| Passwort vergessen?
Sie sind nicht angemeldet.  Anmelden
Problem mit Kleider bim Zivilhochziit
 1
22.09.09 06:27
andreaR. 
Problem mit Kleider bim Zivilhochziit

Hoi mitänand
Min Partner und i hürotet am 23.Oktober und i suech immer no öppis zum alegge.
I muess däzue säge, dass i zu dä starche Fraue ghör, also kei Grössi 38 ha und da isch schwierig.
Weiss öpper, wo mer i dä Ostschwiiz priiswerti normali Chleider überchunnt? Also kei Chleid, nur Oberteil, wiä zB. ä Bluse.
Oder denked er, dass ä wiissi Jeans nüt isch zum hürote?
Äs git bi üs au nur ä Feschtli mit dä Familie, drum muesses au nöd zu edel si und au nur standesamtlich.
Händ ihr mer äs paar Vorschläg?

lg andrea

22.09.09 07:51
Zorrolino

nicht registriert

Re: Problem mit Kleider bim Zivilhochziit

Leider chan der nöd wiiterhälfe, wo mer so öpis bechunnt. Ich finde wiisi Jeans aber absolut passend wänn du dich drin wohl fühlsch! Hoffe chunnsch na es paar gueti Tips über!

Gruess Zorrolino

Unser Liebesglück wird am 04. September 2010 gekrönt...

22.09.09 09:30
speedy 

Re: Problem mit Kleider bim Zivilhochziit

Modeva het glaub e rächt gueti Uswahl an grosse Grössene. Chunnt halt au druf a, wie gross genau (vielicht goht jo au Schild, C&A, H&M...) und uf din Gschmack. Aber ich bi sicher, du findisch e Boutique wo au in dinere Grössi Sache het wo dir gfalled.
Wissi Jeans find ich super, und heh, wenn du dich wohl fühlsch strahlt glaub jedi Brut eifach s absolute Glück us, egal was sie ahet. Stärnemeer het au mit wisse Jeans und ere wunderschöne pinke Bluse ghürote, het HAMMER usgseh, und sie het au nid grad Grössi 38. Vilicht nimmsch mit ihre mol diräkt Kontakt uf.

22.09.09 11:06
silver83 

Re: Problem mit Kleider bim Zivilhochziit

also ä fründi vu mier got gärn in ulla popken go postä, bi üs gits zchur einä aber ich denkä st gallä finsch sicher au einä. isch ab grössi 42

www.ullapopken.ch/ullapopken/home.up?modelinie=0

und suscht chasch sicher au bstellä.

und leg a wo di drin wohl fülsch. ich han au ä schwarzi stoffhosä und e top mit emnä bolerojäckli a ka und kei obigchleid.

Lg silver


.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
......Sid am 13.02.2009 verhürotet und am 25.09.2010 isch üserä grossi tag......

22.09.09 11:18
andreaR. 
Re: Problem mit Kleider bim Zivilhochziit

Danke vielmol für eui Antworte.
Guäts Stichwort gsi mit sich wohl fühle. Da isch s'wichtigschte und drum will au nüt, wo mer selber nöd gfallt oder unbequem isch zum träge.
I bi halt nöd dä Typ für viel Farbe, drum bliebts sicher bi wiis und schwarz, oder no besser im grau.
Ulla Popken kenn i, isch leider nöd so min Stil und doch no recht tüür.
I lueg grad selber nomol chli ume

merci

22.09.09 11:27
silver83 

Re: Problem mit Kleider bim Zivilhochziit

hey ich han mol bi

www.happy-size.ch

hosä bstellt, hät mi nid verruckt tür dunkt, und mit der qualität bin i zfridää gsi




.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
......Sid am 13.02.2009 verhürotet und am 25.09.2010 isch üserä grossi tag......


Zuletzt bearbeitet am 22.09.2009

 1
wiiterhälfe   modelinie=0   wichtigschte   Zivilhochziit   bolerojäckli   happy-size   obigchleid   verhürotet   September   standesamtlich   Ostschwiiz   Stärnemeer   wunderschöne   überchunnt   ullapopken   priiswerti   Problem   bearbeitet   Kleider   Liebesglück