| Passwort vergessen?
Sie sind nicht angemeldet.  Anmelden
Ideen für das Fest am Zivilhochzeit
 1
08.11.12 13:30
valey 

Ideen für das Fest am Zivilhochzeit

Hallo Mädels..

aso momentan beni scho recht chli am plane fürs kirchliche HZ wo im August isch

im Mai hemmer euses Zivile HZ und mer gönd nach de trauig am obe med öppe 50 Gäst go esse ines schöns Resti..

Jetz hani kei ahnig ob:

ich en Sänger au für dett sell neh?
Lieber CD/IPod abspiele??
Lieber was so Easy-Mässig? Oder festlich?

dett au was organisiere a unterhaltig?
oder lieber eifach en ruhige obe?? (dänked de ned d lüt: oh isch das langwilig??)

i be vor 2 jahr anere zivile hz gsi (sie hend denn 4 mönet spöter au i de chile ghürote)
de hends sänger gha und hend karaoke gmacht..

oder hender mer no idee was chönt mer so mache? ned das all ischlofed..

es hed ned meeega vel platz zum tanze i dem Restaurant..

Was mached ehr die wo au i de Chile hürotet? macheder denn am zivile au spieli und so?

danke fürd infos :)

09.11.12 07:51
Melanie83 

Re: Ideen für das Fest am Zivilhochzeit

Hoi Valey

Also mir hend euses Zivilie für normali verhältnis au rächt usgschmückt gha, villi mached ja nur schnell hürate und ässe und denn ischs das gsi. Mir hend im restaurant en zauberer gha und en sängerin wo denn aber nid livebegleitet (kei platz) worde isch sie hed eifach live zude musig gsunge und au nid party hits sonder würklich so schöni romantischi liebeslieder halt wo super passt hend halt für de alass. Mir hend ja au nid welle en party mache wo all tanzed und uf dbänk stönd sondern eifach chli en besinnlichi stimmig ufcho lah und schön im hintergrund chli unterhaltig dasses halt glich chli speziell isch…

09.11.12 08:33
elea 

Re: Ideen für das Fest am Zivilhochzeit

Hey valey! :)

Denke bi 50 Lüt werds secher end langwilig! wörd mer do ned all zu grossi Sorge mache
Mer werde bim zivile nome 12 lüt si ond de em garte grille (Förs Esse hole mer aber e Caterer, da mer ned wend dass d Eltere mönd choche ond so!)! Ond i denke es werd eifach e loschtige gmüetliche Obe!

d Frog bi der esch jetzt halt au, wetsch nomol Geld ed Händ ne zom extra e sänger angagiere? ond vorallem au, eschs der de ufwand wert zom nomol öper sueche?
Wenn, denn wördi das nome mache wenn DUs wetsch ond ned weld angst hesch dass de lüt langwilig werd! wel do musch ke angst ha denki! :)

09.11.12 08:36
Lula 

Re: Ideen für das Fest am Zivilhochzeit

Hoi Valey

Mir wärde entweder ganz gmüetlich deheime Chineoise mache oder Grille, oder mir göh i nes Resti ga Chineoise mache, dFrag isch haut eifach, obs im März no Chineoise i de Resti git.

Aber bi üs wirds säubscht im Resti kei Unterhaltig gäh. Guet mir wärde ou nume TZ si u evtl dEutere

09.11.12 08:42
valey 

Re: Ideen für das Fest am Zivilhochzeit

jaa aso ich hedd au denkt so was wie Lounge Musik oder eso öpper wo singt wär schön
aber möcht ned grad en tüüre sänger engagiere für 1000 fr od so

kennt öpper wo euch öpper wo echli Hobby Mässig Singt a Fäster wo ned eso tüür isch??


Guet ebe deheime med de änste grille oder chinoise oder eso isch au gmüetlich..
:))

well eifach ned be eus im resti dass d lüt eifach do hocket und lauft nix hehe..
welle ifach kei spieli od so...

09.11.12 08:53
FringillaVigo 

Re: Ideen für das Fest am Zivilhochzeit

Ig würd eigentlich nüt grossartigs organisierte, wenn ihr eh no Kirchlich hüratet und dert es umfangrichers Unterhaltigprogramm heit. Wär fürd iPod Variante. Wobi 50 Lüt isch halt scho vil... Anderersits wirds doch eh nid langwilig! Ob drs feschtlich oder easy weit ufzieh, müesst ihr wüsse, aber uf all Fäll würdi das ganze nid all zu ähnlich mache (vo wäge Programm und Stil), wie euches andere Fescht. Süsch würkts seinte wie e Hauptprob oder s andere wie e Widerholig.

Kenne sich die Gäscht de alli scho, oder träffe do die zwoi Familie s erschtmau ufenang? De wär drum vilich es "Vorstelligs-Spili" oder eifach e Vorstelligs-Rundi e Möglichkeit. Mit Spili meini zB, as dir so wie Gruppe machet (Die wo vil reise, die wo gärn Gartne, die wo no ir Usbildig si, die wo es ussergwöhnlichs Hobby hei etc) und de bechunnt jede es Zetteli, wo druf steit wonr hi ghört und muess de übere ganz Obe sini andere Gruppemitglieder finge. De chöme si chlei is Gspröch, verzelle nang werum si i welere Gruppe si usw. Würd de eifach im Hingergrund laufe und wär oh no so halbs freiwillig/unpinlich.

EDIT: Ups, ha das mit de Spili erscht jetzt gseh, de isch das natürlich nüt Aber ig los glich drin, vilich mags jo öper anders wo das list.

Zuletzt bearbeitet am 09.11.12 08:56

09.11.12 16:55
Miaa 
Re: Ideen für das Fest am Zivilhochzeit

also ich find, dass wenn mer na chirchlich hüratet mue mer am zivile nit so en mega ufwand betriebe, usser mer hett am zivile ganz anderi gest als am chirchliche(also so zsege zwei hochzite mit zwei gesteschare)mi hennd bi eus am zivile en apero bim standesamt im garte gha wo mis schwiegermami gmacht hett. am abig sind mer zu mine eltere hei und hennd deht fein lasagne gesse und afach en schöne abig gha mit de familie und tz. mini schwögerin hett im wald uf ere burgruiene es grille gmacht gha und da isch au voll läss gsi. i find es muess nit zwei mal eppis riesigs si. s'eigentliche hochzig isch ja scho gnueg tür?!
wäg de unterhaltig wür i mir au nitt so grossi sorge mache, en ipod langet. es isch ja es esse und wenn mer susch is resti gaht hett mer ja au nit immer en sänger oder entertainer und wege dem isch es eim nit gad langwilig!

12.11.12 22:22
MsJenaya 

Re: Ideen für das Fest am Zivilhochzeit

Auso da mir nume zivil hürate mache mir natürlech sgrosse Fest denn. We mer nächär aber no kirchlich hürotet würdi mer dHighlights für denn ufspare. Mini Fründin wo letst Jahr ghürate het, het für üs wo ou drbi si gsi eifach es chlises Apéro imene Resti organisiert. Ihre Arbeitskolleg wo im Dorf wohnt wo sZivilstandesamt isch gsi het sie denn mit emne Apéro i sim Garte überrascht. Das isch mega schön und spontan gsi. De simer zersch dert häre u när is Resti. Dert hets eifach öppis chlises gäh. Es het eso für üs unds Brutpaar gstume. Aber we dir ou füre Ziviler weit es grössers Fest mache, denn nume los. Es isch eues Fest und es sell für euch stimme. I würd mer ned all zu grossi Sorge mache, dass sech öpper längwielet. Houptsach es isch eso wie dirs euch vorstelled.

13.11.12 12:32
Slash 

Re: Ideen für das Fest am Zivilhochzeit

mir hürote spöter au no kirchlich und mr händ gar nüd wilds plant für d'Zivilhochzyt. Mr wüsse nid moll, öb mr au no unseri Gschwister ylade oder sogar nur d'Eltere und Trauzüge

 1
Zivilhochzeit   organisierte   entertainer   ussergwöhnlichs   Unterhaltigprogramm   langwilig   Gruppemitglieder   livebegleitet   Vorstelligs-Rundi   liebeslieder   Arbeitskolleg   hintergrund   Vorstelligs-Spili   schwiegermami   grossartigs   unterhaltig   chirchliche   sZivilstandesamt   Zivilhochzyt   umfangrichers