Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Zivilhochzeit    ›   neue Unterschrift
neue Unterschrift
 1 2
filu  am 22.06.2009

neue Unterschrift

hoi brütlis,
wie lang vorher hend ihr agfange die neu unterschrift z üebe??
mini unterschrift woni bis jetzt han gseht ebe au scho nöd immer glich us...
gaht eu das au so?

mir hüratet am 06.08.09 zivil und am 08.08.09 kirchlich :))



Kaz  am 22.06.2009

Re: neue Unterschrift

Ich ha no chorz vorem Standesamt chli güebt... Und sogar eine uf dä Gmeind het gseit, d Unterschrift gsäch jo sowiso nie glich us...

Grüessli Kaz
seit 9. Mai 2009... Ehefrau!!



Yasi  am 22.06.2009

Re: neue Unterschrift

ich bin scho sit ix Monet am üebe. aso üebe mueni eigentli nüme, han aber glich immer wieder froid d'Unterschrift z'schriibe. i find sie also recht schön.

letscht Wuche bini go die noi ID und de Pass beatrage uf de noii Name. Han natürli müese mit de noie Unterschrift unterschriebe. isch echli e zittrigi Aaglägeheit worde. isch doch immer so, wenns wichtig isch, gsehts nachane sch.... uus.

anyway, da chumi denn schono drii.

Mir froied ois extrem fescht uf oises Hochzig am 1. August 2009!



sona  am 22.06.2009

Re: neue Unterschrift

ha afä einischt e chli güäbt, aber ich muäss sägä, dass dr neui namä sogar rinnger got als min jetztigi
es isch aber scho so, dass es immer e chli abwichigä het.



silver83  am 22.06.2009

Re: neue Unterschrift

oh, ich han echt nid güebt. und han zerstmol uf em standesamt mit minem neuä namä unterschribä. aber ich han au kei spezielli unterschrift, sondern nur mini handschrift und sin namä han i jo tusigmol gschribä... drum ischs au guet vur hand gagä.

aber nochhär han i immer müessä überleggä mit unterschribä, suscht het i glatt wieder mit em altä namä unterschribä. aber zschlimmstä ischs tel abneh. im gschäft hens scho strichlilistä gmacht wöviel mol ich mich falsch gmuldä han

noch ä 1-2 wuchä häts aber klappt

Sid am 13.02.2009 verhürotet und am 05.06.2010 isch üserä grossi tag



filu  am 22.06.2009

Re: neue Unterschrift

also ich glaub ich duens eifach paar mal probiere und denn chunt das scho guet.
wahrschinli änderet d unterschrift denn eh wiedermal vom villne schriebe, so dass es eifacher vo de hand gaht.

mir hüratet am 06.08.09 zivil und am 08.08.09 kirchlich :))



Liara

nicht registriert

am 23.06.2009

Re: neue Unterschrift


mir isch es bim Pass und ID bstelle genau glich gange. Han vorher au scho mal chlie güebt gah und es hätt scho rächt guet klapped. Aber den wo ich hätt sölle für de Pass ufem Formular unterschriebe... hätts nacher usgseh wie en Kindergärtner unterschriebe hett.

Tja, jetzt hani für die nächste 10 Jahr en Pass mitere lustige Unterschrieft...



filu  am 23.06.2009

Re: neue Unterschrift

ich han so s gfühl das wird mir ufem standesamt denn genau glich gah. vorher wird mini unterschrift bim üebe wahrschinli irgedwenn nöd schlecht usgseh, aber wenns denn druf achunt duenis vermassle.

mir hüratet am 06.08.09 zivil und am 08.08.09 kirchlich :))



Inessa

nicht registriert

am 26.06.2009

Re: neue Unterschrift

Hab auf arbeit mal 3, 4 verschiedene arten ausprobiert und dann die gewählt die mir am einfachsten geht und uns am besten gefällt.. dann gar nicht mehr .. aber geht immernoch nicht so flüssig

*Wir haben uns am 30. Mai 2009 das Ja-Wort geben dürfen*

*Meine Beiträge beziehen sich jeweils auf meine eigenen Ansichten & sind nicht bösartig gemeint (ausser ich schreibe das direkt ;-) *



Sitho  am 01.07.2009

Re: neue Unterschrift

Mir isches sehr änlich gange. Han afangs Juni es paar mal probiert und denkt, mol
so gaht das. Wo ich denn letscht Wuche min neue Pass und ID bin go hole, bin ich
denn nöd eso zfriede gsi demit
Janu, ich denkes au, dass die Unterschrift sich it dä Zit den scho wird richtig erge



Wir sagen "Ja" Zueinander...Zivil 20.8.09 / Kirchlich 22.8.09



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.