| Standesamt Zürich |
|
|
1 2 3
|
himbeer  am 24.07.2012
Standesamt Zürich
ich habe gerade etwas recherchiert und gelesen, dass die ziviltrauung in zürich ziemlich sec und schnell über den tisch geht. ich brauche nicht ein grosses tamtam, aber da wir nur zivil heiraten, würde ich vielleicht doch gerne noch ein gedicht lesen lassen oder eine freundin bitten, zu singen etc.
wer von euch hat auch in zürich geheiratet und kann mir von seinen erfahrungen im standesamt erzählen?
|
|
|
lil.lian  am 14.11.2013
Re: Standesamt Zürich
Hoi Himbeer :)
Han gad chli gsuecht, öb ich was übers Zivilstandesamt in Züri finde.. Han ebe au ghört, dass sie d'Lüt im 10 Minute-Takt verhüratet..
Bisch du schlussendli in Züri gsi? Wie häsch es gfunde?
|
himbeer am 14.11.2013
Re: Standesamt Zürich
huhu lil.lian
haha so lustig, das isch ja mega en alte itrag... witzig was i de zwüscheziit alles passiert isch :-)
also mir händ jetz schlussendlich nur s ehevorbereitigsverfahre in züri gmacht. de trausaal isch aber sehr schön und es git ja no d möglichkeit i de weinschenke oder im zunfthaus zur waag z hürate. das trauig 15 minute pro paar gaht und s nächste scho vor de tür wartet isch aber wohl so.
mir händ eusi ziviltrauig in bülach gha. de ruum isch traumhaft. vor eus isch eis paar traut worde, aber mir sind die letzte a dem tag gsi und nachher fein go esse. mir händ chöne ussueche zwüsched ere churze trauig (5 minute, unterschribe, fertig) oder enere längere zeremonie, für die händ mer eus denn au entschiede. isch ca. 30 minute gange und eusi beamtin hät no gedanke und gedicht zu de ehe vortreit. me hätt au sicher no chöne es lied laufelah oder so, aber das häts gar nüm brucht.
für bülach händ mer eus schlussendlich entschiede, will mer det de termin scho 1 jahr im vorus cha reserviere, das hät eifach meh planigssicherheit geh. usserdem sind mir eh beid det id schuel und d altstadt isch ja würkli traumhaft.
|
Emma13 am 14.11.2013
Re: Standesamt Zürich
Heschmi grad a eusi Trauuig z'Bülach erinneret himbeer... isch eifach wunderschön gsi 
aber mir redet ja vo Züri... sorry 
|
lil.lian am 14.11.2013
Re: Standesamt Zürich
Ah viele liebe Dank für dini Antwort.. Mier wohned sälber nöd in Züri, abr gad ide Nächi.. Das mit de Trauiig ide Waag hani au scho gseh, abr das chämt für eus weniger weniger in Frag.
Muen das mal in Bülach alluege, danke für de Tipp..
Ja hehe es isch würkli scho lang her. Han abr gseh, dass du immer no aktiv bisch und han dänkt ich schrieb jeze eifach mal.. 
|
himbeer am 14.11.2013
Re: Standesamt Zürich
hihi ja me chunnt da nüm so eifach los. und jetz wo sich mini schwö verlobt hät chani s wüsse vom forum vilicht sowieso namal bruche ;-)
bülach hät mer würkli sehr guet gfalle, es isch es alts riegelhuus und de trausaal isch sehr schön. chasch au besser parkiere etc. als in züri. obwohl s stadthuus au sehr es schöns gebäude isch. schlussendlich hät halt würkli au die 12 monatig vorlauffrist de usschlag geh, am afang händ mer ebe denkt mir hürated am gliche tag zivil wie mers fest mached. isch ja denn au anders gsi. witzig wie sich gwüssi sache so gändered händ, hihi
|
Broncos  am 15.11.2013
Re: Standesamt Zürich
Hey lil.lian
Mir hend im letschte Summer im Stadthus z Züri zivil ghürate. Mir hend extra de letschti Termin am Fritig Numitag gna, so dass sicher niemer meh nach üs isch. Da mir im nächste Summer no ide Chile hürated isch mer d Zeremonie ned mega wichtig gsi. Jedoch het mini Schwöster (Trauzügin) vorher aglüte und gfraged, öb sie üses Lieblingslied am Afang abspiele dörft. Mir hend nüt devo gwüsst gha und sind zimlich erstunt gsi, wo den plötzlich üses Lied gloffe isch. Isch u en schöne Moment gsi.
Au suscht hemer üs ned wie binere "Masseabfertigung" gfühlt. Ich han z erst biz Angst gha, dass d Standesbeamtin en stress macht, da mer ja die letschte am Fritig gsi sind, damit sie schnell in Fyrabig chan. Aber es isch überhaupt ned so gsi, sie het sich u müeh gä und es isch e schöni Trauuig gsi.
Zuletzt bearbeitet am 15.11.13 14:03
|
Pfingstrose  am 15.11.2013
Re: Standesamt Zürich
E Kollegin vo mir het vor 1.5 Jahr im ZSA in Züri ghürate. D Standesbeamtin häts sehr guet gmacht und sich mega viel Müäh geh. Aber chli en Stress isches scho gsi. Eifach will mer wenn mer nachher no schnell es Foti wott mache s nächste Brautpaar scho fast im Rum oder zumindest im Gang staht. Aber wenns eim nöd stört isches ja nöd so schlimm.
|
lil.lian am 15.11.2013
Re: Standesamt Zürich
Danke villmal für eui Kommentär
Broncos
Wenn sind den iher ade Reihe gsi, aso um welli Ziit händ iher de Termin gha?
Mier händ au dänkt, wemer in Züri hüratet, würemer so spat wie möglich wölle..
|
Jutta  am 17.11.2013
Re: Standesamt Zürich
Wir werden auch im Stadthaus Zürich heiraten. Ich wollte eigentlich schon eine etwas gediegenere Trauung im Zunfthaus zur Waag, aber mein Mann meinte, das Wichtigste sei, dass wir heiraten können.
Zuerst hatte mein Mann, das falsche Dokument mitgebracht. Dann war Streik der Staatsangestellten. Einen Monat haben wir gewartet bis das Dokument in der CH angekommen war.
Dann hätte ich, wegen neuer Computer Schreibweise, auch noch einen Mann mit anderem Vornamen heiraten sollen :-) ! Da war dann, das zuerst falsch gebrachte Dokument, plötzlich wieder von Nöten.
Jetzt findet unsere Hochzeit halt, am 6.12. statt - vorgesehen war sie eigentlich im Oktober. Wir sind auch die Letzten, um 15.00 Uhr. Mein Mann wird froh sein, wenn es möglichst schnell geht, denn er ist sehr krank. Ich möchte schon, dass es nicht in 5 Minuten beendet ist. Hab schon mal ein Ringkörbchen gemacht. Musik wäre auch nicht schlecht, wäre aber unpassend, da die Mutter von meinem Mann letzten Sommer verstorben ist. 1 Jahr kein Feiern.
Irgendwie finde ich das Trauzimmer im Stadthaus etwas zu modern bestuhlt! Aber die meisten Brautpaare sind ja auch nicht über 50!
Ich lass mich mal überraschen, immerhin laufen wir nicht Gefahr, dass schon das nächste Brautpaar vor der Tür steht :-) !
|
|
|
1 2 3
|
Anmelden
