| Passwort vergessen?
Sie sind nicht angemeldet.  Anmelden
weisses kleid bei Zivilhochzeit
 1 2
24.10.08 20:40
aengeli 

weisses kleid bei Zivilhochzeit

Hallo zäme

Mir hürate nur ufem Zivilstandsamt, aber i möcht trotzdem nid ufenes wysses chleid verzichte. Jetz het mr e Kollegin gseit, dass mach me nid, si findi das doof.. Si het mi grad verunsicheret.. was säget Dir da derzue? Hüratet no anderi in wyss wo nur e zivili Trouuig hei?

Merci und lg
Aengeli


Mir freue üs uf üses Hochzyt am 3. Juli 2009

24.10.08 21:38
denmark 
Re: weisses kleid bei Zivilhochzeit

Salü ängeli

Ich hürote am 6. juni 09 und ha au vor in wyss z hürote. I ha nüd ghört, dass das ned üblich isch und be das johr scho a 2 zivile hochzit zum apero iglade gsi wo beidi in wyss gsi send!
I hoffe i ha der chönne helfe.

Grüessli
denmark

24.10.08 22:34
herzli76 
Re: weisses kleid bei Zivilhochzeit

han au scho viel gse wo zivil in wyss ghürote hend

24.10.08 22:44
runaway 
Re: weisses kleid bei Zivilhochzeit

Ich find das überhaupt nöd doof! Wänn mer "nur" zivil hüratet, dörf mer amal sicher es wiisses Chleid aaha. Komisch fänd ich's höchschtens, wänn mer bi dä zivilä UND bi dä kirchlichä Hochziit es wiisses Chleid alegge würd.

24.10.08 23:10
surri 

Re: weisses kleid bei Zivilhochzeit

Sali Aengeli

Also i finds au ganz normal und i würd nit z' viel uf dini Kollegin lose es isch jo di Daag. I huerote das Johr zivil und nächst Johr zeremoniel und ha für im Dezember e helles cremfarbigs Chleid. ( isch kei Hochzitschlei)
I denk das muesch du wüsse und nimmer anders.

Cu Surri

Mir traue üs am 19.12.08 & 22.08.09

25.10.08 17:03
Carolina 
Re: weisses kleid bei Zivilhochzeit

Hallo
Aso mer hürotid ou nor zivilisch ond ech lege ganz secher ou e wisses Chleid ha. Mer hürte zwor erst im August 09 aber ech mis Chleid sogar scho. Mini Trouzügin hed gfonde, ech söll onbedengt es wisses Chleid alege, schliesslech esch dass üse Tag. Aso mosch du der secher vo niemerem lo säge, dass seig doof. Das söu de schönschti Tag wärde.

25.10.08 20:52
aengeli 

Re: weisses kleid bei Zivilhochzeit

Merci viu mau, eui Antworte hei mr auso sehr ghulfe.. I finds nämli ou ganz normal, dass me wyss will hürate, ou wenn me nur e zivili Trouuig het. De wirdi itz de mit viel elan mini Chleidersuechi beginne.. :-)


Mir freue üs uf üses Hochzyt am 3. Juli 2009

26.10.08 07:13
Nepi 
Re: weisses kleid bei Zivilhochzeit

Hallo

Wir haben am 19.09.2008 zivil geheiratet und die Braut ist in einem wunderschönen Brautkleid von Linea Raffaelli erschienen

Darum sch***** drauf was andere Leute sagen. Hör auch nicht hin, wenn jemand sagt, was für ein Stil Kleid Du anziehen darfst und was nicht. Es ist euer Tag und Du kannst anziehen was Dir gefällt.

04.02.09 21:52
schweden1981 

Re: weisses kleid bei Zivilhochzeit

hallo ängeli

am gleichen tag als wir geheirate habe war im gleichen restaurant noch ein hochzeitsessen und ich hatte mit der braut geredet und gefragt ob si kirchlich geheiratet haben wil sie ein weisses kleid an hatte.aber sie haben nur zivil geheiratet.es war ein schönes weises kleid.und ich meine es ist dein tag und lass von niemanden rein reden was du anziehen sollst.

lg

05.02.09 14:41
Stern 
Re: weisses kleid bei Zivilhochzeit

Hallo zusammen

Ich bin auch der Meinung, dass man für "nur" zivilstandesamtlich ein weisses Kleid tragen darf. Es gibt ja auch Bräute, die beim kirchlichen nicht weiss tragen... Ich frage mich sowieso, was weiss mit den kirchlichen zu tun haben soll? Beim kirchlichen geht es ja vorallem um Gottes Segen oder nicht? Das weiss beim kirchlichen getragen wird, ist denke ich einfach nur Tradition... Bitte klärt mich auf, wenn dies nicht der Fall ist.

lg

Zuletzt bearbeitet am 06.02.2009

 1 2
wunderschönen   Sonntagskleider   kirchlichen   hochzeitsessen   silberdurchwobenen   Chleidersuechi   Sonderwünsche   Eheversprechen   geheiratet   Zivilstandsamt   durchzusprechen   Zivilhochzeit   Hochzeitskleid   zivilstandesamtlich   Modeerscheinung   Zivilstandsbeamten   verunsicheret   weisses   Hochzeitsmesse   Zivilbevölkerung