@ madmadi:

Ich wett eigentlich au es luftigs Summerchleid poschte fürs zivile, schliesslich hoffed mier doch, dass es a üsem Tag so richtig schön und warm isch, oder?!
Daf ich frage, wo das du dis Chleid gfunde hesch? Bi jetzt au scho ines paar Läde gsii (ha wäg mim neue Job "müesse" chli go lädele *grins*), ha aber fürs zivile irgendwie nüd passends gfunde...

Es Grüessli

Cannella

• Zitieren

Hallo Zäme

Auso d Modissa z Züri chani nume empfähle, bi scho meh dert gsii... nume ganz billig (ca. 500.--) isches haut nid. Wärs priiswärter wott, im C&A in Züri hani ou no öppis härzigs gseh, ligt so bi 150.-- bis 200.--. Für mys Zivile weiss igs no nid.
My Schatz wett scho am liebschte so nes Hammerchleid aber da mir nächer "nume" göh ga ässe, wett ig lieber es schöns Summerchleidli. Dänke maches so wie ds madmadi...

Grüessli
pilami


Am 07.08.09 / 08.08.09 isches sowiit!

Editiert 07.05.08

• Zitieren

I ha äs Kleid vom C&A. Dött hät's no recht günschtigi Kleider (i ha guet 200.- zahlt). S'chunt aber glaub ä chli uf d'Filiale druf a. S'hät natürlich nöd überall a glich grossi Uswahl und i ha au scho ghört dass es nöd überall di gliche Kleider söll ha. I bi uf jede Fall zfriede mit mim Kleid. Als "normale" Summerrock wird ich's zwor nöd chöne alege. Aber äs git sicher wieder mol ä Glegeheit. Mini Schwöster hüroted z.B au no das Johr und dött leg ichs dänn au nomol a. I ha halt scho lang devo träumt emol äs Kleid a z'lege. Und da isch jetzt ebe grad ä gueti Glegeheit (obwohl i dänn ä paar Täg spöter natürlich no viel ä schöners Kleid dörf alege)
I bi au i dä Modissa in Spreitenbach gsi. Isch leider recht chli. Und d'Kleider wo's händ wäred mier jetzt scho fascht z'feschtlich gsi (zum Teil mit so viel Perleli und dass es fascht wienes farbigs Brutkleid usgseht). Drum erstunt's mi, dass es z'Züri so relativ eifachi Summerkleidli git. Aber de Lade söll jo einiges grösser si.

• Zitieren

hallo larea
es ist egal, ob ihr nach eurer zivilen hochzeit in einem schloss feiert oder zu hause. hauptsache es wird ein schöner tag und ihr fühlt euch wohl. so ist es auch mit dem kleid. wenn du lust auf einen hosenanzug hast, dann zieh den an und wenn dich ein abendkleid mehr reizt dann wähle dieses. overdressed wirst du nicht sein, denn du und dein mann sind hauptpersonen und ihr dürft schicker sein als eure gäste, dass soll doch an diesem tag auch so sein, dass das hochzeitspaar auffällt oder sich abhebt von den gästen. auch wenn ihr zu hause grilliert, zieh ein abendkleid an wenn es dein wunsch ist, denn es ist eurer tag und du sollst das tun und lassen, worauf du lust hast.

wir werden zwar erst im 09 heiraten und ich weiss noch nicht wie wann und wo wir unsere hochzeit feiern werden und trotzdem habe ich mir gedanken über die kirchliche-, sowie die zivile hochzeit gemacht.
mich würde es irgendwie mega reizen, mich wie eine flamenco-tänzerin zu kleiden, an der zivilen hochzeit. ein knallrotes flamencotänzerinnenkleid und die haare so hochstecken wie diese tänzerinnen und mit einer roten blume im haar verzieren. dass würde ich so klasse finden. auch das wäre ziemlich gewagt, was mir aber egal ist. wenn ich dann wirklich auf das lust habe, dann werde ich's durchziehn. schliesslich heiratet man nur einmal im leben.

liebe grüsse
cacatoo

• Zitieren