| Passwort vergessen?
Sie sind nicht angemeldet.  Anmelden
Fernweh's zivile Trauung am 20.08.2010
 1
26.08.10 21:59
Fernweh 

Fernweh's zivile Trauung am 20.08.2010

Liebi Frouä

So ändläch nimmä ig mir ono Ziit übärä üsä zwöit wichtigsch Tag z schriebä Z grossä Fest isch de übermorn, juppi.

Nach zwe turbuläntä Abä mit viunä Sachä zum erledigä isch äs Friti dr 20.Ougust wordä. O am Morgä hei mir rächt viu z tuä kah, da mir d Apéro u z Ässä für üsi 12 Gest daheim gmacht hei. Am Zähni si mir de beidi zum Coiffeur ga d Haar schniedä u si het mir spontan no grad ä Hochsteckfrisur gmacht, wo super isch usächo.

Di GG isch mi Broutstruss ga abholä, wo ig nid ha gwüsst, wiä är usgseht. Är het super usgseh, het aber keis Band um Stielä gha, wüssä o nid wieso

Am haubi zwöi si diä erstä Gest bi üs itroffä. Am meistä bini überrascht gsi vom Outfit vom Trouzügä vo mim Ma. Normalerwis het är ä rächt eigätä Chleidergschmack u mi gseht vo witäm, dass är Single isch. O a däm Tag het är so ä Thermohouzfäuerjaggä, wo karriert isch, anäkah. Dies Mau aber für mi z schockä. Druner het är ä Azug anägha u sogar ä Kravattä. Är isch dä äxtra ga choufä, wüu schins nüt vo sim Chleiderschaft am Adjektiv festlich entspricht

Am Drü het nähr üsi Trouig agfangä. D Standesbeamtin hets schön gmacht, het no vo ihrer Ehe verzeut u üs gratä, immer wiedär zämä ufänäs Boot z ga, da mä dert anang nid usäm Wäg cha ga u zämä redt. Natürläch het si o dä obligat Gsetzesartiku müssä vorläsä, was si grad am Afang gmacht het. Nachäm zunang JA sägä heimär ungerschriebä u dert bini würkläch grad chli närvös wordä.
Am Schluss het sie mir no mi nöi Pass u diä nöii ID überreicht. Blöderwis hani mini auti ID daheimä vergässä (a Pass hani dänkt), ha zum Glück 10 Täg Ziit becho diä nachä z schickä. O ä Gruss am Soefeli82 hani usgrichtet, si het 1 1/2 stung speter g hüratä dert.

Vorussä heimär no äs paar Fotos gmacht u hei ä ehemaligä Arbeitskolleg vo mim Ma gseh. Iz het är doch am Vieri dert ghüratä. Zufäu gits

Bi üs daheimä hei mir Apéro gha u speter no ä Ballonwettbewärb gmacht. Dinnä hei mir nähr Fondue chinoise g ässä u no bis am haubi eis gfiirät.

Hiä no zwöi Fotos

26.08.10 22:05
Fernweh 

Re: Fernweh's zivile Trauung am 20.08.2010

Diräkt nachäm Standesamt.

Datei-Anhänge
DSC_6310.JPG DSC_6310.JPG (115x)

Mime-Type: image/pjpeg, 34 kB

26.08.10 22:06
Fernweh 

Re: Fernweh's zivile Trauung am 20.08.2010

Bi üs daheim.

Datei-Anhänge
DSC_6428.JPG DSC_6428.JPG (96x)

Mime-Type: image/pjpeg, 66 kB

27.08.10 09:28
Palchen 

Re: Fernweh's zivile Trauung am 20.08.2010

Herzliche Gratulation... Toll habt ihr ausgesehen!
Ich wünsche euch morgen einen unvergesslich schönen Tag !!


@-->-- Zivil 20.05.2011 --- Freie Trauung 28.05.2011 --<--@

27.08.10 20:36
Fernweh 

Re: Fernweh's zivile Trauung am 20.08.2010

Dankä fürs Komlimänt u für d Wünsch.

28.08.10 13:30
Franziska

nicht registriert

Re: Fernweh's zivile Trauung am 20.08.2010

ganz lieben Dank, für den Bericht. Wow, ihr habt aber toll ausgesehen...KOMPLIMENT!!!!

Find die überraschung eures Trauzeugen toll, ist lustig wenn man solche Menschen plötzlich im Anzug sieht, gell. Wir hatten auch so jemanden am Fest

Ich wünsch euch beiden einen wunderschönen Tag und freu mich auf den weiteren Bericht, mit Fotos.Alles gute, Lg Franziska

26. Juni 2010, unser schönster tag....

 1
Arbeitskolleg   Trauung   Gratulation   Chleidergschmack   turbuläntä   usgrichtet   ungerschriebä   Chleiderschaft   Normalerwis   Hochsteckfrisur   wunderschönen   ausgesehen   überraschung   Gsetzesartiku   Fernweh   Ballonwettbewärb   Broutstruss   Thermohouzfäuerjaggä   unvergesslich   Standesbeamtin