| Passwort vergessen?
Sie sind nicht angemeldet.  Anmelden
Brautstrauss fürs Standesamt?
 1 2
05.06.08 19:49
Yasi 

Re: Brautstrauss fürs Standesamt?

Hey Nordliecht und Angie13

Ich wünsche oi vo Herze ganz en tolle Tag morn. Hoffentli chönder no guet schlafe, nöd das ihr morn voll übermüedet sind.

Gnüssed de Tag und verzelled ois denn echli, wies gsi isch.


Mir froied ois extrem fescht uf oises Hochzig am 1. August 2009!

06.06.08 08:35
nordliecht 
Re: Brautstrauss fürs Standesamt?

angie13
auch ich wünsche dir einen wunderschönen unvergesslichen tag! bei dir geht es jetzt gerade noch 2 1/2 std und dann steht euer grosser moment vor der türe. als ebenfalls zweitheiraterin wie du, freue ich mich besonders mit dir, dass auch du ein zweites glück gefunden hast. ich weiss nicht, ob du ähnlich empfindest, wie ich. diese besondere dankbarkeit und freude über dieses glück und das wissen darüber was es heisst, wie stark man daran arbeiten muss, dass es auch immer wieder so ist, lässt diesen schritt umso bewusster gehen.
dir alles alles liebe, geniesst diesen schönen tag, trotz des schlechten wetters.
übrigens wir haben ein tolles hochzeit datum, da die venus die nächsten tag total hinter der sonne verschwindet. das kommt nur alle paar generationen vor. das letzte mal ca. 1878, das nächste mal 2121. das heisst, dass die liebe die chance bekommt, alte wunden welche an sich gar nicht bewusst ist, ganz verheilen zu lassen, um danach völlig unbelastet neu anzufangen. ist doch schön!!

ich werde erst um 16.00Uhr heiraten. ich denke an dich um 11.uhr, dann bin ich beim coiffeur

hochzeytsgriäss

nordliecht


miär freyid eys uif de 6.juni 2008 & 6. septämber 2008 :-)

06.06.08 09:26
dodo10 

Re: Brautstrauss fürs Standesamt?

@nordliecht
@Angie13

Ich wünsche eu zwei ganz en schöne Tag!! Gnüsseds i volle Züg, au wenns regnet.

Bi sovill Glück wird i euem Herz sowieso d'Sunne schiene!

Liebs Grüessli dodo10


Dä 14. Juni 2008 chunt immer nöcher...!

06.06.08 10:25
jovia

nicht registriert

Re: Brautstrauss fürs Standesamt?

hey nordliecht!!! hütt isch dey gross tag - sooo schön. gniess jede momänt mit allne sinne - obwohl's ja eher en "nüchterni" sach isch, isch es eifach unvergässlich und wemmer denn bim "ja" säge enand in d'aige luegt chribbelets im ganze körper .
hoffe dey chley lahd deys hosebey wenigstens hütt am 4i mal churz los .
alles, alles gueti!
liäbs grüässli
jovia



29.02.08 & 19.07.08

08.06.08 16:06
Tegerli 

Re: Brautstrauss fürs Standesamt?

Hoi zäme

Mer hend am Friitig am vieri zivil ghürote. Noch de Trauuig hend eus mis Gotti ond min Götti met erne Partner öberrascht. Aschliessend send mer zo sim Mami hei go ässe. Es esch mega fein gsi ond en wonderschöne Obe.

Aber be mer ergendwie gar noni so bewosst das mer jetzt ghürote send.

Ech ha öbrigens kei Bluemestruss gha. Ha aber eine im Zivilstandsamt öbercho, wo ded för eus abgä worde esch (vo mine Grosseltere) ond nochher dosse hani no eine vo mim Gotti öberreicht öbercho. Be grad froh gsi hanech selber kene gha.

Liebi Grüess Tegerli

09.06.08 08:49
nordliecht 
Re: Brautstrauss fürs Standesamt?

danke für die guten wünsche!
es war ein wunderschöner tag trotz dauerregen. eigentlich dachte ich, dass ich beim zivilen ja-wort sicher nicht nervös werde. falsch gedacht. mein herz flatterte die ganze zeit und erst als das ja wort vorbei war, wurde ich ruhig. der standesbeamte hatte eine romantische zeremonie gestaltet. dazu noch das wunderschöne ratshauszimmer in sursee. es war perfekt. endlich darf ich dem mann an meiner mann ehemann sagen. hach, kann es gar nicht beschreiben
sogar der jüngste junior hat mich mal losgelassen am abend dann endlich einmal einen ruhigen moment nur mit unseren beiden trauzueugen und ihrem ehemann/frau bei einem super feinen essen. schlussendlich hatte mein liebster noch eine tolle überraschung vorbereitet. eigentlich war geplant gewesen, dass wir bei seinen eltern übernachten (wegem budget ), als wir jedoch aufbrachen, zauberte er plötzlich einen zimmerschlüssel vom hotel hervor, welches über mit herzballonen und rosenblätter dekoriert war. jöööhh, mit sowas habe ich doch nicht gerechnet und war völlig aus dem häusschen

griässli
nordliecht, noch nicht ganz in der wirklichkeit




miär freyid eys uif de 6.juni 2008 & 6. septämber 2008 :-)

09.06.08 10:04
jovia

nicht registriert

Re: Brautstrauss fürs Standesamt?

ups, grad jetzt gseh dass du ja hie alles beschriebe hesch .

schön dass iers guet gha hend und mier isch es genau gleych gange - han ai immer dänkt dass ich bim zivile sicher nid nervös wärde sey, aber biz schmätterling im buich han ich denn doch gha . und d'überraschig vu deym ma isch ja superschöööönnnnn gsi!!!!!

Zitat:




PS: deyni fuesszeile muesch jetzt nur nu ändere vo wäge "mier freyid eys uf de 6. juni"

29.02.08 & 19.07.08

09.06.08 13:29
Angie13 

Re: Brautstrauss fürs Standesamt?

Nordliecht

Viele Dank für die schöne Wort. Mich häts grad tschuderet. Ich han au a di dänkt nur hani ned gwüsst um welli ziit dasd hüratisch. Am halbi 7 hani dänkt Nordliecht isch jetzt au ghürate

Womer i dä Trotte gsi sind churz bevors a gfange hät, hani zu minere Trauzügin gseit: chlüb mi bitte, isch das sicher kein Traum?
Es isch so schön endlich dörfe glücklich z sii und d wahri liebi dörfe efahre. Ich bin sehr dankbar, und säg viel eifach nur danke. Danke für das wunderschöne was mir im Lebe passiert isch.
Ich han mim maa hüt das gseit wäg dä Venus wo du gschribbe häsch. Er hät dänn gseit: gsesch wie guet das ich gseit han dä 06. und nöd dä 13. Will i hät gärn am 13. juni ghürate. Has es schös datum gfundä. Aber dä 06. Juni passt viel viel besser.

Mir händs würklich wunderschön gha. Mir händ all die Mänsche um eus gha womer am meiste liebet. Und d kind händs au gnosse. Chunt ja ned alli täg vor dasd d chind bi dä hochziit vo dä Eltere debi sind gäll. Sie sind au sehr nervös gsi. Und händ nöd gwüsst was passiert.

Aber am Samstig händs dänn Freud gha. Womer hei cho sind hämer s ganze schlafzimmer volle Ballön und Confetti gha. Und i dä tuschi händs eus no en garte gmacht Aber bevor mer det ufe cho sind hämer no X becher müesse usleere will die ganz stege voll becher mit Wasser drin gsii isch. Han nöd schlecht glueget. Uf idee muessmer cho

Ja so isches dänn dä ganz abig no wiitergange

Es sind 2 wunderschöni Täg gsii, mit viel emotione. Träne, us Freud, Lache, willmer glücklich isch. Und es Bruutpaar wo nur gstrahlet hät.

Es isch wie en wunderschöne Traum gsii.

@dodo10
Danke vielmal für dini liebe Wünsch. Ja mir händ d sunne im Herzä gha. G regenet häts eigentlich ned, aber es isch scho ziemli chüel gsii und es hät au no gwindet. Aber es isch unvergesslich gsii.

Bi Dir nöchets au, bald isches sowiet, Bisch nervös?



Vieli liebi Grüess
Angie13


.....überglücklich verhüratet siitem 06. Juni 2008....

09.06.08 15:18
Angie13 

Re: Brautstrauss fürs Standesamt?

Yasi au Dir danke vielmal für die liebe wünsch. Schlafe? mmhh i han nöd würklich guet gschlafe. aber i bin trotz allem fit und überglücklich gsi.

liebs Grüessli

Angie13

 1 2
ratshauszimmer   hochzeytssujet   überglücklich   schlussendlich   perfektionismus   bruitmonschter   weitergereicht   Standesamt   Zivilstandsamt   hochzeytsgriäss   hortensienbälläli   zweitheiraterin   Brautstrauss   nordliecht   Blumenhandtasche   unvergesslichen   wunderschöne   superschöööönnnnn   Bluemehandtäsche   zimmerschlüssel
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!