| Passwort vergessen?
Sie sind nicht angemeldet.  Anmelden
Wen einladen am Zivilischen
 1 2
18.02.08 13:15
nordliecht 
Wen einladen am Zivilischen

Mich nimmt es Wunder, eb alli d'Eltere, d'Gschischterti und evt. Chind (wer scho het) zum zivilische Hochziit bzw. Ässä dernach iiladit. Mier hend eys entschied, dass sie nid derbi wärdid sii. Es isch scheen, wenn si uif em Standesamt und am aschliessende Apero derbi sind, aber s'Ässä wennd mier nur im chleynschtä Chreis vo de Traiizigä und em Tätschmeister abhaltä. Mier hend dermit scho schrägi Blick ubercho. Zum Glick nid vo de Eltere, wo so Sache ziemlich locker nämmit.

Machts epper ai so?

griässli
nordliecht

18.02.08 13:28
madmadi 

Re: Wen einladen am Zivilischen

Hi Nordliecht, mer gönd sehr wahrschinlech ned emou go Znacht ässe. Mer wärde am halbi vieri ufs Zivilstandsamt go und öisi Eltere und Gschwüschterti mit Ahang und de zwöiti Trouzüge mit sinere Fröndin (di ander Trouzügin esch mini Schwöschter) mitnä.
Nochhär git's äuä Zvieri (z.B. Schinke und Härdöpfelsalat oder so) ond that's it. Denn hämmer am erschte Obe als Ehepaar ev. no chli Zit för öis ganz eleige.
Glaubs, do müend ehr öich also gaaar ned z vel Gedanke mache.


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

18.02.08 13:33
muuus 

Re: Wen einladen am Zivilischen

Hoi zäme, mir gö am 08.08.2008 am 15.00 uf Zivilstandsamt, derbi si Eltere, Trouzüge (mi Brüetsch und mim Schatz si Brüetsch mit Ahang) und dr räschte Gwüschterti..also sini Schwo und mi chliner Brüetsch.. Mir si 14 Persone, gö nachem Zivil ga Apéro ha, im chline rahme und gö nä es Kutscherundfährtli ga mache wo üs gad zum Rest bringt womer nä tüe zNachtässe, ou ifach gmüetlich, so das nid spät wird, wüll mir nä dr räschte vom Abe und Nacht vor dr Chille zäme wei gniesse..isch ja sozsäge üsi Hochzytsnacht, wüll vom Sa ufe So wird gfiiret bismer nüme möge..

19.02.08 11:29
Mara

nicht registriert

Re: Wen einladen am Zivilischen

Mer hei s zivile letscht Johr gmacht und döi das Johr chirchlech hürote. Drum hei mer letscht Johr au chli es grössers Fäschtli gmacht drus (ca. 28 Pers.). Derbi sind fasch alli gsi wo das Johr au chömmet, aso chli meh als d hälfti.

Wenn mer s zivile und s chirchleche nöcher binenand gha hättet, hätte mer höchschtens Trauzüge iiglade und wäre mit ehne öppis go ässe.



Tamara & Simeon ~01.06.07~09.08.08~

19.02.08 12:29
dulfer 
Re: Wen einladen am Zivilischen

Hallo Nordliecht

Mer werde nur zvierte höch go ässä und zwar trauzüge und mer. Vellech chöme de üsi
Famiele, sprech Eltere und gwüsterti met ahang, no zum Dessert.
Ganz unsschliesse hei mer se ned welle.

Mer hürote am 23.08.08

19.02.08 13:07
smil09 

Re: Wen einladen am Zivilischen

Für üs isch klar gsi dass d'Trauzüge und d'Eltere wärdet däbi si. Miär händ üs dänn aber lang überleit öb mer no sölläd üsi Gschüschterte ilade. Schlussändlich hämmer üs dägäge entschiede. Äs wäred dänn (mit Partner) nomol 6 Persone meh gsi. Da macht halt scho grad wieder äs paar hundert Franke us und irgendwo müemer eifach chli spare. Mier hüroted a Wuchä spöter kirchlich und dött dörfed dänn gärn alli cho.

20.02.08 13:52
Angie13 

Re: Wen einladen am Zivilischen


Halli zäme
I bin neu da. Mir hüratet am 06.06.08 Zivil. Da hämer eusi eltere und Trauzüge debi. Am 07.06.08. Machet mer es mega fäscht mit allne eusne liebschte mänsche. Eifach gmüetlich und schön, und luschtig. Also eifach easy peacy. Au wäns i flipp flopp chömet. Will dä offizielli fäschtlichi Tag hämer am 06.06.08.

So händ mir das vor.





28.02.08 23:00
sunneschii 
Re: Wen einladen am Zivilischen

Mir werdet mit dä Truuzüge und evt. Elterä gu essä goh. Z richtigä fescht gits ja bim Chirchlichä am Tag später und döt sind ja dä alli drbi findä das langet.

14.03.08 14:59
xeniajimmy 

Re: Wen einladen am Zivilischen

hallo Zämme
also bi uns wärde d Trauzüge, d Eltere und Gschwüschterti bim zivile drbi si...
mir hei zerscht au nur d Trauzüge wölle ilade, aber ig ha denn gfunde, i wött, dass mini Eltere drbi sin...denn hei mir uns für das entschiede...
wo und wiä, hei mir aber nonig überleit...Oktober goht no es zitli...

02.04.08 08:23
dodo10 

Re: Wen einladen am Zivilischen

Hallo!

Mir hend am Zivile eusi Eltere, Trauzüge und ev d'Schwöster vo mim Fründ (isch ebe chli es komsichs Verhältnis zwüsche dene beidne). Ich bin es Einzelchind. Git aber trotzdem 12 Lüüt da sini Eltere trennt sind und je mit Ahang chömed.
Mir gönd nach dä Trauuig go esse mit allne, hend aber gseit, dass mir das nöd au na chönd übernäh. Mir laded eifach eusi Trauzüge i.
Es sind alli iverstande, dass Esse selber müend zahle, sie werded ja dänn am Samstig dä ganz Tag verwöhnt!

Grüessli


Dä 14. Juni 2008 chunt immer nöcher...!

 1 2
Schlussändlich   Zivilischen   Kutscherundfährtli   Gschischterti   Zivile-Hochzit   unsschliesse   Gschwüschterte   nordliecht   einladen   aschliessende   Trauzüge   wahrschinlech   Tätschmeister   fäschtlichi   Gschüschterte   Gschwüschterti   Härdöpfelsalat   Zivilstandsamt   Hochzytsnacht   Chirchlichä
Erstellen Sie mit wenig Aufwand und ohne Vorkenntnisse Ihre eigene Hochzeitshomepage mit unabhängiger Wunschliste!