| Passwort vergessen?
Sie sind nicht angemeldet.  Anmelden
Standesamt Zürich
 1 2 3
19.11.13 22:15
Jutta 

Re: Standesamt Zürich

Hallo Broncos

Wie lang war das Lied etwa? Ich möchte das nämlich für meinen Mann auch machen, weil wir wegen Trauerfall hinterher nicht richtig Feiern dürfen. Nur das Lied dauert 7Min.19Sek. und ich denke, das ist zu lang.

20.11.13 12:40
Broncos 

Re: Standesamt Zürich

Lil.lian
Ich glaube mir sind am Fritig am 16 Uhr dra gsi (aber so ganz sicher bin mer jetzt au nüm), mir sind grad sechs Mönet vorher am morge früeh verbi und hend nach em letschte Termin a üsem Datum gfraget...

Jutta
Üses Lied isch genau 3.34 gsi Am beste lütisch a und fragsch, sie sind bi üs am Telefon amigs sehr nett und hilfsbereit gsi

Zuletzt bearbeitet am 20.11.13 12:41

20.11.13 12:52
Jutta 

Re: Standesamt Zürich

Danke - werde ich sowieso noch machen

09.12.13 19:30
Jutta 

Re: Standesamt Zürich

Hallo Zusammen

Die Trauung im Stadthaus war einfach der Hit!!!! Mit der Standesbeamtin hatte ich abgemacht, dass ich ein Lied für meinem kranken Mann spiele. Es dauerte 7Min. 20 Sek. Sie meinte anstelle eines Gedichtes. Da ich jedoch nicht den ganzen Text aufsagte, den ich sagen wollte - kam sogar zum Schluss noch ein sehr schönes Gedicht.
Irgend wann während des Liedes, fragte mein Mann, ob es noch lange dauern würde. Ich war so irritiert, dass ich kaum mehr unterschreiben konnte.
Als Demis sang "Take my hand", tauschten wir uns die Ringe aus und vergassen noch uns zu küssen :-)
Link einfügen geht ja nicht, hier das Lied "Follow me - Demis Roussos - lyrics Concierto De Aranjuez: Ii. Adagio " - bei Youtube nur Follow me- Demis Roussos eingeben, dann kommt es.

Es war passend auf uns, jedoch auch im Gedenken an unsere verstorbenen Mütter.

Ich hatte extra einen Kaidaer gekauft - nur ein Böxli in dass man eine kleine Speicherkarte einschieben kann - das passte sogar in meine handgemachte Brauttasche. Sah auf dem Trautisch sehr diskret und elegant aus. Ist super leicht.

Petrus hatte es an diesem Tag auch gut mit uns gemeint. Ich hatte so heiss, dass ich meine Jacke auszog und nur mit Schulterfreiem Kleid und Stola draussen Fotos machen liess.
Das Wetter war soo gut, dass ich vergass mit den schönen Hochzeitsschirmen ein Foto zu machen, dabei stand unser Auto vor meiner Nase.

Es war auch eine Dame von der NZZ im Stadthaus, suchte noch Brautpaare. Mein Mann war einverstanden, dass wir in der Zeitung kommen.

Obwohl wir nicht das letzte Brautpaar an dem Tag waren, gab es kein Gedränge - es war eine super Trauung - hätte ich nicht erwartet!!!

Die Fotos kommen leider erst in etwa 2 Wochen. Unsere Fotografin war sehr günstig und super professionell. Hat einfach nur Spass gemacht, das Fotoshooting von 1 Stunde.

10.12.13 09:40
lil.lian 

Re: Standesamt Zürich

Gratuliere dier Jutta zu euere Trauig!! Das dönt ja würkli wunderschön
Und das iher s'ganze Lied händ dörfe laufe lah isch doch würkli perfekt!!

Ah han gad no das Böxli googlet, gseht würkli sehr diskret us. Anderscht heteters nöd chöne laufe lah?

Wie lang isch den eui Trauiig insgesamt gsi?

10.12.13 11:04
Jutta 

Re: Standesamt Zürich

Hallo lil.lian

I ha gar nöd uf d'Uhr glueget :-) - aber wohl scho so 15 Minute. S'lied isch lang gsii und s'Gedicht au.

Mä cha jedes Grät bruuche. Wämer möchti stellet sie eim ja au en Ipad zur Verfüegig, damit die Aghörige i Griecheland au a de Trauig teilnehme chönt.

S'chlini Böxli hät aber platz gha im Bruttäschli und das gänd mer dänn a sim Brüeder i Griecheland, wo a de Trauig nöd hät chönne teilneh. Ich ha das Modäll gchauft - wo me au cha telefoniere und Radio lose - well numme das hani no in Blau gfunde i de CH. Es isch s'letzschte Blaue gsii.

Wäge de Längi vo de Trauuig frög i mal min Brüeder - vielicht weiss er's.

10.12.13 13:13
Claudilein 

Re: Standesamt Zürich

Hallo Jutta

Härzlechi Gratulation zu de Trauuig. Schön, heiter eso schöne Tag chönne vrbringe. S tönt ja perfekt mitem Wätter!

Darfi frage was fürne Fotografin dir gha heit? Günstig u professionell tönt äbe no guet

10.12.13 13:37
Jutta 

Re: Standesamt Zürich

Hallo Claudilein

Am Morge häts ja no grägnet ka. Vor de Muur, wo mer fotografiert worde sind isch äs chlieses Bächli gläge. Aber sogar d'Sunne hät nochli füregügslet.

I meine für Züri isch es günschtig gsii - bi mir i Solothurn isch so en Fotograf scho viel günschtiger.

I ha lang gsuecht und dänn bin i uf das Studio gschtosse "pixstudios.ch" - Katrin isch mir uf ahieb sympatisch gsii und erscht no am günschtigschte. I ha s'Packet Ziviltrauig gwählt - das gaht ca. 1 Stund. Well bim ässe händ mer ja nöd recht dörfe fire, wägem Tod vo minerä Schwigermueter im letschte Summer.
Min Maa isch sehr schlächt zwäg und hät gseit, dass er kei Theater mit Fotene mache möcht. Das hani der Fotografin so gschribe und gmeint, hauptsach mir händ Fotene vo der Trauuig und eini vo eus beide. Aber sie hät das so guet und locker überebracht - er hät brav mitgmacht. Mir sind so überrascht gsi, dass mer no vergässe händ die schöne Hochzitsschirme us em Auto z'holä und ä Foti zmache devo :-).

Woni ha müesse min grosse Huet id Höchi strecke und juchze dezue - händ alli Lüüt überglueget! :-)
Mal luege wie d'Foti sind, wänn sie chömmed.

Zuletzt bearbeitet am 10.12.13 13:41

10.12.13 13:48
Claudilein 

Re: Standesamt Zürich

Ah sehr schön, dass d Fotografin das so locker gno het u dass di mah möge het es paar Föteli z mache. Hihi, da chani mer vorsteue, dass aui glueget hei, wenn du so umejuchzisch
Super, tue bi denä ämau uf de Siite luege.

Mersi

11.12.13 14:23
Broncos 

Re: Standesamt Zürich

Herzlich Gratulation Jutta. Freut mi risig für dich, dases doch no so klapped het wie du hesch welle... Mir sind au ide NZZ gsi... Ich lieb d Just Married Rubrik, lies si jede Sunntig morge als allerersts :)

 1 2 3
Schulterfreiem   Stadthaus   Schwigermueter   schlussendlich   Speicherkarte   Masseabfertigung   Fotografin   Hochzitsschirme   professionell   Kleinigkeiten   ehevorbereitigsverfahre   Standesamt   günschtigschte   Standesbeamtin   bearbeitet   Staatsangestellten   planigssicherheit   unterschreiben   Zivilstandesamt   Hochzeitsschirmen