| Passwort vergessen?
Sie sind nicht angemeldet.  Anmelden
Hochzeit im Zunfthaus zur Waag, Zürich
 1 2 3
20.07.12 13:49
sensuelle 

Re: Hochzeit im Zunfthaus zur Waag, Zürich

Ja, am Samschtig büüted's nur am Vormittag Termine aa.... am Friitig chan mer dä ganz Tag, glaub sogar jede Friitig, nöd nur wie am Samschtig eimal im Monät.....
Aber dä 11.30 Uhr Termin isch glaub dä begehrtischti - ich drucke dir uf jede fall d'Düüme, dass es bi eu au mit em Wunschtermin klapped!! Wänn händ ihr im Sinn, z'hüürate?

20.07.12 13:51
himbeer 

Re: Hochzeit im Zunfthaus zur Waag, Zürich

im september 2013 isch de plan.
mir händ scho länger drüber gredt und jetz müend mer glaub eifach mal nägel mit chöpf mache...
händ das weekend mal chli gnauer welle luege. schins gits denn scho no en offizielle atrag hät mini besser hälfti gmeint... aber ich würd scho gern langsam mit plane afange, ich denk da cha mer nöd gnueg ziit ha.

20.07.12 13:56
sensuelle 

Re: Hochzeit im Zunfthaus zur Waag, Zürich

Dänn wär das wahrschiinlich dä 28. September 2012. Somit heisst's dänn für eu: am 28. März 2013 pünktlich vor em Stadthuus z'staah und hibbele......
Ja, gnüüss die Vorbereitigs- und Planigsziit.... es gaht sooo schnäll verbii.... ich dörf no 70 Täg mch i dere Vorfreud suhle, dänn isch dä grossi Tag da....

20.07.12 13:57
sensuelle 

Re: Hochzeit im Zunfthaus zur Waag, Zürich

ähm natürlich dä 28. Sept. 2013..... die Jahreszahle immer.... hihhii

20.07.12 13:58
himbeer 

Re: Hochzeit im Zunfthaus zur Waag, Zürich

ja genau... ah 28. märz gaht ja au no ewig :-)
ich ha eifach momentan no üüüüberhaupt kei ahnig wasi überhaupt wott und wenn und wie... es git soviel möglichkeite. ich denk da muessi zerst mal mit chli meh system ane a die planig... ich plane susch au mega gern und grad so events sind eignetlich super. aber ich bi grad chli überfordered, debi häts nonig mal agfange, haha.

20.07.12 14:00
himbeer 

Re: Hochzeit im Zunfthaus zur Waag, Zürich

es isch au gar nonig sicher öb mer würkli s zunfthuus bruched oder öb s trauzimmer nöd au langt... denn wärs ebe wahrschinli eher afang september. oder glich august? ich ha ebe am 27.8 no geburi, das isch vilicht au doof... ah ich ha kei ahnig

20.07.12 14:04
sensuelle 

Re: Hochzeit im Zunfthaus zur Waag, Zürich

Mir hüürated ebe "nur" standesamtlich, drum händ mir eus gseiht, das wetted mir chli imene hübschere Ambiente als im Stadthuus fiire..... uf dä Websiite ziviltrauungpunktch häts no ganz än Huufe anderi schöni Fläckli, um standesamtlich z'hüürate

20.07.12 14:10
himbeer 

Re: Hochzeit im Zunfthaus zur Waag, Zürich

ah ok, ja mir ebe au... das isch au no sonen punkt.
also am abig gits wahrschinli scho no fest mit meh gäst, aber denn fehlt ja de offizielli zeremoniecharakter irgendwie wo i de chile halt häsch. ich ha mer drum überleit eifach die standesamtlich trauig mit praktisch allne gäst z mache quasi als ersatz für d chile. die ander varainte wär e chlini standesamtlichi trauig und defür no irgend e zeremonie am abig a de festlocation. da hani aber au kei ahnig, haha. die ritualbegleiter händ oft öpis esoterisches und das isch gar nöd miis.

20.07.12 14:21
sensuelle 

Re: Hochzeit im Zunfthaus zur Waag, Zürich

Ja, das esoterische isch definitiv au nöd euses...... hihii
Mir hüürated ebe nur ganz im chline Chreis (15 Pers. inkl. eus) und somit chönd alli Gäscht dä ganzi Tag und Abig und dä nöchschti Morge mit Zmorge mit eus gnüüsse....
Häsch scho gseeh: für d'Brüüt 2013 git's dänn ä sog. "Gwundernaselischte"... wänn du dänn meh Eckwert häsch zu diim grosse Tag, chasch du dich deht iiträge.... ...

20.07.12 14:29
himbeer 

Re: Hochzeit im Zunfthaus zur Waag, Zürich

nei hani nonig gseh... muess grad mal luege.

ou ja so chli isch au schön... aber nur scho mini enger familie sind ca 20 persone, sini namal 10... und uf fründe chani und wotti au nöd verzichte, det fangts scho ah... haha.

ah mal luege, ja ich hoff das mer einigi sache chönd bespreche das weekend. ich denk amel so ich ha ja nonig mal de atrag, vilicht sötti no warte...

 1 2 3
Ehevorbereitungsgespräch   Bezirks-Zivilstandsamt   backstreetboys-zeiten   zeremoniecharakter   Vorbereitungszeit   Zivilstandsamt   standesamtlich   Hochzeitsplanung   unproblematisch   ziviltrauungpunktch   ritualbegleiter   allerspätestens   Gwundernaselischte   Zunfthaus   Ehevorbereitungsverfahren   Paralelltrauungen   standesamtlichi   anschliessendem   Vorbereitungsgespräch   Hochzeit