| Passwort vergessen?
Sie sind nicht angemeldet.  Anmelden
schwarzes Kleid beim Zivilen
 1
02.06.08 10:37
jeannine79 

schwarzes Kleid beim Zivilen

Hallo Ihr Brüt
Mich würd mal wunder näh, was für e Farb euches Kleid hett am zivile Hochziit.. i bin scho u läng am luege und finde eifach nur schwarzi Kleider.. Die farbige sind immer zu pompös und die schwarze meistens genau so wie ich sie möcht... itz hani au weder es Kleid gseh us Siede, da isch schwarz und bir brust wies... oder hett öber scho mal es wiesses kleid umgfärbt nach dr hochzit? da wäre eventuell no en variante, es wiesses kleid kaufe und nachher umfärbe, aber ob das guet chunt??

i bin mir aber ned sicher ob das ok isch.. i meine chan mir es schwarzes kleid am zivile alegge oder ghört sich das gar ned? i han mir au überleit, dass weni mir es kleid kaufe, denn nur, dassi da nachher au no chan allege evtl. bime andere hochzit. aber det sett mir ja denn glaub au ke schwarz träge oder? i bin völlig ratlos wasi mache söll...

liebe gruess

02.06.08 13:06
pilami 

Re: schwarzes Kleid beim Zivilen

Hallo Jeannine

Das Problem kenne gloub fasch aui hie... Lueg mau chli die angere Iiträg aa, de gsehsch was angeri Brüüt so hingersech hei zu däm Thema!
I für mi möcht denn kes schwarzes Chleid aalege, i möcht entweder es Summerchleidli i hälle Farbe oder de es "Cocktail"-Chleidli ire chreftigere Farb.
I ha gseh, dass vili Brutmodegschäft ou Feschtchleider hei, vilech fingsch da öppis. Oder z Züri bir Modissa. Ou die grosse C&A hei mängisch schöni Chleidli. Lah di nid la druus bringe!
Übrigens, suechsch du dir das eleini uus oder chunnt e gueti Fründin mit? Vilech hilft e angeri Meinig no? Es chönnti dir ja Muet für es Chleid mache wo du nid für di dänkt hätsch aber gliich super usgseht.

Viu Freud bim ussueche, du packsch das!

Pilami


Am 07.08.09 / 08.08.09 isches sowiit!

02.06.08 13:19
Sibylle 

Re: schwarzes Kleid beim Zivilen

i ha letscht am frity ou e schwarze neckholder rock anegha:-)

lg sibylle

daniel & sibylle heiraten am 30.05.2008 / 07.06.2008

Editiert 02.06.08

02.06.08 15:08
jeannine79 

Re: schwarzes Kleid beim Zivilen

@pilami
i han scho i diverse brutkleidergschäfter und au i de modissa und C&A glueget, aber entweder sind massiv ztür oder denn eifach zu pompös... i bin immer mit minere schwöster de trauzügin unterwegs und werde also guet berrate.. :) du gsesch, i han also scho einiges unternoh was skleid betrifft...

@sibylle
ehrewort? i finde das super... i kenne eifach niemmert wo in schwarz oder ime kombinierte schwarze kleid zivil ghürate hett...

02.06.08 15:54
Sibylle 

Re: schwarzes Kleid beim Zivilen

Ja imänä so e art marilyn monroe rock mit neckholder und ha drfür e struss gha mit roterose! het ou farb gäh:-) im übrige bi c&a kouft für 59.00!

sy ömu aui begeisteret gsy.


daniel & sibylle heiraten am 30.05.2008 / 07.06.2008

02.06.08 19:45
Yasi 

Re: schwarzes Kleid beim Zivilen

Hoi Jeannine

also mini Schwöster hät zum zivili au es schwarzes Kleid aagha. Hät aber nöd irgendwie truurig oder so uusgseh. wänns es schöns und festlichs Kleid isch, spillt d'Farb glaub nöd sone Rolle.
Ich wirde bim Zivile es wiisses Kleid aaha, woni nachane tuen blau färbe. d'Verkäuferi hät mich uf die Idee brocht und gseit, dass mached en huufe. Es chunnt aber schono uf de Stoff druf a. wänn Dir es wiisses Kleid gfallt, chasch jo eifach öpper, wo chli guet druuschunnt froge, ob me de Stoff chan färbe.

vill Spass bim uussueche.


Mir froied ois extrem fescht uf oises Hochzig am 1. August 2009!

02.06.08 20:29
Nicole80 

Re: schwarzes Kleid beim Zivilen

halle jeannine

ich habe mich vor zwei wochen auf die suche für mein zivil-outfit gemacht. war gar nicht so einfach. war mit meiner trauzeugin in zürich. modissa war gar nichts, wollte eben nur im notfall ein sommerkleid und die fgestmode war mir da zu "tüdelü". hab dann was tolles bei pronuptia in zürich gefunden. ein goldbraunes kurzes kleid, ziemlich schlicht und eng. hat aber auch 600.- gekostet (war bei diesen geschäften etwas vom billigsten). hat aber auch 2 monate lieferfrist, das solltest du berücksichtigen. viel glück bei deiner suche!

lg nicole

02.06.08 20:37
jovia

nicht registriert

Re: schwarzes Kleid beim Zivilen

Hi Jeannine

Ich persönlich finde das überhaupt nid schlimme. S'Wichtigste a de Chleidig isch eifach dass me sich wohlfühlt und nid irgendwie "verkleidet". Usserdem chönnt me ai es schwarzes Chleid mitere schöne Chetti, emene Bolero, Halstuch, Stirnband usw. bizzli "ufpeppe" wemmer dass will.

A meym zivile bin ich me oder weniger ai ganz schwarz agleihd gsi (am Oberteili hed es paar hellrosa "Blüemli" gha) und ich han mich superwohl gfühlt - ausserdem war dass einfach typisch "ich" . S'Hochzeytschleyd isch denn aber nid schwarz obwohl ich ehrlich gseihd immer es schwarz-weysses gstreifts hätti welle...



29.02.08 & 19.07.08

03.06.08 07:56
dragonfly 

Re: schwarzes Kleid beim Zivilen

Hallo Jeannine
Ich persönlich mag schwarz nicht und habe mich aus diesem Grund für eine andere Farbe entschieden.
Ich wollte auch ein Kleid, dass nicht allzu pompös aussieht und mich nicht gleich ruiniert.
Im Zara habe ich ein wunderschönes Cocktail-Kleid in der Farbe perlmutter-silber gefunden. Dazu werde ich ein lindengrünes Top und lindengrüne Schuhe tragen! Die Farben passen perfekt zueinander! Ich bin total begeistert!
Für die Haare habe ich eine wunderschöne lindengrüne Haarnadel, die ich vor längerer Zeit im Elsass ergattert, aber nie getragen habe!

Ich denke auch, dass es für das Zivile wichtig ist, in welchen Kleidern du dich wohl fühlst!
Aber als kleiner Tipp, im Zero und Zara hat es wunderschöne Abendroben/Cocktailkleider, die auch bezahlbar sind!
Liebe Grüsse
Dragonfly

Wir heiraten am 6. September 2008!

03.06.08 10:50
jeannine79 

Re: schwarzes Kleid beim Zivilen

hallo zusammen
herzlichen dank für euches feedback. i werde sicher au no im zara go luege aber weni denn kes finde, bstelli das schwarz wiesse wo ich gseh han im katalog. i han mir scho dänkt, dass es hüt zu tags doch nüme so en rolle spellt, i welere farb skleid isch.. mir chans ja wie au scho gseit, mit eme tolle farbige struss oder so ufpeppe, usserdem isch mis kleid ja ned total schwarz sonder hett dr brustberich wiess.... i han eifach sgfühl wenn nachher es kleid färbe duesch, chas sie, dass de stoff dfarb ned überall animmt und es denn ruiniert isch....

liebe gruess

 1
Summerchleidli   Jeannine   brutkleidergschäfter   Cocktailkleider   persönlich   Cocktail-Kleid   Brutmodegschäft   schwarz   wunderschöne   Hochzeytschleyd   lindengrünes   zivil-outfit   lindengrüne   schwarzes   Zivilen   perlmutter-silber   wunderschönes   Feschtchleider   berücksichtigen   schwarz-weysses