Blut hatte. Japaner konnte genau so dazu überreden wie 60 Jährige und Holländische Ruderolympiade-Teilnehmer. Drei Stunde war ich am Salsa tanzen, Cuba libre trinken und hatte ein riesen Gaudi dabei. Dann gings ab in die Havannabar, wo mein Liebster und ich uns das erste Mal geküsst haben. Dort wurde mir unter dem Namen "Schatzis Saft" eine Margeritha aufgetischt, da dies der Drink war den ich damals dort trank, dazu ne Hawaikette, mit div. Fotos von ihm und Herzblinkerchen. Anschliessend gings endlich zum Essen. Ich hatte seit morgen noch nichts gegessen. Meinen Stripper bekam ich auch, zum Glück jedoch in gebackener Kuchenform! Danach noch in eine weitere Bar bis ich drei Uhr morgens wieder zuhause landete. Müde, kaputt doch mit den besten Erinnerungen.

Meine Schatz musste eindeutig mehr leiden am gleichen Abend
Freut euch auf eure Polterabende !

Griässli
nordliecht noch immer todkaputt.


miär freyid eys uif de 6.juni 2008 & 6. septämber 2008 :-)

Editiert 02.06.08



runaway  am 10.06.2008

Re: Was händ ihr am Polterabig gmacht?!

Da ich vor der Hochzeit hochschwanger war (was für ein Glück ) und ich gar keinen Polterabend wollte, hat meine Trauzeugin dann folgendes organsiert:

Ich wurde zum "Pizza essen" mit der Trauzeugin eingeladen, was jedoch nur ein Vorwand war, mich abzuholen. Sie fuhr dann mit mir zu sich nach Hause, wo eine Hand voll meiner besten Kolleginnen auf mich warteten. Wir haben dann einen Frauenabend genossen und meine Trauzeugin hat für alle gekocht.

Noch heute finde ich es toll, dass meine Trauzeugin sich daran gehalten hat und keine peinlichen Sachen organisierte. Sie hat genau gewusst, dass es mich masslos geärgert hätte, solche peinlichen Dinge zu veranstalten.



moneli  am 21.06.2008

Re: Was händ ihr am Polterabig gmacht?!

Mein Verlobter hatte heute einen Poltrnachmittag. Was genau alles passiert ist weiss ich (noch) nicht. Aber ich durfte für ein Huhn und einen Hahn ein neues Zuhause suchen! Keine Ahnung, was der Sinn von diesen Tieren war. Ich finde das jedenfalls ziemlich mühsam und habe gar keine Freude daran! Mein Tipp, nichts mit Tieren, ist nur mühsam!
Grüessli moneli



 1

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.