| Priiswärts Chleid för d'Ziviltrauig |
|
|
1 2
|
seeletaenzli  am 23.04.2009
Priiswärts Chleid för d'Ziviltrauig
Hallo Zäme
Ech ben uf de suechi noch emene Chleid för mech. Do mer nome Zivil hüürotid, möcht ech gärn es "rechtigs" Bruutchleid, in elfebei oder creme...
Ech han etz mol chli im Internet omegstöberet, ond ben uf d'Siite sunsing.ch gstosse. Häd öpper Erfahrig gmacht met däne?
Ond weiss söscht no öpper, wo mer zo mene schöne, aber trotzdem ned allzu tüüre Chleid chond?
Ech han leider ned sehr grossi, finanzielli Mittel.
Liebe Gruess
|
|
|
Muus2  am 23.04.2009
Re: Priiswärts Chleid för d'Ziviltrauig
Hoi seeletänzli
Die Sitte gseht ganz guet us, und vorallem sehr gönstig. Ha aber leider kei Erfahrig demet gmacht.
Es Chleid Miete wörd ned i Frog cho? Chont ame au drofa weli Prisklass du nimmsch, i dänke aber bi gönstigere Chleider machts ke grosse Unterschied, ebs chaufsch oder mietisch.
28.08.2010 - endlich mit mim Engel vereint!!!
|
seeletaenzli am 23.04.2009
Re: Priiswärts Chleid för d'Ziviltrauig
sali muus2
merci för d'antwort.
miete wör för mech au in frog cho... ben mer aber ned secher, ob ech dän s'chleid au individuell uf mech zueschniide lah chan?
bi mer esch s'problem, dass ech seeeeeeeehr chli ben (1.55) ond wäg dem secher jedes chleid, egal welles ech wähle, starch chörze lah müessti...
|
Muus2 am 23.04.2009
Re: Priiswärts Chleid för d'Ziviltrauig
So vell ich weiss düends Chleider au apasse, au wenns du nor mietisch.
Du Zahlsch denn eifach s "Apasse" und nachträglich d Reinigung.
Das isch glaub no schwierig es passends Chleid z finde, wo ned grad versinksch drinne.. kenne drum öper wo au sehr chli isch und i be au ned vell grösser... ;-) Us dem Grond wördis vellech au ned im Internet bestelle, sondern zersch aprobiere! Gseht ame sehr sehr schön us ade Models, aber a jedere Person gsehts weder andersch us.
Vo welere Region chonsch denn du?
28.08.2010 - endlich mit mim Engel vereint!!!
|
seeletaenzli am 23.04.2009
Re: Priiswärts Chleid för d'Ziviltrauig
jo ech weiss...
hättis au nöd us em blende use bstellt... sondern go aprobiere wär i zerscht sowieso... zom luege, welli art vo chleid mer öberhaupt stohd...
han äbe au s'gfühl wän mer so chli esch, häd mer zemli vell ischränkige...
ech chome us de region lozärn.
|
Tina  am 23.04.2009
Re: Priiswärts Chleid för d'Ziviltrauig
Hey Lozärnerinnen
Bin ursprünglich auch auch Luzern. Ich werde mein Kleid mieten, im Mietpreis inbegriffen ist das kürzen und die Reinigung. Ich würde auch zuerst die Kleider anprobieren gehen, bevor Du etwas vom Internet bestellst.
Grüessli
|
maju am 23.04.2009
Re: Priiswärts Chleid för d'Ziviltrauig
hoi Seeletaenzli
Ja das mit miete chönnt no schwierig wärde, ömu wüu dus muesch kürze.............. i bi nämlich o mau ines Gschäft gange, zum ga frage öb i mis Kleid chöng gä nachem hürate, aber sie het gseit, äs chöng schwierig wärde wäge mir grössi, d Nachfrag sig haut nid so gross!
Auso ig bi 1.56 gross............. tja! ouso säg mau, was hesch de so für preisvorstellige? süsch chönntisch ja meins abkaufen  isch äs richtigs schöns Brautkleid!
mir hürate am 02.05.2009
|
seeletaenzli am 23.04.2009
Re: Priiswärts Chleid för d'Ziviltrauig
an tina:
merci för d'info... muen mi do wörkli mol chli gnauer erkunde...
an maju:
das han i äbe dänkt, wän mers soooooo vell chörze muen, dass es dän problematisch werd met em miete...
vell meh als 400-600 franke chan i leider ned usgäh...
en liebe gruess
|
maju am 23.04.2009
Re: Priiswärts Chleid för d'Ziviltrauig
ou ja das längt nid wit, vorallem bi mir choschtet sicher d Reinigung scho 200 franke oder so!
was wünschet dir öich zum Hochzyt? Mir hei üs d Flyterwuche gwünscht, aber we ig nid so viu Geld hätti, würd ig mir wahrscheinlich ä teil vom Hochzeit la zahle.............
wie wärs we du zum Beispiel dini beste fründinne oder d Eltere fragsch? we aui chli öpis dra gäbe git das doch chli öpis! weisch anstatt äs Raclettöfeli u Pfanne etc. 
mir hürate am 02.05.2009
|
Schoseli am 23.04.2009
Re: Priiswärts Chleid för d'Ziviltrauig
Hallo Seeletaenzli
ou jo das hani etz au grad welle schribe das es gar net längt,
in luzern bem 2for love koschtet miete zwösche 1200.00 - 1500.00!
das han ech als angebot öber cho!
evt. gfendsch öbis bes Chez Nicole, sie esch die günstigsch wo ech könne!
www.budget-brautmode.ch
und sie esch ganz en netti.
gruess
heiraten am 20.08.2009 & 22.08.2009 in Liebe
|
|
|
1 2
|
Anmelden
