| Passwort vergessen?
Sie sind nicht angemeldet.  Anmelden
Apéro: Reicht das?
 1 2
24.04.13 07:29
elea 

Re: Apéro: Reicht das?

ebe i denke es chont au sehr ofd gäscht a. di einte wend sech de mage voll schloh ond di andere send do eher zrog haltet. i be eifach der meinig de apero esch kes menu. bim apero gohts jo primär drom zeme azstosse ond nebe bi es häppli zesse.... mer hend au ke reese apero, aber eifach au nor weli weiss das eusi lüt ere fokus meh ofd getränk legget

24.04.13 08:55
sonne13 

Re: Apéro: Reicht das?

also ich be de gliiche meinig wie d'elea, en apero isch keis menü und ersetzt kei mahlziit. es isch halt eifach öppis z'schnouse dass me doch chli öppis im maage hed wenn me am aastosse esch do muess mer jo nochhär ned vollgfrässe sii! vor allem bi de gladne gäscht isch es jo wirkli schaad wenns denn s'menü nümm möged... und irgendwie dunkt mi alle, je meh dass es ume hed, umso meh wird halt gässe. oft dunkts mi, wenns buffet ned so überlade usgseht denn hebed sich d'lüüt automatisch chli zrugg (aber es gid natürlich immer hamschterndi usnahme )...

25.04.13 22:01
kleinefeder 

Re: Apéro: Reicht das?

Ich denk au, die meischte Gäscht händ jo au nöd dä Aspruch, dass es bime Apero für alli Persone soooo viel z esse git. Und die wo enttüscht oder hässig sind, wenns nöd meh als es paar Häppli und gnueg z trinke überchömed, die sind definitiv deplaziert. Klar söttis nöd z wenig ha, dass jede grad mol eis Pommchipsli und es Salzstängeli überchunt, aber das isch jo sicher nöd so bi eu...

26.04.13 09:01
FringillaVigo 

Re: Apéro: Reicht das?

Aso, ig gseh das scho oh so, as es Apero keis Menu isch und me sich nid gierig druf sett stürze, aber wenn me nur e chlineri Uswahl abietet, wie Spiessli und Platte und nid 20 völlig verschidni Häppli, de setts glich so viel ha, drmits für jede vo allem mindischtens einisch längt. Ig meine, wenn me als letschte asteit u geit go hole, isches emu schad, wenn nach eim "Durchgang" scho d Hälfti vo de Täller läär isch, nid?

26.04.13 14:38
Feeldgood84 

Re: Apéro: Reicht das?

Merci für euchi zahlriche Meinige! Es fählt mer jetz no 1 Amäldig und bi öperem weissi noni öb mit oder ohni Chind...Wenni das weiss frogi nomol die vom Schiff was sie meine.
Vielleicht muess mer ou d'Ziet chli bedänke: am 17.00 - 18.30 het me sicher meh Hunger als am 15.00h...

Hüt i 3 Wuche isch es sowiet: 15.00 Standesamt

08.05.13 13:32
Feeldgood84 

Re: Apéro: Reicht das?

So, i ha euch no schnäu wöue update:

Mir si totau 30 Erwachseni und 3 Chind. Die wo s'Apero mache hei ou gmeint, es wär chli knapp.
Jetz hani no 1kg Speckzopf dezue bschtöut. So sötts guet länge, het sie gmeint....

Wünsche Euch e sonnige Nomittag!

 1 2
Ansichtssache   hamschterndi   verschiedene   Buschtrommel   Bündnerfleisch   Salzstängeli   Referenzwärte   schwupp-di-wupps   Kartoffelsalat   Spiessli   nachzufragen   mindischtens   Hallwilersee   grossartiges   Schifffahrt   dazubestellen   Pouletbrüstli   theoretisch   wahrscheinlich   Melone-Spiessli