| Passwort vergessen?
Sie sind nicht angemeldet.  Anmelden
Zivilhochzeit um welche Zeit?
 1 2 3 4 5 .. 8
15.11.12 15:20
elea 

Re: Zivilhochzeit um welche Zeit?

jo i be au grad meeega erliechteret gsi dass de termin scho reserviert esch! alles wo scho erledigt esch, esch super demfall esch das vo kanton zu kanton anderst he? bi dem standesamt womer gönd hends gseit si rechnet pro brutpaar 1h! donkt mi mega lang! all zivile hochzite woni bes jez gsi be goht doch da ratzfatz :) oder machets echt das, damet ebe nacheten ned scho s aneder brutpaar dosse wartet?

15.11.12 15:35
valey 

Re: Zivilhochzeit um welche Zeit?

hey elea
für weli date hender euch jez entschiede?? :)

mer hend s zivile am 25. mai

ahhh cool weg de location weli hender? :)) freut mi mega..
und wegem theolog? hesch mer ja vom einte verzellt gha...


i ha min zivil termin au es jahr im vorus reserviert gha hihi

15.11.12 15:59
elea 

Re: Zivilhochzeit um welche Zeit?

zivile werd am 7.9 si! und wenn mer glöck hend die trauuig am 21.9. de ort wer of em engelberg (esch bi safewil SO). aber ebe esch nonid fix wel no es anders paar de termin reserviert het... musch mer helfe dume dröcke dass si sech för e andere Ort entscheide damet mer denn chöne fiire (ui hoffe die ander Brut esch ned au do em Forum )

15.11.12 16:04
himbeer 

Re: Zivilhochzeit um welche Zeit?

ja nöd mal vo kanton zu kanton, sondern au vo gmeind zu gmeind... bülach ghört au no zu züri. d schwiiz wieder mit ihrem föderalismus :-)

15.11.12 16:15
valey 

Re: Zivilhochzeit um welche Zeit?

jaaa drück der beidi düüme dass ehr d location bechömed.. wie heisst sie denn?? be neugierig well go güggsle :) hehehe..

15.11.12 16:18
elea 

Re: Zivilhochzeit um welche Zeit?

http://www.derengelberg.ch/index.cfm?hmI...tandard&z=2

heisst engelberg, s coole esch, dass mer dete grad chönte dosse hürote!

ah ganz vergesse z schribe wegem theolog... mini zuekönftig schwegermueter kennt no e jonge pfarrer wo eventuell dezue bereit esch d trauuig dosse zmache. ond das wer de au ned so tür wie en theolog. mol luege ob si ne cha öberrede :)

15.11.12 16:22
valey 

Re: Zivilhochzeit um welche Zeit?

woow location ish echt hammer...
so wie du hesch welle wo chasch dusse hürote..

ahh und au super wegem junge pfarrer wär super :D
drück der dumee

15.11.12 16:25
elea 

Re: Zivilhochzeit um welche Zeit?

jo ond s coole esch dass fix es zelt det stoht! aso wer rege keis problem! und au vom standort her super, wells all ganz nöch hette! geb der de sofort bscheid wenni weiss ob mer si bechöme :)

jo hoffe au das de jongi pfarre chli offe esch und flexible ;)

16.11.12 10:49
Emma13 

Re: Zivilhochzeit um welche Zeit?

himbeer:
es isch ebe würkli überall anders. in züri hetti au erst 6 mönet vorher chöne, aber jetz gönd mer uf bülach und det chasch 1 jahr vorher reserviere. isch mer viel wohler wenn das scho fix isch :-)

Himbeer, mir hüratet au z'Bülach so luschtig...

mir hend euse Termin am 23. Mai uf di 17h nacher gömmer mite Eltere und de Trauzüge go Esse..

16.11.12 12:24
himbeer 

Re: Zivilhochzeit um welche Zeit?

ou emma wo gönder go esse? ich bi no am überlegge :-)
mir händ de termin am 13.9 am viertel vor feufi :-)

 1 2 3 4 5 .. 8
heiraten   vorausstichtlich   Hochzeitsmesse   voraussichtlich   outfitvorschläge   Nachmittagstermin   Vorbereitungszeit   anschliessend   Zivilhochzeit   Fotoshooting   reserviert   masseabfertigong   standesamtlich   Standesamt   Massenproduktion   Brautpaarshooting   Transportmöglichkeit   Vorausstichlich   kirchlich   Zürichseeregion