| Passwort vergessen?
Sie sind nicht angemeldet.  Anmelden
Anderes Standesamt<?
 1 2
19.04.10 09:36
lostepa 

Anderes Standesamt<?

Wir Heirate nächstes Jahr im August. Jetzt möchten wir nicht unbedingt in dem Standesamt heiraten vom Wohnkanton sondern In einem anderen schönerem. geht das und vorallem was muss ich da machen und was kostes uns das? man muss ja auch noch so nen Ehevorbereitungskurs machen( koste, Warum?)
danke für eure Antworten

19.04.10 09:42
seeletaenzli 

Re: Anderes Standesamt<?

hallo lostepa

also en ehevorbereitigskors hend mer kene müesse mache...

uf emene andere standesamt cha mer hüürote. so vell ech weiss muen mer sech aber bim standesamt vom wohnkanton amälde. ond bi dem amäldeformular wo mer vom standesamt hed, chan mer agäh wenn mer uf emene andere standesamt hüürote möcht.

-- ~ mer verTRAUED üs ~ -- ~ 21.05.2010 ~ --

19.04.10 10:34
haexli75 

Re: Anderes Standesamt<?

Hoi Lostepa

dir chöit problemlos ufemene andere standesamt hürote. cirka 6 mönat vorhär chasch dr termin dert lo reserviere. eifach di ganze formalitäte (ehevorbereitig) muesch uf em standesamt vom wohnkanton mache. do derbi gisch när au a wo de de wetsch hürote und ds amt git när trauuigsermächtigung witter as amt vor hochzyt. das lauft när aber automatisch ab.

und zu dinere zwöite frog: auso vo mene kurs hät ig jetz no nie öppis ghört bzw. mir hei kene müesse mache.


** verliebt 7.7.1992 * verlobt 16.6.2007 * verheiratet 7.5.2010 **


21.04.10 11:07
lostepa 

Re: Anderes Standesamt<?



danke für euri antworte



Gesucht und gefunden in Liebe verbunden 20.8.2011




21.04.10 11:18
Carmile 

Re: Anderes Standesamt<?

hi lostepa

villicht häsch de ehevorbereitigskurs vode kirchene mit em eheverfahre verwechselt? eheverfahre tönt kompliziert, isch eifach en boge papier wod muesch usfülle wie denn heissisch, wod wohnsch etc. mer hend jetzt nögste mäntig de termin bim standesamt. mer mönd jetzt nur de pass mitneh, das isch aber abhängig dävo wod wohnsch, nationalität etc. (gsehsch alles uf dem bekannte eheverfahre dokument, das chasch ufde gmeindhomepage ide regel abelade).

nochher krieget mer e bestätigung und die schicket mer as andere standesamt wo mer tüänd zivil hürote. üses hät üs nöd gfalle bzw. isch zu chli gsi. jetzt tüänd mer im schloss arbon, freu mi scho und nachher gahts gad an see :-)

seinzig wod beachte muesch..es git standesämter wie z.B. pfäffikon schwyz wo brutpaar usde gmeind bevorzuget mit em termin und erst 3 monet vor em hochzit chasch de termin reserviere und zwor ab denn wod au muesch zum standesamt uf dinere gmeind (es git die frist..d.h. frühestens 3 monet vor de hochzit udn spätestens bis 10 tag vor em hochzit muesch döt verbi). das wär mer viel zu knapp, es zu grosses risiko. in arbon isch es easy gsi, hend sogar scho 8 monet vor em hochzit chönne reserviere.

es tönt alles kompliziert, isch es eigentli aber gar nöd :-) grüesslis und viel spass bim standesamt ussueche. wieviel lüt sind er denn? wo wettets er mache? mer isch z.B. wichtig gsi, dass 20 lüt inepasset, de ruum chli schön isch, nöd zu modern und dass dlüt nöd amene grosse runde tisch sitzet (sorry, erinnert mi a meetings), sondern hinter üs i reihe (in arbon gäbs imfall au no en saal wo 100 lüt platz hend, en schöne rittersaal)


21.04.10 11:42
lostepa 

Re: Anderes Standesamt<?


Hallo Carmile

Wow jetzt bini glaub grad standesbeamtin worde. hihi

nei danke vielmols. i mues mol luege. mer chömet vom kanton AR mini Kollegin au und die hät irgendwie so näbis müesä mache. i mue si nomol frogä.

mer hend sgrossä fescht nochene im Schloss Hagenwil (nochem kirchlichä) und mer hend döt ebe au erfahre ds mer sogenante grossmuetter stübli au chöntet ne für zivil. mer sönd nur Trauzügä 2 kind und mer natürlich. also vo dem hetis platz.

jä i muess das mol aluege mitem standesamt aber ich han jo no chli zit.



Gesucht und gefunden in Liebe verbunden 20.8.2011

21.04.10 11:46
Carmile 

Re: Anderes Standesamt<?

hi lostepa

au cool, schloss hagewil het mer au gfalle, däfür sind mer aber scho zu spoht gsi. mer gönd aber am fr. mit minere probefrisur döt go esse:-) mer hend ebe bewusst welle standesatmlich näbä anderst fiire, eifach so zur abwechslig :-)

machet ihr döt au no paarfotos? i meinti sbettinli täg au döt hürote, aber ihre isch gseit worde sie hettet nöd zu lang zit, will meistens hends jo 2 trauuige pro tag. aber ebe, bin nümm sicher. nur dass es mol abklärsch.

grüessli


21.04.10 11:59
lostepa 

Re: Anderes Standesamt<?

jo vo dä abwechslig her isches sicher besser. mol luegä

paar fotos kömmed den am kirchlichä mol luege vermutlich drucki den am trauzügä am zivilä mini kamera id hand. mol gucken

i weisses nonig i han zum glück nochli zit.
wegem termin jo das isch es mega bim schloss i haan letzt august aglütä wegem termin den 20.8.2011 und do het de herr angehrn gseit keis problem sie heget 1 wuche vorher au scho es hochzit



Gesucht und gefunden in Liebe verbunden 20.8.2011

21.04.10 12:00
nimbini 

Re: Anderes Standesamt<?

hey lostepa, mir hüratet au im schloss hagenwil es isch sooo schön det! mir händ eifach die zivil trauuig im chliine rahme mit apero und nachtesse, freu mich riesig! hetted au gern s'grosse fescht det gha, aber für das isch es eus dänn e chli z'wiit weg gsi, mir händ nöd welle, dass alli gäscht müend det übernachte.....

21.04.10 13:44
bettinli 

Re: Anderes Standesamt<?

wiä scho vo dä carmile erwähnt, hürote ich au im schloss hagenwil. zivil, aber mit allem drum und dra. mir hend trauig im rittersaal (weiss nöd, öb mer da aber immer no cha - isch nümä uf dä homepage ageh) döte passed ca. 45 gäscht inä und so viel hemer grad a gladnä gescht.

wieviel trauuigä das pro tag mached weiss i nöd. nur das mer vom 09:00-13:00 chan trauuigä machä.

paarföteli mached mir nöd dötä, will ich will jo den erscht uf di 1 döt anä go. mir mached in bischofszell um/uf/under dä Thurbrücke.

schloss hend mir über ä johr vorher reserviert.

********** Unser Fest findet am 29.Mai 2010 in der **********
Ostschweiz statt

 1 2
Anderes   Standesamt