| Passwort vergessen?
Sie sind nicht angemeldet.  Anmelden
Wer hürotet nome zivil?
 1 2
17.11.06 14:30
Teenspirit 

Wer hürotet nome zivil?

Hoi zäme,

Mech wör mol interessiere, öbs do no anderi ged, wo au nome standesamtlich hürotet und öb ehr gliich es fäscht mached und es Chleid händ und alles drum und drah.

Wir heiraten am 28.07.2007

17.11.06 19:26
kbb 

Re: Wer hürotet nome zivil?

hallo teenspirit
mir hürate ou "nume" zivil.
hei üs äs schöns zivilstandesamt gsuech. www.campagne-oberried.ch
i d chile gö mir nid, wöu mer süsch ou nie gö. us üs zwöine nüt bedütet. mir gö när mit de trouzüge, mim fründ sine eutere u mine gschüschterti ga ässe. u när schicke mer aune angere lütt es chärtli mit wir haben geheiratet u mache när drü wuche später (we mer vo de ferie heichöme) es fescht imene pfadiheim www.pfadiheim-ruefenacht.ch.
für üs stimmts eso.

Liebe Grüsse
kbb

12.12.06 13:27
susi 
Re: Wer hürotet nome zivil?

Hallo.
Mer hei ou vor "nume" zivil z hürote. Da mer ou keni Chliegänger si längt üs das vollkomme. Aber dases glich so chli dr tatsch vor chile git (Mini Schwigereutere si Katholisch) wette mer gärn im ehemalige chloschter z St. Urban hürote, dört düei si ir ehemalige Abtei zivili trouige vornäh... U wäge dr alegi: E hätt eigentli es schlichts, chnöilängs chleid wöue, aber de beni doch no über es troumhafts, längs Obechleid gstöuperet, Eierschalefarbig, mit Rock,Corsage und Bolero. Es isch glich ned über pompös so dases me dünkt es passt ou anes zivils hochzyt. Und da e jo nume einisch vorha zhürote sötts glich ou öppis bsungrigs si für üs... aber jedem das seine.
Grüessli Susi
Vorussichtlich Termin Fritig dr 13.April 2007

19.01.07 11:28
julios 
Re: Wer hürotet nome zivil?

Hoi zämä
Ich hürate au "nume" zivil... ;-)
Ich weiss nöd wie ich das mit dä Lüüt mache söll... Mir händ denkt das mir am Fritig zivil hüratet und am Abig eifach so en Steh-Apéro mit fingerfood machet mit ca. 100 lüüt und am samstig es esse mit dä engste lüüt wie familie, verwandte und fründe, das wäret ca. 50 lüüt...wie würdet ihrs mache? würdet ihr eher am samstig zivil hürate und dänn en apéro mit allne mache und dänn am spötere abig mit dä engste fiire? ich finds bitz doof wänn dhälfti lüüt nachem apéro gah müend...dänn gits doch immer es gerede wer zum esse bliebe chan und wer gah muen...eigentlich müesst ich mir das ja nöd zherze neh..wie würdet ihrs mache? merci für dantwort(e)!

19.01.07 11:35
sani 

Re: Wer hürotet nome zivil?

Hallo

eigentlich isch es ja das selbe mit em kirchliche Hochziit - det hetmer u lüüt wo mer as ganze fescht und den lüüt wo mer nur an apero ilade duet!
Ich würd alles a eim Tag mache! Isch doch viil schöner die ganzi Stimmig und und und! Wend den erscht am nächschte Tag gasch go esse isch ja s eigentliche Hochziit scho verbi!

Wenn hüratisch den Du?
SANI S`TRAUMHOCHZEIT 07.07.07

19.01.07 12:30
julios 
Re: Wer hürotet nome zivil?

Standesamt wär 29.06. und s'enge fest wär am 30.06.
aber ich lueg jetzt mal öb ich dä termin vom standesamt uf dä samstig verschiebe chan...wär scho am beste...
merciii!!

20.01.07 18:40
Teenspirit 

Re: Wer hürotet nome zivil?

Hoi Julios.

Mer händ alles amne Samschtig, finde das besser, well sösch esch s Fäscht nome es Fäscht und es lohnt sech fasch nömme es Chleid azlegge...


PEACH & ANI heiraten am 28.07.2007

08.03.07 18:22
sunny81 

Re: Wer hürotet nome zivil?

Hallo Teenspirit

Mier hüratet am 20.07.2007 i dä Kyburg im Rittersaal (Standesamtlich). Es isch zwar aneme Fritig, doch das macht eus nüt. Denn aschlüssend gömer ines Restaurant en Apero ga mache (so ca. uf die 16.30). Es chönd sicher die Meiste vom Büro ga und aschlüssend in Bisikon im Tribhus Gärtnerei Meier (siehe http://www.blumenland.ch/paradies.html) machet mers Esse mit so ca. 40 bis 50 Persone.
Natürlich mit erem wisse Chleid!

Viel Spass bim Vorbereite.

Sunny

09.03.07 13:12
Teenspirit 

Re: Wer hürotet nome zivil?

Hey Sunny, denn hämmer jo en ähnliche Gschmack und Istellig.

Mer händ das Gwächshuus au aglueget förs fäscht, eus aber denn förs Schloss Heidegg entschiede. D Trauig findet imne Chlösterli statt.

PEACH & ANI heiraten am 28.07.2007

29.03.07 14:24
Buffy 
Re: Wer hürotet nome zivil?

Mir hüratä o nur zivil, weu mir schösch niä id Kirchä gö. Aber z`Fescht mit de Bekannte und Verwante gids glich när. Und äs Kleid ha ig ou usgsuächt.

 1 2
gspeicheret   wiederstehen   Schwigereutere   traumchleid   Vorussichtlich   grillparty   interessiere   hochziitskleid   zivilstandesamt   hürotet   aschlüssend   zuekünftige   campagne-oberried   eigentlich   heiraten   gschüschterti   S`TRAUMHOCHZEIT   pfadiheim-ruefenacht   Eierschalefarbig   standesamtlich