| Passwort vergessen?
Sie sind nicht angemeldet.  Anmelden
ziviler in moutier
 1 2
03.09.08 12:30
aschera 

ziviler in moutier

hallo zäme

mir hürate am 10.10.08 ufem ziviler moutier, u da i schö hüt mega nervös bi mini frage kennt öper das zivilstandesamt, wie machesis dert muesme zersch verbi wü d ehevorbereitig machemer nid dert....??

merci vielmau
es liebs grüessli...

03.09.08 16:17
sidi

nicht registriert

Re: ziviler in moutier

Hoi Aschera

Hey so cool....mir hürote au am 10.10.08 zivil.

Ig weiss ehrlich gseit nöd, wiä das isch öb dä dört vorhär müesstisch verbi oder nid...also wenn ig Di wär, würd ig dört mol alüete und froge, diä chönne Dir sicher witerhälfe.

03.09.08 16:58
aschera 

Re: ziviler in moutier

hallo sidi

wow das isch würkli coool, dass dir ou am 10.10 hüratet!!! wo machet dir der ziviler? (gwunder)

merci für dini zile...

Zitat:



Hoi Aschera

Hey so cool....mir hürote au am 10.10.08 zivil.

Ig weiss ehrlich gseit nöd, wiä das isch öb dä dört vorhär müesstisch verbi oder nid...also wenn ig Di wär, würd ig dört mol alüete und froge, diä chönne Dir sicher witerhälfe.


04.09.08 10:33
sidi

nicht registriert

Re: ziviler in moutier

Zivil hürote mir in Laufen, isch e wunderschöne Saal. Tolli Atmosphere...

no ca. 5 Wuche und denn isch es scho sowit....

Bisch scho nervös?

04.09.08 11:16
aschera 

Re: ziviler in moutier

Zitat:



Zivil hürote mir in Laufen, isch e wunderschöne Saal. Tolli Atmosphere...

no ca. 5 Wuche und denn isch es scho sowit....

Bisch scho nervös?



hoi tess

ja immer weni uf dere site chli schmöckere packtmi so es chlises fieber....

mir gö hüt em nami ufe ziviler fürd vorbereitig, ha scho chli müi mi uf öpis anders zkonzentriere!
fröiemi mega!

merke aber ou wie viel mir no zvorbereite hei für de die chirchlechi hochzit nächscht jahr, i ha gmeint mir sige mega früeh dranne... aber weni da so im forum lise isch das gar nid so früeh wini ha gmeint....

wie düet dir das so handhabe?

es grüessli
aschera

10.09.08 07:49
aschera 

Re: ziviler in moutier

guts tägli sidi

hei hüt i 30 tag isches sowit... fröischt di ou so??

dh. i chas mängisch gar no nid würkli fasse...
geschter simer ihr vorbereitig gsi...
hmm ab em 10te isches de so, mi name lutet de angers... bi gspannt wie lang dasi bruche bis ig der nöi name verinnerlicht ha...

es liebs grüessli
aschera

11.09.08 08:07
sidi

nicht registriert

Re: ziviler in moutier

Guete Morge Aschera

Jetzt sis nur no 29 Däg....

Ig freu mi extrem und wird au langsam nervös...dass wird scho komisch si, wenn dä denn plötzlich mit em angere Name muesch s Telefon abnäh...ig glaub ig wird am Afang stottere...will ig no mini wött säge und nochhär mir plötzlich in Sinn wird cho, dass i jo angerscht heiss...

Du hesch mi no gfrogt, wiä witt mir mit dä Vorbereitige si...also es isch ä so..mir wärde ebe d Wuche druff chirchlich hürote...somit hei mir eigentlich praktisch alles scho organisiert...no chlini Details...

Aber mach Di nid verrugt...mir hei im Januar agfange und no dis no öbis witers organisiert. s Wichtigschte isch jo eh d Kirche, Pfarrer und d Location fürs Ässe und s Hochzitschleid....

Liebi Griessli Sidi

06.10.08 09:12
aschera 

Re: ziviler in moutier

guete morge sidi

hui.... jetzt geits nur no 4 Täg... ig freuemi mega!!! bi nid nume langsam aber sicher nervös...
wie isches so bi dir??

bi üs wüsses nur afe e handvoll lüt (eltere u trouzüge u natürlich dir im forum) mues ehrlich säge i chas no gar nid fürkli gloube mir hürate... freu!

ig wünsche euch no superschöni täg bis zu euem grosse tag...
lg
aschera

mir hürate am 10.10.08 und 25.07.09

06.10.08 21:22
sidi

nicht registriert

Re: ziviler in moutier

Hoi Aschera

Säg nüt, jetzt gohts wirklich nüm lang....ui, ig bi au mega nervös...
chas au nid wirklich glaube, dass es jetzt sowit isch... bi öis wüsstes eigentlich all, aber gäll, mir hei jo s gross Fescht au am Samschtig inere Wuche...smile

hesch diä neu Ungerschrift scho güebt?

Das wird sicher au no speziell, wenn ig denn im Gschäft zerschte Tel. mit neuem Name abnimm....

Morn cha ig jetzt ändlich s Hochzitschleid go aprobiere ...isch ä mega zügs gsi...aber wenn alles klappt isch jo guet...

ig wünsch Dir au ä gueti Zyt...hoffentlich wird gly Fritig....

liebi Griessli sidi

07.10.08 08:00
aschera 

Re: ziviler in moutier

hoi sidi

ok das isch klar de müesses ja alli wüsse... wär süsch nid so gäbig....

oh ja!! ig ha scho güebt u muess leider feschtstelle si gseht meh als verschisse us... aber mi seit ja "übung macht den meister"... ouso es besteiht no hoffnig... !
u du hesch ou scho chli güebt?

ufs telefon abnäh fröiemi bsunders... da ig sälbständig bi wird so e telefon ahruef de scho chli für verwirrig sorge... smile... (bi üs wüsses ja nume d eltere u trouzüge)...

ändlich? für mi isch das scho.... smile... was isch de passiert mit dim chleid??

es liebs grüessli
aschera

mir hürate am 10.10.08 und 25.07.09

 1 2
wunderschöni   grüessli   Aschera   underschribe   ziviler   Hochzitschleid   feschtstelle   gschäftlich   Hochtzeitschleid   moutier   Wichtigschte   ungerschriebe   ehevorbereitig   vorbereitig   Vorbereitige   verinnerlicht   wunderschöne   Ungerschrift   zkonzentriere   zivilstandesamt